அந்தப் பழைய நான்...

by **ரா.ரா3275** Tue Feb 28, 2012 1:28 pm

இப்போதுதான்
பிறந்தக் குழந்தை என்றாலே
பிடிக்காதெனக்கு

கர்ப்பிணிப் பெண்களா?
'யப்பா... போதும்' மனோபாவத்தில்
தூர தேசத்திலேயே
தொலைத்துக்கொள்வேன் என்னை

பிரசவ நேரத்துக்
கவிச்சி வாடையிலிருந்து
நாடு கடத்திவிடுவேன் நாசியை

பெண்ணோ?ஆணோ?
எதுவாயிருந்தாலென்ன...
இப்போதுதான்
பிறந்த குழந்தை என்றாலே
பிடிக்காதெனக்கு

எல்லாம் பத்து மாதங்களுக்கு
முன்வரைதான்

உன்னை மனசுப் பற்றிய
நாள்முதல்
உன் மல்லிகையும் ரோஜாவும்
சாமந்தியும்
என் மீது வர்ணமடித்தது
இரண்டு மாத காலம்தான்

மூன்றாவது மாதம்
ஒரு சாயங்கால மழை நேரத்தில்
மருத்துவரின் வாழ்த்துகள்
கைகுலுக்கலில் பொழிந்தது
அதுவரை வெளியில் நனையாத
நான்
உள்ளுக்குள் தெப்பமாய்

அன்றிலிருந்து இன்று வரை
இந்த நிமிடம் வரை
உன் முகத்தையும் முதுகையும்
தாங்கும்
எனது கைகளும் முதுகுமாக

அருகமர்ந்து
நெஞ்சோடு நீ வழியும்போது
எப்போதும் என்னை எரித்து வடியும்
கர்ப்பிணிப் பெண்ணின்
கற்றாழை நாற்றம் எங்கே போனது?
நேற்றிரவு உனக்கு வலியெடுத்தபோது
நான் கலங்கினேனே
அது எப்படி?

இன்று மெல்லிய அதிகாலையில்
'வீல்' என்று அலற
நீ ஒரு பூவைப் பெற்றதும்

ரத்தம் சொட்டச் சொட்ட
அதை நானள்ளி
அருகில் முகம் பார்த்து
மூக்குச் சுழிக்காமல் உதடு புதைத்து...
.............................
...............................
அப்பப்பா...

ஒழுகிய ரத்தத் துளிகள்
ஒவ்வொன்றிலும் கலந்து
விழுந்து
உடைந்து சிதறிய(து)
'அந்தப் பழைய நான்'

by **ஜாஹீதாபானு** Tue Feb 28, 2012 1:41 pm

ரொம்ப அருமையா இருக்கு ரா ரா சூப்பருங்க

தனக்குனா அது தனி சுகம் தானே மகிழ்ச்சி

எல்லாம் மறந்து போகும் அருமையிருக்கு

by **ரா.ரா3275** Tue Feb 28, 2012 1:45 pm

ஜாஹீதாபானு wrote:ரொம்ப அருமையா இருக்கு ரா ரா

தனக்குனா அது தனி சுகம் தானே

எல்லாம் மறந்து போகும்

நன்றி ஜாகீதாபானு அவர்களே...

by ஹர்ஷித் Tue Feb 28, 2012 2:01 pm

கண் கலங்கின்றேன் ஒரு நொடி நான் அண்ணா....அருமை மகிழ்ச்சி

by வேலவன் Tue Feb 28, 2012 2:07 pm

கவிதை ரொம்ப அருமை அண்ணா ... சூப்பருங்க

by யினியவன் Tue Feb 28, 2012 2:19 pm

இயல்பான ஒரு கன்னி ஆடவனின்
எண்ணங்களை ஒரு கன்னியின் கைபிடித்தபின்
எப்படி உடைகிறதென உளமார சொன்னது இயல்பானழகு.

பழைய நானா இருக்கறப்ப உங்களுக்கு பொறாம -
நமக்கு மட்டும் ஏன் காலா காலத்தில நடக்க வேண்டியது
இப்படி கால் கடுக்க நின்னும் நடக்க மாட்டேங்குதுன்னு.

by **ரா.ரா3275** Tue Feb 28, 2012 2:35 pm

ஜேன் செல்வகுமார் wrote:கண் கலங்கின்றேன் ஒரு நொடி நான் அண்ணா....அருமை

நிஜமாவா செல்வகுமார்?...மிக்க நன்றி...மறக்க முடியாத பின்னூட்டம் உங்களுடையது...

by **ரா.ரா3275** Tue Feb 28, 2012 2:36 pm

வேலவன் wrote:கவிதை ரொம்ப அருமை அண்ணா ...

நன்றி வேலவன்...

by **ஜாஹீதாபானு** Tue Feb 28, 2012 2:36 pm

ரா.ரா3275 wrote:
ஜேன் செல்வகுமார் wrote:கண் கலங்கின்றேன் ஒரு நொடி நான் அண்ணா....அருமை

நிஜமாவா செல்வகுமார்?...மிக்க நன்றி...மறக்க முடியாத பின்னூட்டம் உங்களுடையது...

அப்போ நாங்க சொன்னத மறந்துடுவீங்க கோபம்

by **ரா.ரா3275** Tue Feb 28, 2012 2:37 pm

ஜாஹீதாபானு wrote:
ரா.ரா3275 wrote:
ஜேன் செல்வகுமார் wrote:கண் கலங்கின்றேன் ஒரு நொடி நான் அண்ணா....அருமை

நிஜமாவா செல்வகுமார்?...மிக்க நன்றி...மறக்க முடியாத பின்னூட்டம் உங்களுடையது...
அப்போ நாங்க சொன்னத மறந்துடுவீங்க

மறப்பேனா நான்?...மரப் பேனால்ல வெச்சிருக்கேன்...