சொல்ல மறந்த கதை....

**rameshnaga** · **rameshnaga** Sat Mar 03, 2012 3:30 pm

First topic message reminder :

பாம்பு ....சந்திரனை
விழுங்கும் கதையைச் சொல்கிறாள் அம்மா.
பாம்பின் அவ்வளவு பெரிய "வாய்"
குறித்த ஆச்சரியத்தில்...
தனது கண்களை "வாய்" போல் விரிக்கிறது ...
குழந்தை.
***************************************************************
மழையை உற்றுக் கேட்டுக் கொண்டிருக்கிறேன்.
அதன் தெறிப்பில்...ஏனோ....
ஒரு "கண்ணீரின்"சப்தம்
கேட்டுக் கொண்டே இருக்கிறது.
********************************************************************
தனது நிறத்தை...
குளத்தின் மேல் போர்த்திவிடுகிறது இரவு.
பிறகு....
கதை சொல்லித் தூங்க வைக்கிறது சில மீன்களை.
குறட்டைச் சப்தங்களோடு சில தவளைகளையும்.
***************************************************************************
வண்ணத்தாளில் வரையப் பட்ட
பட்டாம்பூச்சி....
அசையாத உறிஞ்சுகுழலுடன்
அப்படியே கிடக்கிறது..
தலை அசைத்து வாடுகிறது...
தொட்டிப் பூ.
**********************************************************************
சேற்றில் கால் தடம்....
யார் தரக் கூடும்....
அதற்கான காலணியை......
********************************************************************
நடைபாதையில் கடைகள்.....
சில நேரம்...
அங்கே "வாழ்க்கை"யும்
விற்கப்படும்.
*********************************************************************
கோவில் கூரையில்...
வண்ண ஓவியங்கள்.
கடவுள் சொல்ல மறந்த கதையைத்
தேடிச் சிரிக்கிறது குழந்தை.
***********************************************************************