அனிதா ராதாகிருஷ்ணன் 13ம்தேதி அ.தி.மு.க.,வில் சேருகிறார்?

திருச்செந்தூர் தொகுதி தி.மு.க., எம்.எல்.ஏ., அனிதா ராதாகிருஷ்ணன் வரும் 13ம்தேதி சங்கரன்கோவில் தொகுதி இடைத்தேர்தல் பிரசாரத்திற்கு வருகை தரும், முதல்வர் ஜெயலலிதா முன்னிலையில் அ.தி.மு.க.,வில் இணைகிறார் என கட்சி வட்டாரங்கள் தெரிவிக்கின்றன.



கடந்த 2001-06ம் ஆண்டு அ.தி.மு.க., ஆட்சியில் வீட்டுவசதித்துறை அமைச்சராகவும், கால்நடைத்துறை அமைச்சராகவும், தூத்துக்குடி மாவட்டச் செயலராகவும் பணியாற்றினார். அ.தி. மு.க., ஆட்சியில் தென் மாவட்டத்தில் பவர்புல் அமைச்சராக பணியாற்றினார். அவரது மூன்று மகன்களின் திருமணம் முதல்வர் ஜெயலலிதா தலைமையில் நடந்தது. முதல்வர் ஜெயலலிதாவின் நம்பிக்கைக்குரியராகவும் அனி தா ராதாகிருஷ்ணன் திகழ்ந்தார். போயஸ்கார்டன் இல்லத்தில் சசிகலா இருந்த போது, அவரது குடும்பத்தினரின் நெருக்கடியினால் அ.தி.மு.க.,விலிருந்து அனிதா ராதாகிருஷ்ணன் ஓரங்கட்டப்பட்டார். கடந்த தி.மு.க., ஆட்சியில் தனது எம்.எல்.ஏ., பதவியை ராஜினாமா செய்து விட்டு அப்போதைய ஆளுங்கட்சியான தி.மு.க.,வில் இணைந்தார்.இடைத் தேர்தலில் தி.மு.க., சார்பில் போட்டியிட்டு மீண்டும் எம்.எல்.ஏ., பதவி ஏற்றார்.கடந்த சட்டசபைத் தேர்தலில் மீண்டும் திருச்செந்தூர் தொகுதியிலிருந்து எம்.எல்.ஏ.,வாகத் தேர்ந்தெடுக்கப்பட்டார். சமீபத்தில் சசிகலா குடும்பத்தினர் அ.தி. மு.க.,விலிருந்து வெளியேற்றப்பட்டதால் அ.தி.மு.க.,வில் இணைய அனிதா ராதாகிருஷ்ணன் விருப்பம் தெரிவித்துள்ளார்.

தி.மு.க., பொருளாளர் ஸ்டாலின் பிறந்த நாளை ஒட்டி, அவருக்கு பிறந்தநாள் வாழ்த்தும் அவர் சொல்ல வில்லை. சங்கரன்கோவில் இடைத்தேர்தல் தொகுதியில் தேர்தல் பிரசாரப் பணிக்கு வரும்படி தி.மு.க., தரப்பில் அழைப்பு விடுத்தும் அந்த அழைப்பை அவர் உதாசீனப்படுத்தியுள்ளார்.சங்கரன்கோவில் தொகுதியில் நாடார் சமூகத்தினர் ஓட்டுக்கள் அதிகம் உள்ள சேர்ந்தமரம் கடையா சுருட்டி என்ற பகுதியில் தேர்தல் பொறுப்பாளராக அனிதா ராதாகிருஷ்ணன் நியமிக்கப்பட்டார். ஆனால், அவர் தேர்தல் பணிக்குச் செல்லாமல் இருந்து வருகிறார். இந்நிலையில் தனது தாய் கட்சியான அ.தி.மு.க.,வில் இணைய அவர் விருப்பம் தெரிவித்து முதல்வர் ஜெயலலிதாவுக்கு கடிதம் கொடுத்துள்ளார்.அவரை கட்சியில் இணைப்பதற்கு முதல்வர் ஜெயலலிதா ஒப்புதல் அளித்துள்ளதாகவும் கூறப்படுகிறது. வரும் 13ம்தேதி சங்கரன்கோவில் தொகுதி இடைத்தேர்தல் பிரசாரத்திற்கு வருகை தரும் முதல்வர் ஜெயலலிதா முன்னிலையில் அனிதா ராதாகிருஷ்ணன் அ.தி. மு.க.,வில் இணையும் வாய்ப்பு இருப்பதாகக் கட்சி வட்டாரங்கள் தெரிவிக்கின்றன.

- எஸ்.சிந்தாஞானராஜ் -


தினமலர்

பிரபு அண்ணா இவனுக்களுக்கு வேற வேலை இல்லை

உங்களை அன்போடு ஆதிமுகவிற்கு வரவேகிறோம்..!
இப்படிக்கு
ஜெஜெ!!

எத்தனையாவது தடவையா????

வெட்கம் என்றால் விலை என்ன?...
சொரணைக்கும் சூட்டுக்கும் சம்பந்தம் என்ன?...
சுயமரியாதை யாரு சொத்து?...
இப்படியெல்லாம் இவங்ககிட்ட கேட்கவே கூடாதுங்கோவ்...