ஒரு மழை நாளில்....

@வானத்து மழைத்துளிகளின்
வண்ணப் பதிப்பு....
வானவில் !

@புதியவர்களின் வருகைக்காக
மகிழ்ச்சியுடன் வீழ்கிறோம்...
ஒரு இலையுதிர்காலத்து இலை !

@மழைச் சாரல்களில்
ஒரு இனிய ஸ்பரிசம் நிகழ்கிறது....
விளையாடும் சிறுவர்களின் கண்களில்!

@இறை தேட வழியில்லை
சுவர் ஓரம் ஒதுங்குகின்றன...
மழையில் நனைந்த புறாக்கள்!

@ஒரு கோடை நாளின் வானப்பெண்ணின்
மேகக் கூந்தலில்...
மின்னல் வகிடுகள்!

..........கா.ந.கல்யாணசுந்தரம்.

by **ரா.ரா3275** Thu Feb 23, 2012 6:09 pm

அய்யா...இளமைத் ததும்பும் இயற்கையின் வர்ணனை...
மின்னல் வகிடுகள் சொல்புனைவு சூப்பர்... மகிழ்ச்சி

by செய்தாலி Thu Feb 23, 2012 6:25 pm

//இறை தேட வழியில்லை
சுவர் ஓரம் ஒதுங்குகின்றன...
மழையில் நனைந்த புறாக்கள்!

ஒரு கோடை நாளின்
வானப்பெண்ணின் மேகக் கூந்தலில்...
மின்னல் வகிடுகள்//

வாசித்து
பின் யோசித்து
அர்த்தம் கிடைத்தபின்
உள்ள்மனம் இப்படிச் சொன்னது
ம்ம்ம்ம் எண்ண ஒரு சிந்தனை

by **அருண்** Thu Feb 23, 2012 6:27 pm

மழை நாளில் நிகழும் கற்பனை ஓட்டம் மிக அருமை அய்யா..! மகிழ்ச்சி

செய்தாலி wrote://இறை தேட வழியில்லை
சுவர் ஓரம் ஒதுங்குகின்றன...
மழையில் நனைந்த புறாக்கள்!

ஒரு கோடை நாளின்
வானப்பெண்ணின் மேகக் கூந்தலில்...
மின்னல் வகிடுகள்//

வாசித்து
பின் யோசித்து
அர்த்தம் கிடைத்தபின்
உள்ள்மனம் இப்படிச் சொன்னது
ம்ம்ம்ம் எண்ண ஒரு சிந்தனை

நன்றி செய்தாலி அவர்களே. ஹைக்கூ என்பதில் ஆழ்ந்த சிந்தனை வேண்டும் என்பது மட்டுமல்ல படிப்பவர்களுக்கு பன்முக விளக்கம் அளிக்கவேண்டும் என்பதே எனது நோக்கம்.