1,800 மெகா வாட்டில் இருந்து 800 ஆக திடீரென குறைந்தது

by இரா.பகவதி Sat Mar 03, 2012 9:18 pm

வெளிசந்தையில் வாங்கும் மின்சாரம்
1,800 மெகா வாட்டில் இருந்து 800 ஆக திடீரென குறைந்தது

1,800 மெகா வாட்டில் இருந்து 800 ஆக திடீரென குறைந்தது Tamil-Daily-News-Paper_77205622197

சென்னை: தமிழ்நாடு மின்வாரியத்துக்கு வெளிசந்தையில் இருந்து வாங்கப்படும் மின்சாரத்தின் அளவு 1,800 மெகா வாட்டில் இருந்து 800 ஆக திடீரென குறைந்துள்ளது. இதனால், மேலும் மின்பற்றாக்குறை ஏற்பட்டுள்ளது. தமிழ்நாட்டில் இதுவரை மக்கள் கண்டிராத அளவுக்கு மின்தடை ஏற்பட்டுள்ளது. மின்சாரத்தை பார்ப்பதே அரிதாக உள்ளது என்று கிராமங்களில் மக்கள் புலம்புகின்றனர். இருக்கும் மின்தடையை ஓரளவுக்கு சமாளிக்கவே மின்வாரியம், கடந்த 27ம் தேதி புதியவெட்டு முறையை அமல்படுத்தியது. அதாவது, சென்னை மற்றும் புறநகர் பகுதிகளுக்கு 2 மணி நேரம் மின்தடை, மற்ற மாவட்ட பகுதிகளுக்கு 4 மணி நேரம் மின்தடை, தொழிற்சாலைகளுக்கு வாரம் ஒரு நாள் மின் விடுமுறை என அறிமுகப்படுத்தியது. சொன்னபடியே செய்திருந்தால், ஓரளவுக்கு மக்கள் நிம்மதி அடைந்திருப்பார்கள். ஆனால், உண்மையில் பழைய நிலையை விட மோசமாக இருக்கிறது என்பதுதான் மக்களின் ஆதங்கமாக உள்ளது. தமிழகத்தின் மொத்த மின்தேவை 11,500ல் இருந்து 12,500 மெகாவாட்டாக உள்ளது. கிடைப்பதோ 8,500 மெகா வாட். இதனால், சுமார் 3,000 முதல் 4,000 மெகாவாட் அளவுக்கு பற்றாக்குறை ஏற்பட்டுள்ளது.

வெளிச்சந்தையில் இருந்து 1,800 மெகா வாட் மின்சாரம் வாங்கப்பட்டு வந்தது. இது, தற்போது 800 மெகா வாட் ஆக திடீரென குறைக்கப்பட்டுள்ளது. வெளிசந்தையில் மின்சாரம் கிடைப்பதில்லை, அதற்கான போதுமான மின்கட்டுமானங்கள் இல்லை என்றும் கூறப்படுகிறது. மேலும், அதிக விலையில் மின்சாரம் வாங்கக் கூடாது; குறைந்த விலையில் கிடைத்தால் மட்டுமே வாங்க முயற்சிக்க வேண்டும் என்று அரசு தெரிவித்திருப்பதாக மின்வாரிய அதிகாரிகள் தெரிவிக்கின்றனர். இதுகுறித்து மின்வாரிய அதிகாரிகள் கூறியதாவது: மின்பற்றாக்குறையை சமாளிக்கவே மின்தடை அமல்படுத்த வேண்டிய நிலை ஏற்பட்டுள்ளது. புதிய மின்வெட்டில் ஏற்பட்டுள்ள குறைபாடுகளை நீக்க 5 அதிகாரிகள் கொண்ட குழுவும் நியமிக்கப்பட்டுள்ளது. ஏற்கனவே, வெளிசந்தையில் இருந்து 1,800 மெகா வாட் மின்சாரம் வாங்கப்பட்டு வந்தது. தற்போது, வெளிமாநிலங்களில் இருந்து 450 மெகா வாட், தமிழ்நாட்டில் பிற தனியார் நிறுவனங்களிடம் இருந்து 350 மெகா வாட் என மொத்தம் 800 மெகா வாட் மட்டுமே வாங்கப்படுகிறது.

வெளிமாநிலங்களில் இருந்து மின்சாரம் கொண்டு வர போதுமான கட்டுமானங்கள், மின்கம்பங்கள் இல்லை. இதனால், மின்சாரம் கொள்முதல் செய்வதில் பிரச்னை உள்ளது. மேலும், ஏற்கனவே பல கோடி ரூபாய் நஷ்டத்தில் இயங்கி வரும் மின்வாரியம், அதிக விலைக்கு மின்சாரம் வாங்கக் கூடாது என்று அரசும் தெரிவித்திருப்பது குறிப்பிடத்தக்கது. மே மாதம் வரையில் மின்பற்றாக்குறை இருக்கும். மே மாதத்தில் காற்றாலை மின்உற்பத்தி தொடங்கி விட்டால், 3,000 மெகா வாட் மின்சாரம் கிடைக்கும். இதன்மூலம் ஓரளவுக்கு மின்பற்றாக்குறையை சமாளிக்க முடியும். இதைத்தொடர்ந்து, அடுத்த சில மாதங்களில் 3 அனல்மின் நிலையங்களிலும் 1,200 மெகா வாட் மின் உற்பத்தி தொடங்கும். இவ்வாறு அவர்கள் கூறினர்

thinakaran .

by அசுரன் Sat Mar 03, 2012 9:24 pm

இவை என்னவோ போலியான மின் பற்றாகுறை போல தெரிகிறது.

by இரா.பகவதி Sat Mar 03, 2012 9:27 pm

அசுரன் wrote:இவை என்னவோ போலியான மின் பற்றாகுறை போல தெரிகிறது.

எண்ணனே தெரியல ஓனூமே புரியல தமிழகத்திலே
என்ன என்னவோ நடக்குது மர்மமாயி இருக்குது அம்மா ஆட்சிலே

நாங்கள் எல்லாம் பெங்களூரில் மிகவும் சீரோடும் சிறப்போடும் உள்ளேமே. பக்கத்தில் உள்ள தாய்த் தமிழ் நாடு இவ்வளவு கேவலமாக இருக்கிறதே. சோகம்

by இரா.பகவதி Sat Mar 03, 2012 10:35 pm

Dr.சுந்தரராஜ் தயாளன் அய்யா உங்களை நினைத்தால் சற்று போராமையா க தான் உள்ளது

by யினியவன் Sat Mar 03, 2012 11:33 pm

நல்ல வேலை இவனுகளால சூரியனை ஒன்னும் பண்ண முடியாது.
இல்லேன்னா பகலக் கூட இருட்டாக்கிருவானுக.

by **இளமாறன்** Sun Mar 04, 2012 12:29 am

என்ன தான் வழி .... கூடங்குளம் ஆரம்பியுங்கள் என்று மக்கள் சொல்ல வேண்டும் என்று எதிர்பார்க்கிறார்களா இல்லை எதிர்பார்க்க வைக்க படுகிறார்களா சோகம்

by ஹர்ஷித் Sun Mar 04, 2012 1:38 am

Dr.சுந்தரராஜ் தயாளன் wrote:நாங்கள் எல்லாம் பெங்களூரில் மிகவும் சீரோடும் சிறப்போடும் உள்ளேமே. பக்கத்தில் உள்ள தாய்த் தமிழ் நாடு இவ்வளவு கேவலமாக இருக்கிறதே.

நாங்க தான் உங்களுக்கு மின்சாரத்தை விற்கிறோமே...அதுதான் அப்படி...
இங்கே எம் தலைவர்களுக்கு எங்களை பற்றி கவலை இல்லை.அரசு கஜானாவை நிரப்புவதும் பின் ஆட்சி முடிவடையும் தருவாயில் அதை வாயில் போட்டுக்கொள்வதும் அதன் மூலம் ஆதாயம் தேடுவதும் வாடிக்கை.
என்ன கொடுமை என்றால் இங்கே சரியாக நமது தமிழ் நாட்டை நிர்வகிக்க(கவனிக்கவும் ஆட்சி செய்ய அல்ல ) யாரும் இல்லை என்பதை விட யாரையும் விட மாட்டார்கள் என்பதே உண்மை.
இவர்களெல்லாம் அரசியல்வாதிகள் அல்ல சுயநல வாதிகள்..
சோகம்