திருப்பூர் நகை கொள்ளை : வட மாநில கும்பல் கைவரிசை அம்பலம்

திருப்பூர்: திருப்பூர் நகைக்கடையில் ரூ.12 கோடி மதிப்பிலான 38 கிலோ தங்க, வைர நகைகளை கொள்ளையடித்தவர்கள், வட மாநில கும்பல் என்பதை போலீசார் உறுதிப்படுத்தியுள்ளனர். திருப்பூர், குமரன் ரோட்டில் உள்ளது ஆலுக்காஸ் ஜூவல்லரி. கேரள மாநிலம், திரிசூரைச் சேர்ந்த சேர்ந்த ஆன்டோ என்பவர் நடத்தி வருகிறார். இதன் நிர்வாகத்தை திரிசூரைச் சேர்ந்த ராஜ்மோகன் (34) என்பவர் கவனித்து வருகிறார். 4 தளங்கள் கொண்ட இந்த கட்டிடத்தில் முதல் இரு தளங்களில் ஜூவல்லரி செயல்பட்டு வருகிறது.








நேற்று காலை கடையை திறந்து உள்ளே சென்ற ஊழியர்கள், ஷோரூமில் இருந்த நகைகள் அனைத்தும் மாயமாகியிருந்ததை கண்டு திடுக்கிட்டனர். நகை கடை கட்டிடத்தின் பின்புறம் உள்ள ஜன்னல் கம்பிகளை (வென்டிலேட்டர்) கேஸ் வெல்டிங் மூலம் வெட்டி எடுத்து, கொள்ளையர்கள் உள்ளே நுழைந்தது தெரியவந்தது. கடையில் இருந்த ரூ.12 கோடி மதிப்பிலான 38 கிலோ எடையுடைய 4,750 பவுன் தங்க நகைகளும், 340 காரட் வைர நகைகளும் கொள்ளையடிக்கப்பட்டிருந்தது.









கேஸ் வெல்டிங்குக்கு பயன்படுத்தப்பட்ட 4 சிலிண்டர்கள், கடப்பாரை, ஸ்குரூ டிரைவர் உள்ளிட்ட கருவிகள் அடங்கிய பை உள்ளே கிடந்தது. அவற்றை போலீசார் கைப்பற்றினர். கொள்ளையர்களை பிடிக்க 5 தனிப்படைகள் அமைக்கப்பட்டுள்ளன. கொள்ளையர்கள் விட்டுச் சென்ற கேஸ் சிலிண்டர் மற்றும் கருவிகள் அனைத்தும் புதிதாக உள்ளதால் அவை எங்கே வாங்கப்பட்டன, யார் வாங்கியது என்ற கோணத்தில் விசாரித்தனர். கடையின் பின்புறத்தில் இந்தி நாளிதழ் கிடந்தது. சிலிண்டர் சுற்றப்பட்டிருந்த பேப்பரும் இந்தி பேப்பராக இருந்ததால் இதில் வடமாநிலத்தினருக்கு தொடர்பிருக்கும் என போலீசார் சந்தேகித்தனர்.






கொள்ளை நடந்த நகைக்கடை அருகே கட்டிட கட்டுமான பணிகள் நடந்து வருகிறது. அதில் பீகாரை சேர்ந்த 50க்கும் அதிகமானோர் ஈடுபட்டுள்ளதால் அவர்கள் மீது போலீசார் சந்தேக பார்வை விழுந்துள்ளது. அவர்களின் கைரேகைகளை நேற்று இரவு முழுவதும் சேகரித்த போலீசார், கொள்ளை நடந்த இடத்தில் பதிவான கைரேகைகளுடன் ஒத்துப்போகிறதா என விசாரணை நடத்தினர்.சென்னையில் தொடர்ச்சியாக நடந்த கொள்ளை சம்பவங்களில் வடமாநில கொள்ளையர்கள் ஈடுபட்டுள்ள நிலையில், இதிலும் வடமாநில கொள்ளையர்கள் ஈடுபட்டிருக்கலாம் என்ற கோணத்தில் விசாரணையை தீவிரப்படுத்தினர்.




இதற்கிடையில், கேஸ் சிலிண்டரை திருப்பூர் ஈஸ்வரன் கோயில் வீதியில் உள்ள ஒரு கடையில் வாங்கியது தெரியவந்துள்ளது. கடையில் சிறு சிறு சிலிண்டர்களில் கேஸ் நிரப்பி விற்றுவருகின்றனர். சிலிண்டர் வாங்க எத்தனை பேர் வந்தனர், எப்படி இருந்தனர் என அங்க அடையாளங்களை கடை உரிமையாளர் மற்றும் ஊழியர்களிடம் கேட்டு அதன்படி போலீசார் வரைபடம் தயாரித்து வருகின்றனர். ஸ்பானர், ஸ்க்ரூ டிரைவர் உள்ளிட்ட டூல்ஸ் கிட்டை கோவையில் ஒரு கடையில் வாங்கி உள்ளனர். கடைக்காரர்கள் சொன்ன அடையாளப்படி, கொள்ளையர் வரைபடம் தயாரிக்கப்படுகிறது. இதன்மூலம் வடமாநில கும்பல் கொள்ளையடித்துள்ளது உறுதி செய்யப்பட்டுள்ளது. கொள்ளையர்கள் பற்றிய முக்கிய துப்பு கிடைத்துள்ளது. விரைவில் சிக்குவார்கள்’ என எஸ்பி பாலகிருஷ்ணன் தெரிவித்தார்.


தினகரன்

கண்டுபிடிக்கட்டும் கண்டுபிடிக்கட்டும்

அப்ப நம்ம ராமன் வட இந்தியரா?
நல்லா தமிழ் தெரிஞ்சிருக்கே - இங்க கவிதைப் போட்டில
முதல் பரிசெல்லாம் வாங்கி இருக்காரே.

கொலவெறி அண்ணா நீங்க எப்படி ஒரு ஆள இருந்து இவ்வளவு பெரிய விசியத்த செஞ்சிங்க

இரா.பகவதி wrote:கொலவெறி அண்ணா நீங்க எப்படி ஒரு ஆள இருந்து இவ்வளவு பெரிய விசியத்த செஞ்சிங்க

அதெல்லாம் ராமனோட தொழில் ரகசியம்.
அந்த லட்சுமனனே வந்து கேட்டாலும் சொல்ல மாட்டேன்.

சரி சரி ராமன் வரட்டும் அப்புறம் இந்த பஞ்சாயத்த வச்சிக்கலாம்