கல்லெறிந்தவனுக்கு பழமா?

by **ஜாஹீதாபானு** Thu Mar 01, 2012 2:39 pm

First topic message reminder :

கல்லெறிந்தவனுக்கு பழமா?

கல்லெறிந்தவனுக்கு பழமா? - Page 4 Main

ஒரு கோவில் அருகே ஆன்மீகச் சொற்பொழிவாற்றிக் கொண்டிருந்த துறவியின் பேச்சுப் பிடிக்காமல், ஒருவன் ஒரு கல்லை எடுத்து அவர் மீது வீசினான்.

அக்கல் துறவியின் தலையில் பட்டுக் காயத்தை ஏற்படுத்தியது.

துறவியின் துன்பத்தைக் கண்ட அவருடைய பக்தர்கள், அந்த இளைஞனைப் பிடித்துத் தாக்கத் துவங்கினர்.

அதைக் கண்ட துறவி, அவனை அடிக்காமல் அழைத்து வருமாறு தெரிவித்தார்.

அவரது சொற்களுக்கு இணங்கிய பக்தர்கள், அந்த இளைஞனை மேடைக்கு இழுத்துச் சென்றார்கள்.

துறவி, பயத்தோடு நின்ற அவனைப் பார்த்துச் சிரித்துக் கொண்டே, அருகில் வைக்கப் பட்டிருந்த தட்டிலிருந்த மாம்பழம் ஒன்றை எடுத்து அவனிடம் கொடுத்தார்.

அவன் தயங்கினான்.

"அவனைத் தண்டிக்காமல் அவனுக்குப் பழம் தருகிறீர்களே சுவாமி...." என்று பக்தர்கள் கூச்சலிட்டார்கள்.

அவர்களை அமைதிப்படுத்திய துறவி, கூட்டத்தினரைப் பார்த்து, "ஐந்தறிவு உடைய மரமானது தன்மீது கல் எறிபவனுக்கு பழத்தைத் தருகிறது. ஆறறிவு உடைய நான், என் மீது கல்லெறிந்தவனுக்கு ஏதேனும் நன்மை செய்ய வேண்டாமா?" என்றார்.

துறவி கூறியதைக் கேட்ட அந்த இளைஞன் தன் செயலுக்கு வருத்தம் தெரிவித்து அவர் பாதங்களில் விழுந்து மன்னிப்பு கோரினான்.

நன்றி முத்துக்கமலம்

by உதயசுதா Thu Mar 01, 2012 6:05 pm

இரா.பகவதி wrote:
கதை என்னமோ நல்லா தான் இருக்கு.
ஆனா நடைமுறையில் இந்த மாதிரி இருந்தா லூசுன்னு சொல்லிடுவாங்க.
சுதா அக்கா ஏதோ அனுபவம் பேசுது போல

உண்மைதான் பகவதி.நான் நிறைய அனுபவிச்சு இருக்கேன்.சில சமயம் என்னை பார்த்தால் எனக்கே ஆத்திரம் வரும்.இந்த மாதிரி ஏமாளியா இருக்கேனே என்று .

கண்ணுக்கு முன்னாடி நடக்கும் பாரபட்சம் கூட ஒரு வகையில் நமக்கு செய்யப்படும் தீமைதானே.அதெல்லாம் பொறுத்துகிட்டு நாம ஏதாச்சும் நல்லது செய்தால் நமக்கு கிடைக்கும் பட்டம் இது ஒண்ணுமே தெரியாத பைத்தியம்,அந்த அளவுக்கு இதுக்கு விவரம் போதாது என்பதுதான்

by இரா.பகவதி Thu Mar 01, 2012 6:11 pm

உண்மைதான் பகவதி.நான் நிறைய அனுபவிச்சு இருக்கேன்.சில சமயம் என்னை பார்த்தால் எனக்கே ஆத்திரம் வரும்.இந்த மாதிரி ஏமாளியா இருக்கேனே என்று .

கண்ணுக்கு முன்னாடி நடக்கும் பாரபட்சம் கூட ஒரு வகையில் நமக்கு செய்யப்படும் தீமைதானே.அதெல்லாம் பொறுத்துகிட்டு நாம ஏதாச்சும் நல்லது செய்தால் நமக்கு கிடைக்கும் பட்டம் இதுக்கு ஒண்ணுமே தெரியாத பைத்தியம் என்பதுதான்

அக்கா யாருக்காகவும் உங்கள் கொள்கையை மாற்றி கொள்ளாதீர்கள் சொல்லுபவர்கள் ஆயிரம் சொல்லட்டும் உங்கள் மனம் என்ன சொல்ல்கிறதோ அதன் படி செய்உங்கள் மற்ற பேச்சிகளை காதில் போட்டு கொள்ளாதிகள் ,