மக்கள் தொகை இப்படியே போனால்...

1805-ம் ஆண்டு உலக மக்கள் தொகை 100 கோடியாக இருந்தது. அடுத்த 122 ஆண்டுகளில் 200 கோடியை பிடித்தது. அதன் பிறகு 32 ஆண்டுகளில் 300 கோடியை எட்டியது. அடுத்த 14 ஆண்டுகளில் 400 கோடியையும், 13 ஆண்டுகளில் 500 கோடியையும், 12 ஆண்டுகளில் 600 கோடியையும் பிடித்து விட்டது. கடந்த அக்டோபர் 31-ந்தேதி உலக மக்கள் தொகை 700 கோடியை தொட்டு விட்டது.

இந்த வேகம் அதே அளவில் இருக்குமாயின் உலக மக்கள் தொகை 800 கோடியாக அதிகரிக்க இன்னும் 14 ஆண்டுகளே தேவைப்படும் என கணிக்கப்பட்டு உள்ளது. இந்திய மக்கள் தொகை வளர்ச்சி இன்றைய வேகத்திலேயே இருந்தால், 2030-ம் ஆண்டில் சீனாவை பின்னுக்குத் தள்ளிவிடும்.

உலக மக்கள் தொகையான 700 கோடியில் இந்தியாவின் பங்கு 18 சதவீதம். அதே வேளையில் உலக நிலப்பரப்பில் இந்தியாவின் பங்கு 2.4 சதவீதம் தான். உலக மக்கள் தொகையில் அமெரிக்கா 4.5 சதவீதத்தையும், பாகிஸ்தான் 2.7 சதவீதத்தையும், வங்காளதேசம் 2.4 சதவீதத்தையும், ஜப்பான் 1.9 சதவீதத்தையும் பெற்று உள்ளது.

2001-ல் 1,000 ஆண் குழந்தைகளுக்கு 927 ஆக இருந்த பெண் குழந்தைகளின் எண்ணிக்கை 2011-ல் 914 ஆக குறைந்து உள்ளது. 2001-ம் ஆண்டைக் காட்டிலும் தற்போது 6 வயதுக்கு உட்பட்ட குழந்தைகளின் எண்ணிக்கை 50 லட்சம் குறைந்து உள்ளது. ஒவ்வொரு மக்கள் தொகை கணக்கெடுப்பின் போதும் மக்கள் அடர்த்தி அதிகரித்துக் கொண்டே செல்கிறது. தமிழகத்தில் மக்கள் தொகை அடர்த்தி 2001-ல் ஒரு சதுர கிலோ மீட்டருக்கு 480 ஆக இருந்தது. ஆனால் 2011-ல் இது 555 ஆக உயர்ந்து உள்ளது. இதனால் சென்னை போன்ற பெரு நகரங்களில் பல்வேறு இடர்பாடுகளை எதிர்கொள்ள வேண்டி உள்ளது. எங்கு பார்த்தாலும் மக்கள் கூட்டம், போக்குவரத்து நெரிசல் போன்ற சூழலே காணப்படுகிறது. மக்கள் தொகை பெருக்கம் என்பது நாடு எதிர்நோக்கியுள்ள மாபெரும் சவாலாகும்.

2011 மக்கள் தொகை கணக்கெடுப்பின்படி, நம் நாட்டில் 74 சதவீதம் பேர் எழுத்தறிவு பெற்றவர்களாக உள்ளனர். இது 2001-ம் ஆண்டு 64.83 சதவீதமாக இருந்து உள்ளது. இதே ஆண்டில் மக்கள் தொகை வளர்ச்சி 21.15 சதவீதமாகும். ஆனால் 2001-2011 இடையிலான 10 ஆண்டுகளில் மக்கள் தொகை வளர்ச்சி 17.64 சதவீதமாகும். இதே கால கட்டத்தில் 9.21 சதவீதம் அளவுக்கு எழுத்தறிவு விகிதம் அதிகரித்துள்ளது என்பது குறிப்பிடத்தக்கது.

தகவல்: பெ.சுப்பிரமணியன், அரியலூர்.

பயமாத்தான் இருக்கிறது. தகவல் பகிர்வுக்கு நன்றி சிவா.

இந்த வேகம் அதே அளவில் இருக்குமாயின் உலக மக்கள் தொகை 800 கோடியாக அதிகரிக்க இன்னும் 14 ஆண்டுகளே தேவைப்படும் என கணிக்கப்பட்டு உள்ளது. இந்திய மக்கள் தொகை வளர்ச்சி இன்றைய வேகத்திலேயே இருந்தால், 2030-ம் ஆண்டில் சீனாவை பின்னுக்குத் தள்ளிவிடும்.

எந்த பெரிய சீரலிவும் இல்லாமல் இன்னும் 14 ஆண்டுகள், சரி விடுங்க 2030 வரை உலகம் இருக்குமா... ???

இதுவும் ஒரு வளம் தானே

'மால்தூசியன்' என்ன சொன்னார் என்பது பொருளாதாரம் படித்தவர்களுக்குத் தெரிந்திருக்கும்

'மால்தூசியன்' யார்? அவர் என்ன சொன்னார்? என்பதனை சற்று கூற இயலுமா அய்யா