தலை நசுங்கிய ஆணிகள்-ஹைக்கூ.

தலை நசுங்கிய ஆணியின் கீழ்
தொங்கியபடி அருள் பாலிக்கிறார்
நாட்கள் தின்னும் கடவுள்.
******************************************************
வானத்தில் மிதக்கிறது
கடவுளின் விளக்கு
எனது இரவைச் செரித்த படி.
********************************************************
பனியின் குரல்
இலைகளின் கண்ணீர்
பாதி திருடப்பட்ட சூரியானோடு
விடிகிறது பகல்.
************************************************************
குதிரைகள் பூட்டிய தேரினில் சூரியன்.
கருகாத குதிரைகளினூடே வளர்கிறது
பாட்டிமார் கதைகள்.
**********************************************************
நிழல் ததும்பும் மாலை
விடை பெற்றுக் கொள்ளலாம்
காலைப் பூக்கள்.
*******************************************************
பூவிலிருந்து விடை பெறுகிறது
வண்ணத்துப் பூச்சி
ஆறாத கனவொன்றின் நீர்த் துளிகளோடு.
******************************************************************
குளிர்கால இரவு
நடுங்கித் திரிகிறது
நட்சத்திரங்களும்.
**********************************************************************
புழு-மீன்
ஆசையின் இடைவெளியில்
அதீத அமைதியுடன் அலைக்கழிகிறது
மரணம்.
************************************************************************
நானும்....நிலவும்
ஒளிர்கிறோம்-தேய்கிறோம்-ஒளிர்கிறோம்
வட்டப் பாதையில்
வாழ்க்கையைக் கடந்தபடி.
************************************************************************
பொம்மைகள்தாம்...
உயிர் பெற்றுவிடுகிறது
குழந்தைகளிடம்.
**************************************************************************
மழையின் சப்தம் ஓய்கிறது.
எட்டிப் பார்க்கிறது
காளான் வெடிக்கும் சப்தம்.
********************************************************************************
மரம்
விழித்துப் பார்க்கிறது
பறவையின் கண்களால்.
*********************************************************************************
மலர்கள்...
நிறையப் பெயர்கள்
ஒரு தோட்டம்.
***********************************************************************************

வெகு நாள் கழித்து உங்கள் கவிதை படிக்கிறேன் அண்ணா.அதே சுவை அதே மணம் காப்பியைச் சொல்லவில்லை.கவிதையை சொன்னேன்

ரொம்பவும் நன்றி! அதி பொண்ணு.

அனைத்தும் ஹைக்கூ.வும் அருமை அய்யா..!

நல்ல ஹைக்குகள்...

மிகவும் இரசித்தேன்

அனைத்தும் அருமை !

ரொம்பவும் நன்றி! அருண்., சார்ல்ஸ்., கோவிந்தராஜ்...

அனைத்துமே நல்லா இருக்கு

ரொம்பவும் நன்றி! ஜாஹீதா பானு.