3வது மாடியில் இருந்து மாணவன் விழுந்ததால் பரபரப்பு

ராஜா அண்ணாமலைபுரம் செட்டிநாடு வித்யாஷ்ரம் பள்ளியில்
3வது மாடியில் இருந்து மாணவன் விழுந்ததால் பரபரப்பு



சென்னை: செட்டிநாடு வித்யாஷ்ரம் பள்ளியில் 3 வது மாடியிலிருந்து கீழே விழுந்த மாணவனுக்கு தீவிர சிகிச்சையளிக்கப்படுகிறது. மாணவனை மாடியிலிருந்து தள்ளிவிட்டனர் என்றும், அவனே குதித்தான் என்றும் இரு தரப்பு கருத்துகள் பரவியதால் பெற்றோர் மத்தியில் அதிர்ச்சி ஏற்பட்டது. சென்னை ராஜா அண்ணாமலைபுரம் செட்டிநாடு வித்யாஷ்ரம் பள்ளியில் ஆதித்யா என்ற மாணவன் 10 ம் வகுப்பில் படித்து வருகிறான். நேற்றுமுன்தினம் வழக்கம் போல பள்ளிக்கு வந்த மாணவன் ஆதித்யா, மதியம் 2.30 மணியளவில் பள்ளியின் 3வது தளத்திலிருந்து தரையில் விழுந் தான். விழுந்த இடம் புல் தரையாக இருந்ததால் கை முறிவோடு மீட்கப்பட் டான். பின்னர் அடையாறில் உள்ள தனியார் மருத்துவமனையில் சேர்க்கப்பட்டு வேறு மருத்துவமனைக்கு மாற்றப்பட்டான். மாணவன் விழுந்தது தற்செயலா அல்லது யாராவது தள்ளிவிட்டார்களா, அல்லது அவனே குதித்தானா என்று பல வித கருத்துகள் பரவியதால் பெற்றோர்கள் மத்தியில் அதிர்ச்சி ஏற்பட்டது. பள்ளிகளில் என்ன நடக்கிறது?: சமீபத்தில் வேளச்சேரி தனியார் பள்ளியில் ஒரு மாணவி மாடியிலிருந்து விழுந்து இறந்தார்.

அவரை சில மாணவிகள் தள்ளி விட்டதாக புகார்கள் எழுந்தன. பாரிமுனை பள்ளி ஒன்றில் மன அழுத்தத்துக்குள்ளான மாணவன் ஒருவன், பாடம் நடத்திக் கொண்டிருந்த ஆசிரியையை குத்திக் கொன்றான். இந்த சம்பவத்தின் அதிர்ச்சியிலிருந்து இன்னமும் பெற்றோர்கள் விடுபடாத நிலையில் செட்டிநாடு வித்யாஷ்ரம் பள்ளியிலும் மாடியிலிருந்து மாணவன் விழுந்த சம்பவம் நடந்துள்ளது. இது குறித்து பட்டினப்பாக்கம் போலீசார், பெற்றோரிடம் விசாரித்தனர். பெற்றோர் தரப்பிலி ருந்து புகார்கள் அளிக்கப்பட£ததால் வழக்குப் பதிவு செய்யப்படவில்லை. நடந்த சம்பவம் குறித்து மாணவர்கள் தரப்பில் விசாரித்தால் அவன் தவறி விழுந்தானா, அல்லது குதித்தானா அல்லது யாரா வது தள்ளிவிட்டார்களா என்று எங்களுக்கு தெரி யாது. ஆனால் தேர்வு பயத்தால் அவனாக குதித்தான் என்று சிலர் பேசிக் கொள்கின்றனர் என்றனர். மாணவனின் தந்தை ராஜாராம் கூறும்போது, இது தற்செயலாக நடந்திருக்கலாம் என்றார்.


தினகரன்