சீச்சி! என்ன கவி எழுதுகிறீர்!

**சாமி** · **சாமி** Sun Feb 26, 2012 8:17 am

பாவலரே!
காசி ஆனந்தன் கவிதை

என்ன கவி எழுதுகிறீர்
பாவலரே! போலிகளாய்
இருக்கின்றீர்கள்!

கன்னி அருந்தமிழணங்கு
கையிரண்டில் விலங்குடையாள்
கண்ணீர் கண்டும்

செந்நெருப்பு விழிகொண்டு
சீறியெழ மாட்டீரோ?
சீச்சி! வானில்

புண்ணிருந்தால் போலிருக்கும்
நிலாவினையும் காதலையும்
புனைகின்றீரே!

பொங்கு வெறித் தமிழ்கொண்டு
போர்க்களத்தே ஒளவையென்னும்
பூவை அந்நாள்

செங்குருதி குளித்திருந்த
தமிழ்மன்னர் சிறப்பெல்லாம்
கவிதை ஆக்கிச்

சங்க மணித் தமிழ்தந்தாள்...
அட நீங்கள் தாய்த்தமிழை
மறந்து நாட்டில

தெங்கிளநீர் முலைபாடித்
திரிகின்றீர்... கவிஞர்களா?
செத்துப் போங்கள்!

ஊர் பற்றி மொழி பற்றி
ஒரு பொழுதேனும் நீவிர்
உணர்கின்றீரா?

தீ பற்றி எரிகின்ற
வீட்டினிலே இசைபாடிச்
சிரிக்கின்றீர்கள்?

வாய்பற்றி எரியாதா?
தமிழன்னை மனம் நொந்து
வயிறெரிந்தால்

நீர்பற்றும் எழுத்தாணி
நொறுங்காதா? விளையாடல்
நிறுத்திமின்கள்!

சொல்லடுக்கிச் சொல்லடுக்கி
நீர் சொரிந்த பாடலெல்லாம்
போதும்... மாற்றார்

பல்லுடைத்து நமக்குற்ற
பழிதுடைக்க நாலுகவி
படைப்பீர்... ஓடி

வில்லெடுத்து வேலெடுத்துத்
தமிழிளைஞர் வெளிக்கிளம்ப
நெருப்பு வீசும்

**ayyamperumal** · **ayyamperumal** Sun Feb 26, 2012 8:35 am

சாமி wrote:பாவலரே!
காசி ஆனந்தன் கவிதை
புண்ணிருந்தால் போலிருக்கும்
நிலாவினையும் காதலையும்
புனைகின்றீரே!

ஊர் பற்றி மொழி பற்றி
ஒரு பொழுதேனும் நீவிர்
உணர்கின்றீரா?

தீ பற்றி எரிகின்ற
வீட்டினிலே இசைபாடிச்
சிரிக்கின்றீர்கள்?

வாய்பற்றி எரியாதா?
தமிழன்னை மனம் நொந்து
வயிறெரிந்தால்

காசி ஆனந்தனின் கவிதை எப்போதும் இப்படித்தான் இருக்கும். கோபம் கொடுக்கும் கவிதை.

**Dr.சுந்தரராஜ் தயாளன்** · 03/09/2011

அவர் சொல்லுவது உண்மைதானே சோகம்

**ரா.ரா3275** · **ரா.ரா3275** Sun Feb 26, 2012 10:47 am

சாட்டையடிக் கவிதை...சத்தமில்லாமல் எகிறுவதைத் தவிர வேறு வழியில்லை...
சத்தியம் செய்து சொல்லலாம் இந்த உணர்வெல்லாம் உண்மைக் கவிஞனுக்குத்தான் வரும்...

ஆனந்தன் அய்யாவின் கூற்றை அப்படியே ஒப்புக்கொள்கிறேன்...
அசிங்கம்தான் அப்படி இருப்பது...