பொறியியல் கல்லூரிகளின் தேர்வு முடிவு நிறுத்தி வைப்பு

அண்ணா பல்கலைக்கு கட்டணம் செலுத்தாத
பொறியியல் கல்லூரிகளின் தேர்வு முடிவு நிறுத்தி வைப்பு



சென்னை : அண்ணா பல்கலைக்கழகம் சார்பில், கடந்த ஜனவரியில் பி.இ., பி.டெக்., எம்.இ., எம்.டெக்., எம்பிஏ படிப்புகளுக்கு, முதலாம் ஆண்டுக்கான முதல் செமஸ்டர் தேர்வு நடந்தது. இதன் முடிவுகள் கடந்த 24ம் தேதி வெளியிடப்படும் என்று அறிவிக்கப் பட்டிருந்தது. இதைத்தொடர்ந்து, பல்கலைக்கழகம் மற்றும் தனியார் இணையதளங்களில், மாணவ, மாணவிகள் தங்களின் தேர்வு முடிகளை 24ம் தேதி இரவு தேடினர். அதில், ஏராளமான மாணவ, மாணவிகளின் தேர்வு முடிவு நிறுத்தி வைக்கப்பட்டிருப்பதாக தெரிவிக்கப்பட்டது. இதனால் மாணவர்கள், பெற்றோர்கள் குழப்பம் அடைந்தனர்.

இதுகுறித்து, அண்ணா பல்கலைகழக பேராசியர்களை பெற்றோர்கள் தொடர்பு கொண்டு கேட்டதற்கு, பல கல்லூரிகளின் தேர்வு முடிவுகள் நிறுத்தி வைக்கப்பட்டிருப்பதாக அவர்கள் தெரிவித்தனர். இதுகுறித்து, அண்ணா பல்கலைக்கழக துணை வேந்தர் மன்னர் ஜவகர் கூறியதாவது: தமிழகத்தில் உள்ள 550 பொறியியல் கல்லூரிகளை சேர்ந்த பி.இ., பி.டெக்., முதல் செமஸ்டர் தேர்வை ஒரு லட்சத்து 28 ஆயிரம் பேர் எழுதினர். கடந்த 24ம் தேதி இரவு முடிவு வெளியிடப்பட்டது. ஏராளமான பொறியியல் கல்லூரிகள், தேர்வு கட்டணத்தை அண்ணா பல்கலைக்கழகத்துக்கு செலுத்தவில்லை.

இதனால், அந்த கல்லூரிகளில் படிக்கும் மாணவ, மாணவிகளின் தேர்வு முடிவு நிறுத்தி வைக்கப்பட்டுள்ளது. அண்ணா பல்கலைக்கழகத்தின் இந்த நடவடிக்கையை தொடர்ந்து, கடந்த 25ம் தேதி ஏராளமான கல்லூரிகள் அந்த கட்டணத்தை செலுத்தின. இதையடுத்து, அந்த கல்லூரிகளுக்கான மாணவர்களின் தேர்வு முடிவுகள் வெளியிடப்பட்டது. இன்னமும் தேர்வு கட்டணம் செலுத்தாத கல்லூரிகள் உள்ளன. அவை, தேர்வு கட்டணம் செலுத்தியவுடன் அந்தந்த கல்லூரி மாணவ, மாணவிகளின் தேர்வு முடிவுகள் வெளியிடப்படும் என்றார்.

தினமணி

நமக்கு தேவையே இல்லாத பகிர்வே அண்ணா....

இதென்னங்க அநியாயமா இருக்கு?
பசங்க கட்டின காச கல்லூரி கட்டாததற்கு கல்லூரி மீது
நடவடிக்கை எடுக்காம பசங்கள போட்டுப் பாத்தா ஞாயமுங்களா?

பகவதி உங்களுக்கு சந்தோஷமா உங்க ரிசல்ட் வராம இருக்கறதில?

அண்ணா எனுடையது தனியார் பல்கலைகழகம்