பாத வெடிப்பு குணமாக!

சிலருக்கு, என்னதான் சிகிச்சை பெற்றாலும் பாத வெடிப்பு சட்டென்று குணமாகாது. அப்படிப்பட்டவர்களுக்கு சில டிப்ஸ்...

* பப்பாளி பழத்தை நன்கு நைசாக அரைத்து, அதை பாதங்களில் வெடிப்பு உள்ள பகுதிகளில் தேய்க்க வேண்டும். அவை உலர்ந்ததும், பாதத்தை தண்ணீரில் நனைத்து மறுபடியும் தேய்க்க வேண்டும். இவ்வாறு தொடர்ந்து செய்து வந்தால், பித்த வெடிப்பு குணமாகும்.

*மருதாணி இலைகளை நன்றாக அரைத்து, பித்த வெடிப்பு உள்ள இடங்களில் தேய்த்து உலர விட வேண்டும். பின், தண்ணீரால் கழுவி வர நாளடைவில் பித்த வெடிப்பு குணமாகும்.

* கால் தாங்கும் அளவுக்கு தண்ணீரை சூடுபடுத்தி, அதில் சிறிது உப்பு மற்றும் எலுமிச்சை சாறு சேர்க்க வேண்டும். அந்த தண்ணீரில் பாதத்தை சிறிது நேரம் வைத்திருந்து, பின், பாதத்தை ஸ்கிரப்பர் போன்ற சொரசொரப்பானவற்றால் தேய்த்து கழுவினால் பாதத்தில் காணப்படும் கெட்ட செல்கள் உதிர்ந்து விடும். இதனால் பித்த வெடிப்பு ஏற்படுவதும் தவிர்க்கப் படுவதோடு, பாதம் மென்மையாகவும் இருக்கும்.

* வேப்பிலை, மஞ்சள் ஆகியவற்றுடன் சிறிதளவு சுண்ணாம்பு சேர்த்து அரைக்க வேண்டும். இந்த கலவையில் விளக்கெண்ணெய் சேர்த்து, பித்த வெடிப்பு உள்ள இடங்களில் பூசினால், பித்த வெடிப்பு நீங்கும்.

* தரம் குறைவான காலணிகளைப் பயன்படுத்துவதாலும், சிலருக்கு பித்த வெடிப்பு ஏற்படும். எனவே காலணிகளை வாங்கும் போது, அது தரமானது தானா என்பதை கவனித்து வாங்குவது நல்லது.

* விளக்கெண்ணெய், தேங்காய் எண்ணெய் ஆகியவற்றை சமஅளவில் எடுத்துக் கொள்ள வேண்டும். இதில் சிறிது மஞ்சள் தூளை கலந்து பேஸ்ட் போல் குழைத்து, அதை பாதத்தில் வெடிப்பு உள்ள இடங்களில் தடவி சிறிது நேரம் கழித்து கழுவி வர, பித்த வெடிப்பு சரியாகும்.

* வேப்ப எண்ணெயில், சிறிதளவு மஞ்சள் பொடியை கலந்து பேஸ்ட் போல் குழைத்து, பித்த வெடிப்பு உள்ள இடத்தில் தடவினாலும் பித்த வெடிப்புகள் சரியாகும்.

* இரவு நேரத்தில் படுக்கைக்குச் செல்வதற்கு முன், காலை நன்றாக தேய்த்து கழுவி, சிறிது தேங்காய் எண்ணெய் தடவி தூங்கச் செல்வது நல்லது. இப்படி செய்தால் பித்த வெடிப்பு வராமல் தடுக்கலாம்.

* தினமும் குளித்து முடித்ததும், பாதங்களை ஈரமில்லாதவாறு துணியால் துடைக்க வேண்டும். பின், பாதத்தில் சிறிது விளக்கெண்ணெய் தேய்த்து வந்தாலும் வெடிப்பு வராமல் தடுக்கலாம்.

தினதந்தி

அண்ணா பகிர்வுக்கு நன்றி , அண்ணா தரமான காலணிகளை எவ்வாறு தேர்வு செய்வது ,மேலும் நான் இறந்த செல்களை தேய்து ரிமூவ் பண்ணினால் அந்த தோலின் கடின தன்மை மேலும் அதிகமாக மாறுகிறது

பயனுள்ள குறிப்பு. நன்றி அண்ணா.

நல்ல பதிவு

நன்றி சிவா அண்ணா.

இரா.பகவதி wrote:அண்ணா பகிர்வுக்கு நன்றி , அண்ணா தரமான காலணிகளை எவ்வாறு தேர்வு செய்வது ,மேலும் நான் இறந்த செல்களை தேய்து ரிமூவ் பண்ணினால் அந்த தோலின் கடின தன்மை மேலும் அதிகமாக மாறுகிறது

கொஞ்ச நாளைக்கு வீட்டில் இருக்கும் போதும் காட்டன் சாக்ஸ் அணிந்து கொண்டு இருங்கள் பகவதி , வெடிப்பு தானாக சரியாயிடும்..... (இது என்னுடைய அனுபவம்)

ராஜா அண்ணா நன்றி ,

இரா.பகவதி wrote:அண்ணா பகிர்வுக்கு நன்றி , அண்ணா தரமான காலணிகளை எவ்வாறு தேர்வு செய்வது ,மேலும் நான் இறந்த செல்களை தேய்து ரிமூவ் பண்ணினால் அந்த தோலின் கடின தன்மை மேலும் அதிகமாக மாறுகிறது

கடினத் தன்மையுடைய தோலைக் குணப்படுத்த Beprosalic Ointment அல்லது Lotion பயன்படுத்தி வாருங்கள். விரைவில் குணமாகும்.

நன்றி சிவா அண்ணா

பயனுள்ள தகவல் நன்றி !