இந்திய அணைகளை புதுப்பிக்க வேண்டும் : பி.சி.தாமஸ்

இரா.பகவதி · இரா.பகவதி Sat Feb 18, 2012 11:24 pm

புதுடெல்லி: இந்தியாவில் உள்ள பழமையான அணைகளை இடித்துவிட்டு புதிய அணைகளை கட்ட வேண்டும் என முன்னாள் மத்திய அமைச்சர் பி.சி.தாமஸ் கோரிக்கை விடுத்துள்ளார். முல்லைப் பெரியாறில் புதிய அணை கட்ட வலியுறுத்தி குமுளியில் நேற்று நடைபெற்ற பொதுக்கூட்டத்தில் அவர் இவ்வாறு தெரிவித்துள்ளார். மேலும், முல்லைப் பெரியாறு அணைப் பிரச்சனையால் பாதிக்கப்பட்ட தமிழக மற்றும் கேரள மக்களுக்கு மத்திய அரசு நிவாரணம் வழங்க வேண்டும் என்றும் பி.சி.தாமஸ் வலியுறுத்தினார்.

இதனையடுத்து, கேரள மக்களின் பாதுகாப்பு கருதி புதிய அணை கட்டப்பட வேண்டும் என கூறிய தாமஸ், நாடு முழுவதும் உள்ள பழைய அணைகளை இடித்துவிட்டு புதிய அணைகள் கட்ட குழு அமைக்க வேண்டும் என கேட்டுக்கொண்டார். காங்கிரஸ் கட்சியைச் சேர்ந்த பி.சி.தாமஸ் முல்லைப் பெரியாற்றில் புதிய அணை கட்ட கோரி கடந்த 6ஆம் தேதி எர்ணாகுளத்தில் பேரணியைத் தொடங்கினார். இந்த பேரணி, நேற்றிரவு குமுளியில் முடிவடைந்தது என்பது குறிப்பிடத்தக்கது.

தினகரன்