அவளில்லாமல்............

வேலவன் · வேலவன் Tue Feb 28, 2012 3:55 pm

First topic message reminder :

ஆத்தோர தென்னையிடம்
அடுத்து நின்ற புன்னைமரம்
நேற்றோடு சென்றவளின்
நினைவுகளை தூண்டியது......

பூவரசு பூக்கவில்லை
புழுதி பறக்கவில்லை
மாதரசி சென்றதானால்
மல்லிகையும் மணக்கவில்லை ..........

குயில் பாட்டுக் கேட்கவில்ல
கொட்டான்கள் கொட்டமில்லை
மயில்காட்டு எல்லைவிட்டு
மாஞ்சோலை வரவேயில்லை....

அந்தியில் வந்திங்கு
ஆர்வத்தில் சூடேற்றும்
செந்தீ சென்றெதெங்கே
சிந்தனையில் முந்திரிப்பூ ....

எந்தோளில் சாய்ந்தபடி
இன்பத்துப்பால் பேசும்
தண்தோள் பாவையெங்கே
தடுமாறும் மாங்கன்று.......

வாழ்க வாழ்கவென
வாழ்த்திய வெண்ணிலவும்
முகத்தில் கரிபூசி
விழிக்கக் கூசியது...

நடுக்கடல் அமைதி கொண்ட
நன்னெஞ்சில் குடி புகுந்து
கெடுக்கவோ இந்த நீலி
கிள்ளினால் எனது நெஞ்சை?....

என் வான மண்டலத்தில்
எழுந்த நிலா அஸ்தமனம்
பொன்வாணில் ஒளியின்றி
போனதனால் அசுத்த மனம்...

கையிருப்பு பற்றியெல்லாம்
கவலையில்லை என்றவளின்
பொய்யிருப்பு நேற்றுவரை
புரியாமல் போனதடா............

அழுகை

உதயசுதா · உதயசுதா Tue Feb 28, 2012 5:50 pm

வேலவன் wrote:
உதயசுதா wrote:என்ன வேலவன் காதல் சோகத்தை அள்ளி தெளிச்சு இருக்கீங்க.
வீட்டுல அம்மணிக்கு தெரியுமுங்களா
தெரியுமுங்கோ......

அதான் தெரிஞ்சு போச்சே.அப்புறமும் எதுக்கு ஒடுறீங்க வேலவன்

வேலவன் · வேலவன் Tue Feb 28, 2012 5:57 pm

உதயசுதா wrote:
வேலவன் wrote:
உதயசுதா wrote:என்ன வேலவன் காதல் சோகத்தை அள்ளி தெளிச்சு இருக்கீங்க.
வீட்டுல அம்மணிக்கு தெரியுமுங்களா
தெரியுமுங்கோ......
அதான் தெரிஞ்சு போச்சே.அப்புறமும் எதுக்கு ஒடுறீங்க வேலவன்

இதுவரைக்கும் தெரியாம இருந்துச்சு..ஈகரைல பொங்கி இப்பதான் மாட்டிக்கிட்டேன்.. அய்யோ, நான் இல்லை

இரா.பகவதி · இரா.பகவதி Tue Feb 28, 2012 7:14 pm

வேலவன் அண்ணா முதலில் காதலுக்கு எனக்கும் ரொம்ப தூரம் அப்புறம் கவிக்கும் எனக்கும் அதவிட ரொம்ப தூரம்

**Dr.சுந்தரராஜ் தயாளன்** · 03/09/2011

கவிதை அருமை... மகிழ்ச்சி

இதுவும் முற்றிலும் வெண்செந்துறை வகையைச் சார்ந்த பாடல். இரண்டு வரிகளை இரண்டாக ஒடித்து நான்காக்கி விட்டீர்கள். அவ்வளவுதான். மகிழ்ச்சி

Sponsored content · Sponsored content

அவளில்லாமல்............

அவளில்லாமல்............

Re: அவளில்லாமல்............

Re: அவளில்லாமல்............

Re: அவளில்லாமல்............

Re: அவளில்லாமல்............

Re: அவளில்லாமல்............

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக