முதல்வர் ஜெயலலிதாவின் 64வது பிறந்த நாளையொட்டி 64 ஜோடிகளுக்கு அதிமுக சார்பில் இன்று இலவசத் திருமணம்

**இளமாறன்** · **இளமாறன்** Sun Feb 19, 2012 2:37 pm

சென்னை: முதல்வர் ஜெயலலிதாவின் 64வது பிறந்த நாளையொட்டி 64 ஜோடிகளுக்கு அதிமுக சார்பில் இன்று இலவசத் திருமணம் நடத்தி வைக்கப்படுகிறது. இதை முதல்வர் ஜெயலலிதா நடத்தி வைக்கிறார்.

ஜெயலலிதாவின் மணி விழா அதாவது 60வது பிறந்த நாளிலிருந்து ஆண்டுதோறும் ஏழை ஜோடிகளுக்கு அதிமுக சார்பில் இலவசத் திருமணம் நடத்தி வைக்கப்பட்டு வருகிறது. இந்த வகையில், இந்த ஆண்டு 64 ஜோடிகளுக்கு இலவசத் திருமணம் செய்துவைக்கப்படுகிறது.

பிப்ரவரி 24ம் தேதி முதல்வரின் 64வது பிறந்த நாள் வருகிறது. இதையொட்டி இன்று இந்த இலவசத் திருமணங்கள் நடைபெறுகின்றன.

காலை 10 மணிக்கு சென்னை ராயப்பேட்டை ஒய்.எம்.சி.ஏ. மைதானத்தில் 64 ஜோடிகளுக்கு இலவச திருமணம் நடக்கிறது. இந்த திருமணங்களை ஜெயலலிதா நடத்தி வைக்கிறார். மணமகன் கையில் அவர் தாலியை எடுத்துக்கொடுக்க, அவர்கள் கெட்டிமேளம் முழங்க மணமகள் கழுத்தில் தாலியை கட்டுகிறார்கள்.

இதற்காக தமிழ்நாடு முழுவதும் இருந்து ஏழை திருமண ஜோடிகளை தேர்ந்தெடுத்து வரவழைக்கப்பட்டுள்ளனர். அனைவரும் அமரும் வகையில் பிரமாண்ட மேடை போடப்பட்டுள்ளது.

திருமணம் முடிந்ததும் முதல்வர் ஜெயலலிதா திருமண தம்பதிகளுக்கு சீர்வரிசை பொருட்களை வழங்குகிறார். மணமகனுக்கு பட்டு வேட்டி-சட்டை, மணமகளுக்கு பட்டு சேலை, 4 கிராம் தங்க தாலி ஆகியவை வழங்கப்படுகிறது. இவை தவிர முதல்வரின் பிறந்த நாளை குறிக்கும் வகையில் குடும்பம் நடத்துவதற்கு தேவையான 64 வகையான சீர்வரிசை பொருட்கள் வழங்கப்படுகிறது.

ஜெயலலிதா பேரவை சார்பில் இந்த திருமணங்கள் நடத்தி வைக்கப்படுகின்றன.

தட்ஸ் தமிழ்

இரா.பகவதி · இரா.பகவதி Sun Feb 19, 2012 8:09 pm

இது தனது சொந்த பணதில இல்லை அரசாங்க பணதிலா

முதல்வர் ஜெயலலிதாவின் 64வது பிறந்த நாளையொட்டி 64 ஜோடிகளுக்கு அதிமுக சார்பில் இன்று இலவசத் திருமணம்

முதல்வர் ஜெயலலிதாவின் 64வது பிறந்த நாளையொட்டி 64 ஜோடிகளுக்கு அதிமுக சார்பில் இன்று இலவசத் திருமணம்

Re: முதல்வர் ஜெயலலிதாவின் 64வது பிறந்த நாளையொட்டி 64 ஜோடிகளுக்கு அதிமுக சார்பில் இன்று இலவசத் திருமணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக