சம்பளம் கிடைக்காததால் விரக்தி மருத்துவ பேராசிரியை தற்கொலை

by இரா.பகவதி Sat 3 Mar 2012 - 22:03

First topic message reminder :

அம்பத்தூரில் பரபரப்பு
சம்பளம் கிடைக்காததால் விரக்தி மருத்துவ பேராசிரியை தற்கொலை

சம்பளம் கிடைக்காததால் விரக்தி மருத்துவ பேராசிரியை தற்கொலை - Page 2 Tamil-Daily-News-Paper_93840754033

சென்னை: சம்பளம் 10 மாதங்களாக வராததால் விரக்தியடைந்த உதவி பேராசிரியை கிணற்றில் குதித்து தற்கொலை செய்து கொண்டார். அம்பத்தூர் வெங்கடாபுரம் முருகப்ப ரெட்டி தெருவில் வசிப்பவர் தாமோதர குமார் (53). சென்னை பச்சையப்பன் கல்லூரியில் உதவி பேராசிரியர். இவரது மனைவி ஜோதிலட்சுமி (49). இவர், செங்கல்பட்டில் உள்ள அரசு மருத்துவக் கல்லூரியில் மருந்தியல் துறையில் உதவி பேராசிரியராக பணியாற்றினார். இவர்களுக்கு ஐஸ்வர்யா, ஹரிதா என்ற 2 மகள்கள் உள்ளனர். ஜோதிலட்சுமி நேற்று காலை வீட்டில் தூங்கி எழுந்ததும் அவர்கள் வீட்டு காம்பவுண்டுக்குள் இருந்த கிணற்றில் குதித்துவிட்டார். அதை பார்த்து அதிர்ச்சியடைந்த மகள் ஐஸ்வர்யா, உடனே கூச்சல் போட்டு அப்பாவை அழைத்தார் சமையல் அறையில் இருந்த தாமோதரகுமார் வேகமாக ஓடிவந்து ஜோதிலட்சுமியை மீட்க முயன்றார். முடியவில்லை. உடனடியாக அம்பத்தூர் தீயணைப்பு நிலையத்துக்கு தகவல் கொடுத்தார். தீயணைப்பு வீரர்கள் விரைந்து வந்து கிணற்றில் இறங்கி ஜோதிலட்சுமியின் சடலத்தை மீட்டனர். தகவலறிந்த அம்பத்தூர் போலீஸ் இன்ஸ்பெக்டர் ஆல்பிரட் வில்சன், எஸ்ஐ ராஜேந்திரன் ஆகியோர் ஜோதிலட்சுமி சடலத்தை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பினர். மேலும் வழக்கு பதிந்து விசாரித்தனர்.

விசாரணையில், ஸ்டான்லி மருத்துவக் கல்லூரியில் விரிவுரையாளராக ஜோதிலட்சுமி பணியாற்றினார். பதவி உயர்வு பெற்று 10 மாதத்துக்கு முன்புதான் செங்கல்பட்டு மருத்துவக் கல்லூரியில் உதவி பேராசிரியராக சேர்ந்தார். இங்கு, 10 மாதமாக சம்பளம் வரவில்லை. சம்பந்தப்பட்ட அலுவலகத்துக்கு சென்று கேட்டுள்ளார். விரைவில் பணம் வரும் என்று அதிகாரிகள் கூறியுள்ளனர். இதன்பிறகும் சம்பளம் கிடைக்கவில்லை. இதனால் ஜோதிலட்சுமி, மிகுந்த மனஉளைச்சலில் இருந்துள்ளார். கடந்த 4 நாளாக உடல்நலம் பாதிக்கப்பட்டு வேலைக்குச் செல்லாமல் இருந்தார். ஜோதிலட்சுமியின் உடல் நலக்குறைவு காரணமாக தாமோதரகுமார் சமையல் செய்துகொண்டிருந்தார். காலையில் தூங்கி எழுந்த ஜோதிலட்சுமி, கிணற்றில் திடீரென குதித்து தற்கொலை செய்து கொண்டார் என விசாரணையில் தெரியவந்துள்ளது.

தினமணி

by **இளமாறன்** Sun 4 Mar 2012 - 2:01

ஸ்டான்லி மருத்துவமணியின் பேராசிரியை 10 மாதமாக சம்பளம் இல்லை அதிர்ச்சி

by ஹர்ஷித் Sun 4 Mar 2012 - 3:00

என்ன பிரச்சனையாக இருந்தாலும் தற்கொலை சரியான தீர்வு அல்ல....கவலைப்பட வேண்டிய விடயம் அவர்களின் இரு மகள்களை எதிர் காலத்தை பற்றிதான். சோகம்

by **கே. பாலா** Sun 4 Mar 2012 - 9:36

by **Aathira** Sun 4 Mar 2012 - 10:34

கணவர் பேராசிரியர். 60 க்கும் மேல் வாங்குவார். பத்து மாதம் சம்பளம் இல்லை என்பதற்காக தற்கொலை என்பது ஏற்றுக்கொள்ளக் கூடிய காரணமாக இல்லை. என்ன பிரச்சனையோ? எதுவாக இருந்தாலும் சாவா முடிவு? இவர்களெல்லாம் பேராசிரியராக இருந்து மாணவர்களிடம் தன்னம்பிக்கையை வளப்பவர்களா? என்ன கொடுமை சார் இது

by இரா.பகவதி Sun 4 Mar 2012 - 11:23

ஆதிரா அக்கா அவங்களுக்கு என்ன பிரச்சனையோ யாராவது கோபத்தில் தள்ளி விட்டுவிட்டு அப்புறம் கதையை மாத்தி இருக்கலாம் இல்லை தவறி விழுந்து அதன் பின் அந்த கல்லூரின் பெயரில் இருந்த கோபத்தில் அவ்வாறு மாற்றி இருக்கலாம்

by உதயசுதா Sun 4 Mar 2012 - 13:14

10 மாசமா சம்பளம் வரவில்லை என்று தற்கொலை செய்து கொண்டார் என்றால் நம்ப தான் முடியவில்லை.
இருந்தாலும் அவரது ஆத்மா சாந்தி அடைய என் பிரார்த்தனைகள்

by **Aathira** Sun 4 Mar 2012 - 13:22

இரா.பகவதி wrote:ஆதிரா அக்கா அவங்களுக்கு என்ன பிரச்சனையோ யாராவது கோபத்தில் தள்ளி விட்டுவிட்டு அப்புறம் கதையை மாத்தி இருக்கலாம் இல்லை தவறி விழுந்து அதன் பின் அந்த கல்லூரின் பெயரில் இருந்த கோபத்தில் அவ்வாறு மாற்றி இருக்கலாம்

ஆம் பகவதி. அப்படித்தான் வேறு ஏதாவது காரணம் இருக்கலாம்.

by யினியவன் Sun 4 Mar 2012 - 13:29

கோழைத் தனமான முடிவு என்பது
படித்தவனும் எடுப்பான் படிக்காதவனும் எடுப்பான்.
எந்நிலையிலும் மனம் தளராமல் தைரியமாக இருத்தல் வேண்டும்
எனும் கற்பிக்கும் பேராசிரியரே இம்முடிவை எடுத்தது வேதனையே.

by **Aathira** Sun 4 Mar 2012 - 13:39

கொலவெறி wrote:கோழைத் தனமான முடிவு என்பது
படித்தவனும் எடுப்பான் படிக்காதவனும் எடுப்பான்.
எந்நிலையிலும் மனம் தளராமல் தைரியமாக இருத்தல் வேண்டும்
எனும் கற்பிக்கும் பேராசிரியரே இம்முடிவை எடுத்தது வேதனையே.

ஆமாம் வெறியோடு கொலை செய்யலாமே அன்றி தற் கொலை கூடாது..இல்லையா கொ.வெ.