மெல்ல ஆயிரம் வளர்ந்ததா ? - ஆயிரமாவது பதிவு

சதாசிவம் · சதாசிவம் Tue Feb 21, 2012 8:08 pm

First topic message reminder :

அறிவுமி கான்றோர் அதிகம் அரும்பு
அறிவிலோன் ஆற்று மளவா(ன) –அறிவுபெறு
நல்ல தமிழையும் ஈகரை அன்பினால்
மெல்ல வளர்ந்(த)தா யிரம் ?

விளக்கம்

அறிவுமிகு ஆன்றோர் அதிகம் இருக்கும் ஈகரையில்
அரும்பு அளவு அறிவில்லாதவன் ஆற்றும் அளவான அறிவு பெறும்
நல்ல தமிழையையும் ஈகரை அன்பர்கள் அன்பினால் ஆதரித்து
மெல்ல ஆயிரம் வளர்ந்ததா ?
அதிர்ச்சி

பாலாஜி · பாலாஜி Wed Feb 22, 2012 12:51 pm

வாழ்த்துக்கள் சதாசிவம் அவர்களே .

மகா பிரபு · மகா பிரபு Wed Feb 22, 2012 1:00 pm

வாழ்த்துக்கள் அண்ணா. அன்பு மலர்

**அருண்** · **அருண்** Wed Feb 22, 2012 2:05 pm

உங்களின் 1000 மாவது பதிவு தன்னடக்கத்தோடு வெற்றி நடை போடுகிறது வாழ்த்துக்கள் சதாசிவம் அண்ணா..! மகிழ்ச்சி

சதாசிவம் · சதாசிவம் Thu Feb 23, 2012 3:59 pm

வாழ்த்து, பாராட்டு தெரிவித்த அனைத்து உறவுகளுக்கும், வாழ்த்த நினைத்த உள்ளங்களுக்கும் நன்றி.

நேரு · நேரு Thu Feb 23, 2012 4:15 pm

வாழ்த்துக்கள் அண்ணன் அவர்களே ஜாலி

**பிஜிராமன்** · **பிஜிராமன்** Thu Feb 23, 2012 4:26 pm

ஆயிரத்தை கடப்பதற்கு ஆண்டுவொன்று ஆனது
அத்தனைக்கும் முத்துபோன்ற பதிவுகளே காரணம்
தேடிதேடி கொடுப்பீரே தேமதுர தமிழினை
நாடிநாடி படிப்போமே நாங்களிந்த கரையிலே

ஐயா, உங்கள் ஆயிரமாம் பதிவுக் கவிதை, உங்கள் ஆயிரத்தில் உள்ள ஒவ்வொரு பதிவின் தரத்திற்கும் அடையாளமாக உள்ளது.

மிக்க நன்றிகள் ஐயா....தொடருங்கள் உங்கள் உன்னதப் பதிவுகளை மகிழ்ச்சி

**ஜாஹீதாபானு** · **ஜாஹீதாபானு** Thu Feb 23, 2012 4:48 pm

அருமை

**Dr.சுந்தரராஜ் தயாளன்** · 03/09/2011

தாமதத்திற்கு மன்னிக்கவும் தம்பி சதாசிவம் அவர்களே:

தரவு கொச்சகக் கலிப்பா

ஆயிரமாம் உம்பதிவை அன்னியன்போல் விட்டேன்பார்
பாயிரம்தான் இப்பதிவு, பன்மடங்கு மேல்செல்வீர்
தாயினைப்போல் மேலாம்நம் தண்டமிழ்நல் ஈகரையின்
ஞாயிறுவாய், நாண்மலராய், நாயகனாய் என்தம்பி

நற்றமிழர் நன்கறிய நல்லதமிழ் சொன்னீர்கள்
கற்பதற்கு ஏற்றவிதம் கச்சிதமாய் செய்கின்றீர்
நற்தொகையை நானூரை நம்மிடையே போற்றினீர்கள்
அற்புதம்தான் உம்பணியை அண்ணன்நான் வாழ்த்துகிறேன்

என் வாழ்த்துக்கள் தம்பி சதாசிவம். மேல் உள்ள கவிதையை மிக வேகமாக எழுதிவிட்டேன். ஆயினும் இது கொச்சகக் கலிப்பா வகையைச் சார்ந்தது. ஒவ்வொரு வரியிலும் உள்ள ஒற்றுக்களை விட்டு விட்டு, மீதமுள்ள எழுத்துக்களை மட்டும் எண்ணிப்பாருங்கள். அடிக்கு எவ்வளவு வருகிறது என்று சொல்லுங்கள் மகிழ்ச்சி

சதாசிவம் · சதாசிவம் Thu Feb 23, 2012 8:56 pm

மிக்க நன்றி ஐயா,

அடிக்கு அயிரண்டும் பஞ்சமும் கோர்த்து
நொடிக்கு ளெழுதிய நுண்மைத் திறனை
வடிக்க வயதிலை வார்த்தை வருமா
மடியில் வடியும் மது

ஐயா

ஒவ்வொரு அடிக்கும் அயிரண்டு (5x2 =10), பஞ்ச (5) ஆக பதினைந்து எழுத்துகளான வார்த்தைகளை கோர்த்து நொடிக்குள் எழுதிய உங்களின் நுண்மையான அறிவுத்திறனை வார்த்தையால் வடிக்க வயது இல்லை, வர்ணிக்க வார்த்தை வருமா ? (வரவில்லை) பசுவின் மடியில் வடியும் பால் போல் தமிழ்த்தாய் மடியில் சுரக்கும் தேன் போல் உள்ளது உங்கள் கலிப்பா,

இதை படித்தால் தரும் களிப்பா, என்ன கலைப்பா, கற்கண்டின் இனிப்பா, கன்னித்தமிழின் துடிப்பா, ஆஸ்காரின் நடிப்பா, குழந்தையின் சிரிப்பா, குமரியின் குதிப்பா, மலைப்பாய் உள்ளது உம் மரபுப்பா....

**கே. பாலா** · **கே. பாலா** Thu Feb 23, 2012 9:04 pm

சுந்தர தமிழ் சதா சங்கமிக்கும் ஈகரை கரையில் நின்று வேடிக்கை பார்க்கும் சிறுவனின் (பாலா) வாழ்த்துக்கள்

Sponsored content · Sponsored content

மெல்ல ஆயிரம் வளர்ந்ததா ? - ஆயிரமாவது பதிவு

மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

Re: மெல்ல ஆயிரம் வளர்ந்ததா ? - ஆயிரமாவது பதிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக