ஆசிய கோப்பை : இந்திய அணியில் சேவாக் இல்லை

by மகா பிரபு Wed Feb 29, 2012 7:21 pm

ஆசிய கோப்பைக்கான இந்திய அணியில் வீரேந்திர சேவாக்கும், ஜாகிர் கானும் இடம்பெறவில்லை. அவர்களுக்குப் பதிலாக யூசுப் பதானும், அசோக் தின்டாவும் மீண்டும் அணியில் இடம்பெற்றுள்ளனர்.

இது குறித்து அணித் தேர்வுக் குழு கூறுகையில், சேவாக்கிற்கும், கானுக்கும் ஓய்வு அளிக்கப்படுகிறது. சச்சினுக்கும், உமேஷ் யாதவும் சிறப்பாக விளையாடி சதம் அடிக்க ஒரு வாய்ப்பாக அணியில் இடம் அளிக்கப்பட்டுள்ளது. அணியின் துணைத் தலைவராக விராத் கோஹ்லி இருப்பார் என்று கூறியுள்ளது.

தோனி,காம்பீர்,சச்சின்,பிரவீன் குமார்,யூசுப் பதான்,இர்பான் பதான், ரோஹித் சர்மா,வீராத் கொஹ்லி,சுரேஷ் ரெய்னா,திவாரி,ரவீந்திர ஜடேஜா

dinamani

by **ராஜா** Wed Feb 29, 2012 7:26 pm

இன்று இரவு தானே அணி தேர்வு நடக்க போகிறது , அப்புறம் எப்படி இது போல நியூஸ் வருகிறது

by **Manik** Wed Feb 29, 2012 7:28 pm

தல சச்சினுக்கு எப்பவுமே இடம் உண்டு........ மகிழ்ச்சி

by அப்துல் Wed Feb 29, 2012 7:50 pm

அணி தேர்வு முடிந்து வீரர்களின் பட்டியலை வெளியீடு செய்து விட்டார்களே ........

by மகா பிரபு Thu Mar 01, 2012 7:02 am

சேவாக், ஜாகீர்கானுக்கு ஓய்வுதான், நீக்கமில்லை: ஸ்ரீகாந்த்

சேவாக், ஜாகீர்கான் ஆகியோருக்கு உடற்தகுதி பிரச்னை காரணமாக ஓய்வுதான் அளிக்கப்பட்டுள்ளது. அவர்கள் நீக்கப்படவில்லை என்றார் தேர்வுக்குழு தலைவர் ஸ்ரீகாந்த்.

மும்பையில் புதன்கிழமை நடைபெற்ற தேர்வுக்குழு கூட்டத்திற்குப் பிறகு அவர் மேலும் கூறியது: சேவாக், ஜாகீர்கான் ஆகியோருக்கு காயம் ஏற்பட்டிருப்பதால் அவர்களுக்கு ஓய்வுதேவை என்று அணியின் உடற்செயலியல் நிபுணர் (பிசியோதெராபிஸ்ட்) மருத்துவ அறிக்கையில் குறிப்பிட்டுள்ளார். அதன்பேரிலேயே அவர்கள் இருவருக்கும் ஓய்வளிக்கப்பட்டுள்ளது. இது முற்றிலும் உண்மை. யாரும் நீக்கப்படவில்லை என்று 500 சதவீதம் உறுதியளிக்கிறேன் என்றார். ஆஸ்திரேலியத் தொடரில் மோசமாக விளையாடியதன் எதிரொலியாகவே சேவாக் (5 ஆட்டங்கள், 65 ரன்கள்), ஜாகீர்கான் (4 ஆட்டங்கள், 5 விக்கெட்டுகள்) ஆகியோர் நீக்கப்பட்டுள்ளதாக தகவல் வெளியானதை மறுத்த ஸ்ரீகாந்த், அதுபற்றி நான் பேச விரும்பவில்லை. இதே கேள்வியை எப்படி கேட்டாலும், அதற்கு என்னுடைய பதில் அவர்களுக்கு ஓய்வளிக்கப்பட்டுள்ளது என்பது மட்டும்தான்' என்று கடுகடுப்புடன் கூறினார்.

கம்பீர், ரெய்னா இருக்கும்போது, கோலிக்கு துணை கேப்டன் பதவி அளிக்கப்பட்டுள்ளது குறித்துப் பேசிய அவர், "எதிர்காலத்தைக் கருத்தில்கொண்டே கோலிக்கு துணை கேப்டன் பதவி அளிக்கப்பட்டுள்ளதாகக் கருதுகிறேன். வருங்கால கேப்டனாக வருவதற்கு அவருக்கு தகுதி இருப்பதாகவே தேர்வுக்குழுவும், கிரிக்கெட் வாரியமும் கருதுகிறது' என்றார்.

இலங்கைக்கு எதிராக 37 ஓவர்களில் 321 ரன்கள் எடுத்து இந்தியா வெற்றி கண்டது குறித்துப் பேசிய அவர், "மிகச்சிறந்த ஆட்டம். விராட் கோலியின் ஆட்டத்தையும், இந்திய அணியினர் போட்டியை எதிர்கொண்ட விதத்தையும் யாரும் மறக்கமுடியாது. அந்த ஆட்டம் வாழ்வா, சாவா ஆட்டம் என்பது அனைவருக்குமே தெரியும். 37 ஓவர்களில் 320 ரன்களை சேஸ் செய்தது ஆச்சரியமானது. அந்தப் போட்டி இந்திய அணியின் உத்வேகத்தைக் காட்டுவதாக அமைந்தது' என்றார்.

நடுவர்களின் தவறான தீர்ப்புகள் குறித்துப் பேசிய ஸ்ரீகாந்த், "இலங்கைக்கு எதிரான ஓர் ஆட்டத்தில் 5 பந்துகள் வீசப்பட்டதாலேயே அது டிராவில் முடிந்தது. இல்லையென்றால் இந்தியா அந்த ஆட்டத்தில் வெற்றிபெற்றதோடு மட்டுமல்லாமல், இப்போது இறுதிச்சுற்றுக்கும் முன்னேறியிருக்கும். இலங்கை-ஆஸ்திரேலிய அணிகளுக்கு இடையிலான ஆட்டத்தின் முடிவுக்காக காத்திருக்க வேண்டிய அவசியம் ஏற்பட்டிருக்காது' என்றார்.

தினமணி

by **Manik** Thu Mar 01, 2012 8:30 am

ஆசிய கோப்பைக்குப் பிறகு ஒருநாள் போட்டி மிகவும் குறைவு இந்த வருடத்தில் அதனால்தான் சச்சினுக்கு இந்த தொடரில் வாய்ப்பளிக்கப்பட்டுள்ளது........ அதனை உபயோகித்துக் கொள்வாரா இல்லையா என்று பிறகு பார்ப்போம்.....

by **ராஜா** Thu Mar 01, 2012 10:28 am

மிக நல்ல அணி தேர்வு , except ரவீந்திர ஜடேஜா (இவனெல்லாம் எப்படி தான் அணியில் இடம் பிடிக்கிறானோ தெரியல , திறமையுள்ள பல இளம் வீரர்கள் வெளில்யில் நிற்கின்றனர் )

by மகா பிரபு Thu Mar 01, 2012 10:30 am

அஷ்வின், ஜடேஜா, ரெய்னா மூவருக்கும் தோனியின் ஆதரவு உண்டு. அதனால்தான் எளிதில் இடம் பிடித்துவிடுகிரார்கள்.

by **பிரசன்னா** Thu Mar 01, 2012 11:50 am

ஓ‌கே. இம்முறையாவது சச்சின் சதம் அடிக்கட்டும்...

அவர் ஓய்வு பெரும் காலம் வேறு நெருங்கி விட்டது...

Asia Cup போட்டி பங்களாதேஷ்-ல் நடப்பதால், ஆட்டகளம் அவருக்கு சாதகமாக இருக்கும்...