ஐ.நா. சபை தீர்மானம்: இலங்கைக்கு, இந்தியா ஆதரவு- தமிழக கட்சிகள் கோரிக்கை நிராகரிப்பு

இலங்கையில் முள்ளி வாய்க்கால் பகுதியில் விடுதலைப்புலிகளுக்கு எதிரான இறுதிக்கட்டப் போரில் சிங்கள ராணுவம் மனித உரிமை மீறல்களில் ஈடுபட்டது. விடுதலைப்புலிகளை ஒழிக்கிறோம் என்று கூறி ஆயிரக்கணக்கான அப்பாவி மக்களை குண்டுவீசி கொன்று குவித்தது.

பெண்கள், குழந்தைகள், சிறுவர்-சிறுமிகள் குற்றுயிராக காயங்களுடன் மரண ஓலமிட்டவாறு உயிருக்கு போராடினார்கள். குவியல் குவியல்களாக பிணங்கள் கிடந்தன. இந்தக் காட்சிகள் இங்கிலாந்து தொலைக்காட்சியில் ஒளிபரப்பாகி உலகையே அதிர்ச்சி அடையச் செய்தது.

இலங்கை தனது போர்க் குற்றங்களையும், மனித உரிமை மீறல்களையும் மறைத்து உலக நாடுகளை ஏமாற்றி வருகிறது. ஆனால் அமெரிக்கா, இங்கிலாந்து, நார்வே போன்ற நாடுகள் இலங்கையில் மனித உரிமை மீறல் நடந்து இருப்பதாக கண்டனம் தெரிவித்தது. ஆனால் பக்கத்து நாடாகவும், தமிழர்களின் தாய் மண்ணாகவும் விளங்கும் இந்தியா இதில் எந்த கருத்தும் தெரிவிக்காமல் மவுனம் சாதித்து வருகிறது.

இதற்கிடையே ஜெனீவாவில் உள்ள ஐ.நா. மனித உரிமைகள் கவுன்சில் கூட்டத்தில் இலங்கைக்கு எதிராக தீர்மானம் கொண்டு வர அமெரிக்கா, இங்கிலாந்து முடிவு செய்துள்ளது. இந்த கூட்டம் கடந்த பிப்ரவரி 27-ந்தேதி தொடங்கி நடந்து வருகிறது. இதில் இலங்கை ராணுவத்தின் போர்க்குற்றம், மனித உரிமை மீறல்கள் பற்றி விவாதிக்கப்பட உள்ளது.

இதற்கான தீர்மானத்தை அமெரிக்கா முன் மொழிகிறது. இலங்கைக்கு எதிரான மனித உரிமை மீறல்கள் தீர்மானத்தை இந்தியா ஆதரிக்கவேண்டும் என்று பல்வேறு தமிழ் அமைப்புகளும், தமிழ்நாட்டில் உள்ள அனைத்து அரசியல் கட்சி களும் ஒட்டு மொத்தமாக கோரிக்கை விடுத்துள்ளன. இது தொடர்பாக முதல்- அமைச்சர் ஜெயலலிதா, பிரதமர் மன்மோகன்சிங்குக்கு கடிதம் எழுதினார். அதில் போர்க்குற்றம் தொடர்பான தீர்மானத்தில் இலங்கையை இந்தியா ஆதரிக்கக்கூடாது என்று கூறி இருந்தார்.

தி.மு.க. தலைவர் கருணாநிதி, ம.தி.மு.க. பொதுச் செயலாளர் வைகோ, பா.ம.க. நிறுவனர் டாக்டர் ராமதாஸ், விடுதலை சிறுத்தைகள் கட்சித்தலைவர் திருமாவளவன், நாம் தமிழர் கட்சி தலைவர் சீமான், பழ. நெடுமாறன் உள்ளிட்ட அரசியல் கட்சி தலைவர்களும், இலங்கையை இந்தியா ஆதரிக்கக்கூடாது என்று வற்புறுத்தினர்.

ஆனால் நேற்று முன்தினம் நடந்த ஐ.நா. மனித உரிமை குழு கூட்டத்தில் இந்தியா சார்பில் ஒரு அறிக்கை வாசிக்கப்பட்டது. அதில் இந்த விவகாரத்தில் இலங்கைக்கு ஆதரவாக இந்தியா செயல்படும் என்ற முடிவை மறை முகமாக தெரிவித்து உள்ளது. அறிக்கையில் கூறப்பட்டு இருப்பதாவது:-

குறிப்பிட்ட ஒரு நாட்டுக்கு எதிரான தீர்மானங்கள் மனித உரிமைக்குழுவின் ஆக்கப் பூர்வமான பேச்சுக்களையும், அனைத்து தரப்புகளின் ஒத்து ழைப்பையும், அணுகுமுறை யையும் வலு இழக்கச் செய்யும். உள்நோக்கம் இல்லாத வெளிப்படை தன்மை கொண்ட, அரசியல் கலக்காத கொள்கைகளில்தான் மனித உரிமை குழுவின் வலிமை அடங்கி இருக்கிறது.

இந்தப் பண்புகளை காக்க வேண்டுமானால் அனைவரையும் அணைத்துச் செல்ல வேண்டும், உறுதியான பேச்சு, ஒத்துழைப்பு ஆகியவற்றை உறுதி செய்யவேண்டும்.

இவ்வாறு அதில் கூறப்பட்டுள்ளது.

இந்தியாவின் இந்த அறிக்கை மனித உரிமைக் குழுவின் இணைய தளத்தில் வெளியிடப்பட்டுள்ளது. இலங்கைக்கு எதிராக தீர்மானம் கொண்டு வருவதை இந்தியா எதிர்ப்பு தெரிவிப்பதையே இந்த அறிக்கை காட்டுகிறது. இலங்கைக்கு ஆதரவாக இருப்பதை சூசகமாக தெரிவித்துள்ளது. இது தமிழ் அமைப்புகள் மற்றும் தமிழ்நாட்டு அரசியல் கட்சிகளின் கோரிக்கைகளை மத்திய அரசு நிராகரித்து விட்டதையே காட்டுகிறது. தமிழ் அமைப்புகள் அதிர்ச்சி அடைந்துள்ளன.

இலங்கைக்கு எதிரான மனித உரிமை மீறல் தீர்மானம் அக்டோபர் மாதம் முன்மொழிய இருக்கிறது. இந்த தீர்மான விவகாரத்தில் தங்களுக்கு போர்ப்படிப்பினை மற்றும் நல்லிணக்க ஆணையம் அளித்திருக்கும் பரிந்துரைகளை அமல்படுத்த கால அவகாசம் வேண்டும் என்று இலங்கை ஏற்கனவே கோரி இருந்தது.

மாலைமலர்

எதிர்பார்த்தது தான்...

தமிழனை விட்டுக் கொடுக்கவில்லை
தன்மானத்தையும் உதிர்த்து விட்டோம்.

சைனாவுக்கு பயந்தது போய் ராஜ பக்க்ஷேயின்
இலங்கைக்கும் பயப்படும் நிலை வந்தது வேதனைக் குரியது.

பார்க்கலாமே வரும் பாராளுமன்றத் தேர்தலில்
கடிதம் எழுதிய எந்த தமிழ்நாட்டு மானங்கெட்ட அரசியல்
கட்சி காங்கிரசுடன் கை கோர்க்கிறது என்று.

கொலவெறி wrote:தமிழனை விட்டுக் கொடுக்கவில்லை
தன்மானத்தையும் உதிர்த்து விட்டோம்.

சைனாவுக்கு பயந்தது போய் ராஜ பக்க்ஷேயின்
இலங்கைக்கும் பயப்படும் நிலை வந்தது வேதனைக் குரியது.

பார்க்கலாமே வரும் பாராளுமன்றத் தேர்தலில்
கடிதம் எழுதிய எந்த தமிழ்நாட்டு மானங்கெட்ட அரசியல்
கட்சி காங்கிரசுடன் கை கோர்க்கிறது என்று.

2014 தேர்தலின் போது கூட்டணி வைத்துவிட்டு... வடிவேல் போல சொல்வார்கள் "அது வேற கை..." (கடிதம் எழுதியது) என்று....

வாக்கு மட்டும்தான் நாம் கையில் இருக்கும் ஆயுதமா

தமிழனை ஒரு பொருட்டாக கூட மதிக்க மாட்டுகிறானாகளே

இந்தத் திமிர் பிடித்த மத்திய அரசின் கொட்டம் அழிந்து தரைமட்டமாகும் நாள் வெகு தொலைவில் இலை. தமிழர்களின் வயித்தெரிச்சல் அவர்களை சும்மா விடாது! மிருகத்தைக் காட்டிலும் கேவலமான ஜென்மங்கள்!