முடியும் என்ற மூச்சு !

by **நாகசுந்தரம்** Fri Feb 24, 2012 10:50 am

முடியும் என்று மூச்சு விடு
கடிதும் முடிந்து விடும் !
அடித்துச் சொல்லுகின்றேன்
அன்று முதல் இன்று வரை
நம்பிக்கை கொண்டோரே
நாட்டில் உயர்ந்தார் !
தொட்டில் பழக்கமது
சுடுகாடு மட்டும் என்பார்
பிறக்கும் போதே நான்
பிழைப்பேன் என்பாய் !
மடியும் போது கூட
மீண்டும் பிறப்பேன் என்பாய் !
துயரம் வருகையிலே
துவளாதிருப்பாய் !
கயிற்றில் நடப்பவர்கள்
பயிற்சி செய்வதுபோல்
இந்த
உலகம் என்ற கயிற்றினிலே
நேராய் நடப்பாய் !
முடியும் என்று மூச்சு விடு
கடிதும் முடிந்து விடும் !
உறக்கம் வேண்டாம் என்பார் !
ஆனால்
விடியும் என்ற நினைவில்
உறக்கம் கூட உயர்ந்ததென்பேன் !
கொலைவெறி கொண்டு நம்மை
குத்திட வந்தால் கூட
தலையினை காட்டுகின்ற
தமிழர் வழி வந்தவர் நாம் !
மலைபோல துன்பம் வந்தால்
பொறுமையென்னும் உளி இருக்கு !
முடியும் என்று மூச்சு விடு
கடிதும் முடிந்து விடும் !
கருமை உடல் என ஏன் வருத்தம் ?
பெருமைதான் பளிச்சிடுதே !
சோதனைகள் சூழ்கையிலே
சாதனைக்கு நாம் சொந்தமென்ற
போதனை செய்துவிடு !
தடுக்கி நான் விழுகையிலே
வெடுக்கென சிரிப்பார் சிலரும் !
அடுத்த அடி வைத்துவிட்டால்
அவர் சிரிப்பு அங்கே முடியும் !
நம்பிக்கை கொண்டுவிடு
கம்பு ஊன்றி நடக்கையிலும்
தெம்பு மனம் வந்துவிடும் !
முடியும் என்று மூச்சு விடு
கடிதும் முடிந்து விடும் !