நடுக்கடலில் ராமேஸ்வரம் மீனவர்கள் 22 பேர் சிறைபிடிப்பு

ராமேஸ்வரம், பிப்.- 27 - நடுக்கடலில் மீன்பிடித்துக்கொண்டிருந்த ராமேஸ்வரம் பகுதி மீனவர்கள் 22 பேரை சிறைபிடித்த இலங்கை கடற்படையினர் அவர்களது 5 படகுகளையும் பறிமுதல் செய்தனர். பாரம்பரியமாக இந்தியா, இலங்கை கடல் பகுதிகளில் தமிழக மீனவர்கள் மீன்பிடித்து வந்தனர். ஆனால் விடுதலைப் புலிகள் உடனான போரையடுத்து இலங்கை கடற்படையினர் பாதுகாப்பை காரணமாக காட்டி தமிழக மீனவர்களை நிம்மதியாக மீன்பிடிக்க விடாமல் துப்பாக்கியால் சுட்டுக் கொன்றும், அவர்களின் மீன்பிடி உபகரணங்களை சேதப்படுத்தியும், கஷ்டப்பட்டு பிடித்த மீன்களை அபகரித்தும் வருகின்றனர். இலங்கை கடற்படையினரின் இத்தகைய அத்துமீறிய நடவடிக்கைகளை தடுத்து நிறத்தக் கோரி தமிழக முதல்வர் ஜெயலலிதா, பிரதமர் மன்மோகன்சிங்கிற்கு பலமுறை கடிதங்களை எழுதியும் இதுவரை பலனேதும் ஏற்படவில்லை. இந்நிகழ்வுகள் தொடர்ந்து நடைபெற்று வருகின்றன. இந்த நிலையில் ராமேஸ்வரம் தங்கச்சிமடம், உச்சிப்புளி பகுதிகளில் இருந்து கடந்த பிப்ரவரி 25 ம் தேதி 800 க்கும் மேற்பட்ட விசைப்படகுகளில் மீனவர்கள் மீன்பிடிக்கச் சென்றனர். இந்த மீனவர்கள் நடுக்கடலில் மீன்பிடித்துக்கொண்டிருந்தனர். அப்போது அங்கு 3 போர்க் கப்பல்களில் ரோந்து வந்த இலங்கை கடற்படையினர் தமிழக மீனவர்களை மீன்பிடிக்க விடாமல் விரட்டினர். பின்னர் ராமேஸ்வரம், தங்கச்சிமடம், உச்சிப்புளியைச் சேர்ந்த ஜெயசிங், இருளாண்டி, ஜீவன்சன், சகாயம், பொன்னுச்சாமி ஆகியோருக்கு சொந்தமான 5 விசைப்படகுகளை மடக்கிப் பிடித்தனர். பின்னர் இந்த விசைப்படகுகளையும் அதில் இருந்த மீனவர்கள் 22 பேரையும் தலைமன்னார் கடற்படை முகாமிற்கு கொண்டுசென்றதாக கரை திரும்பிய மீனவர்கள் தெரிவித்தனர். பின்னர் சிறைபிடிக்கப்பட்ட மீனவர்கள் 22 பேரும் மன்னார் போலீசாரிடம் ஒப்படைக்கப்பட்டனர். இந்த மீனவர்கள் மீது எல்லைதாண்டி வந்ததாக வழக்கு பதிவு செய்யப்பட்டுள்ளதாக தெரிகிறது. இதனையடுத்து ராமேஸ்வரம், தங்கச்சிமடம் பகுதி மீனவர்கள் 22 பேரையும் உடனடியாக விடுதலை செய்ய நடவடிக்கை எடுக்க வேண்டும் என்று மீனவர் சங்க நிர்வாகிகள் கோரிக்கை விடுத்துள்ளனர்.

என்ன செய்வது நாம் தமிழராய் பிறந்தது தான் குற்றமா ,

very good , என்ன தெனாவட்டு இருந்தா இந்த தமிழக மீனவர்கள் கடல்ல போய் மீன் பிடிப்பாங்க.

ராஜா அண்ணா இன்னும் கொஞ்ச நாளுல தமிழ் நாட்டை இலங்கைக்கு பரிசாக கொடுத்தாலும் ஆச்சரிய பட ஒண்றும் இல்லை , தலைவன் பிரபகரன் கொன்றதற்காக கட்ச தீவை பரிசாக கொடுதது போல

ஓரு விஷயம் எனக்கு புரியல!நமது மீனவர்கள் நிஜமாகவே எல்லையை தாண்டி மீன் பிடிக்கிறார்களா அல்லது இலங்கை ராணுவம் எல்லையை தாண்டுகிறதா.எது உண்மை ஒரு வேலை இலங்கை ராணுவம் எல்லை தாண்டுமெயானால் நமது இந்திய ராணுவம் என்ன செய்கிறது.
அல்லது நமது மீனவர்கள் எல்லை தாண்டினால் ஏன் தவறு என்று தெரிந்தே செய்ய வேண்டும். இல்லனா நம்ம அரசியல் வியாதிங்க செயிர அரசியலா...உண்மை என்ன???

ஜேன் செல்வகுமார் wrote: ஓரு விஷயம் எனக்கு புரியல!நமது மீனவர்கள் நிஜமாகவே எல்லையை தாண்டி மீன் பிடிக்கிறார்களா அல்லது இலங்கை ராணுவம் எல்லையை தாண்டுகிறதா.எது உண்மை ஒரு வேலை இலங்கை ராணுவம் எல்லை தாண்டுமெயானால் நமது இந்திய ராணுவம் என்ன செய்கிறது.
அல்லது நமது மீனவர்கள் எல்லை தாண்டினால் ஏன் தவறு என்று தெரிந்தே செய்ய வேண்டும். இல்லனா நம்ம அரசியல் வியாதிங்க செயிர அரசியலா...உண்மை என்ன???

இவர் ஏதோ வேற உலகத்துல இருந்து தமிழ்நாட்டுக்கு வந்துருக்கார் போல , யாராவது இவருக்கு உதவுங்கப்பா

ராஜா wrote:

ஜேன் செல்வகுமார் wrote: ஓரு விஷயம் எனக்கு புரியல!நமது மீனவர்கள் நிஜமாகவே எல்லையை தாண்டி மீன் பிடிக்கிறார்களா அல்லது இலங்கை ராணுவம் எல்லையை தாண்டுகிறதா.எது உண்மை ஒரு வேலை இலங்கை ராணுவம் எல்லை தாண்டுமெயானால் நமது இந்திய ராணுவம் என்ன செய்கிறது.
அல்லது நமது மீனவர்கள் எல்லை தாண்டினால் ஏன் தவறு என்று தெரிந்தே செய்ய வேண்டும். இல்லனா நம்ம அரசியல் வியாதிங்க செயிர அரசியலா...உண்மை என்ன???

இவர் ஏதோ வேற உலகத்துல இருந்து தமிழ்நாட்டுக்கு வந்துருக்கார் போல , யாராவது இவருக்கு உதவுங்கப்பா

ஏன் அண்ணா கலாய்கெறீங்க....நீங்கள் சொல்லுங்கள்...

இனிமேல இந்திய கடற்படையை துணைக்கு வச்சுதான் மீன் பிடிக்கணும்னு தோணுது......