Sunday mass.. மனதிலே பதிந்தவை.....

sinthiyarasu · sinthiyarasu Tue Feb 28, 2012 8:34 pm

எமது சகோதரர்களை நாம் உளமார நேசிக்க வேண்டும்.
கண்ணுக்கு கண் பல்லுக்குப் பல் என்று பழிவாங்கும் எண்ணத்தோடு இருக்கக்கூடாது.
அத்தோடு மற்றவர்களை மன்னிக்கும் மனமும் கொஞ்சமாவது நம்பும் குணமும் அவசியம்.
கோபம், விரோதம், பழிவாங்கும் எண்ணம், ஏட்டிக்குப்போட்டியான மனம், நீண்ட காலப்பகையுணர்வு,
தற்பெருமை, எகத்தாளமான பேச்சு, இப்படியான உணர்வுகளால் மனம் அலைக்கழிக்கப்படும் போதுதான் Psychosomatic disorders எனப்படும் அநேக வகையான குழப்பங்கள் ஏற்படுகின்றன.
எமக்கு அநேக பகைவர்கள் இருக்கிறார்கள் என்றால் அவர்களை சம்பாதித்துக் கொள்வதற்கு நாம் தான் காரணம்.
எமது பங்கு இல்லாமல் எமக்கு பகைவர்கள் ஏற்பட முடியாது.
மனிதனுடைய மனோநிலை மேற்கூறிய எதிர்மறை உணர்வுகளால் பாதிக்கப்படும் போதுதான், Ulcer, High blood pressure, போன்ற நோய்கள் ஏற்படுகின்றன.
எமது மனோசக்தியை இத்தகைய எதிர்மறை உணர்வுகளுக்கு இடமளிப்பதன் மூலம் வீணாக்கக் கூடாது.
மாறாக நேசிப்பதற்கும், நம்பிக்கை வைப்பதற்கும், உதவி புரிவதற்கும் பயன் படுத்திக்கொள்ள வேண்டும்.
எமது மனசக்தியை, வீணாக இழப்பதற்கு இடமளிக்கும், உரையாடல்கள், சகவாசங்களைத் தவிர்த்துக் கொள்ளவேண்டும்.
எல்லாவற்றிற்கும் மேலாக அன்பே உருவான இறைவனிடம் அன்பு செய்யும் மனம் தருவாய் என மனமுருகப்
பிரார்த்திக்க வேண்டும்.

sinthiyarasu · sinthiyarasu Tue Feb 28, 2012 8:38 pm

பிள்ளைகள் எமக்கு கடவுள் அருளும் செல்வங்கள்.
அவர்களை தகுந்த முறையில் சிறந்த மனிதர்களாக
வளர்க்கும் பாரிய பொறுப்பு பெற்றோர்களான எம்மையே சாரும்.
பிள்ளைகளுக்கு நாங்கள் கொடுக்க வேண்டிய மிக முக்கியமான
செல்வங்கள் அறிவு, விசுவாசம், நல்லொழுக்கம்.
அறிவு: வெறும் புத்தக அறிவு மட்டுமல்ல உலக அறிவை
உரிய முறையில் உணர்த்த வேண்டும்.
நல்லதையும் கெட்டதையும் வேறு பிரித்தறியும் தன்மை,
மாற்றங்களை ஏற்றுக்கொள்ளும் மனோபக்குவம்
மாறமுடியாதவைகளை தாங்கிக்கொள்ளும் தைரியம்.
விசுவாசம்: எமது மதம் சார்ந்த மறை உண்மைகளை, சமய விழுமியங்களை
முறைப்படி தெரிந்து நம்பிக்கையோடு ஏற்றுக்கொள்ளும் குணம்.
நல்லொழுக்கம்: புலனடக்கம், கீழ்ப்படியும் குணம், மதிக்கும் மனநிலை,
பாராட்டும் பண்பு போன்ற நற்குணங்களின் பயிற்சி.
இவைகளை வெறும் வாய் வார்த்தையினால் மட்டுமல்ல எமது வாழ்க்கை
முறையினால் அவர்களுக்கு உணர்த்த வேண்டும்.
அதாவது வாழும் உதாரணங்களாக அவர்களுக்கு நாம் திகழ வேண்டும்.

Sunday mass.. மனதிலே பதிந்தவை.....

Sunday mass.. மனதிலே பதிந்தவை.....

Sunday mass.. மனதிலே பதிந்தவை.....

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக