அவன், இவன், உவன்

**சாமி** · **சாமி** Thu Apr 19, 2012 11:15 pm

அவன், இவன் நமக்குத் தெரியும். உவன் தெரியுமா?

தமிழ் இலக்கணத்தில் சுட்டெழுத்து என்று ஒன்று உண்டு. அவை அ, இ, உ என்பனவாகும். இவை தனியாக வந்தால் சுட்டெழுத்து என்றும் இணைந்து வந்தால் அவற்றைச் சுட்டுப் பெயர் என்றும் கூறுவர்.
சான்று:-
அ,இ,உ = சுட்டெழுத்துகள்
அவன், இவன், உவன், அவள், இவள், உவள் = சுட்டுப்பெயர்கள்

சொற்களின் உள்ளேயே சுட்டெழுத்து அடங்கி வருமெனின் அவற்றிற்கு அகச்சுட்டு என்று பெயர்.
சான்று:-
அவன், இவன், உவன்.

சொற்களுக்குப் புறத்தே இச்சுட்டு நிற்குமெனின் அவற்றிற்கு புறச்சுட்டு என்று பெயர்.
சான்று:-
அப்பையன், இப்பையன், உப்பையன்.

அ,இ,உ என்னும் மூன்று சுட்டெழுத்துக்களுக்கும் பொருள் உண்டு.
அகரம் சேய்மையில் உள்ள பொருளையும், இகரம் அண்மையில் உள்ள பொருளையும், உகரம் இவ்விரண்டிற்கும் இடையே உள்ள பொருளையும் சுட்டும்.
சான்று:-
அப்பையன் - தூரத்தே வீட்டில் உள்ள பையன்.
இப்பையன் - அண்மையிலேயே, பள்ளியில் உள்ள பையன்.
உப்பையன் - தூரத்தில் உள்ள வீட்டிற்கும், அண்மையிலேயே இருக்கும் பள்ளிக்கும் இடைப்பட்ட நடுவில் உள்ள பையன் எனக் கொள்ளலாம்.

ஆரூரன் · ஆரூரன் Fri Apr 20, 2012 9:37 am

உவன் என்ற வார்த்தையைக் கேள்விப்பட்டதேயில்லை. இலக்கியங்களில் எங்காவது பயன்படுத்தி உள்ளார்களா ?

இரா.பகவதி · இரா.பகவதி Fri Apr 20, 2012 10:10 am

நானும் உ சுட்டெழுத்தை இன்று தான் முதல் முறை கேள்வி படுகிறேன் , பகிர்விற்கு நன்றி சாமி அண்ணா அன்பு மலர்

**ந.கார்த்தி** · **ந.கார்த்தி** Fri Apr 20, 2012 10:54 am

பகிர்வுக்கு நன்றி அண்ணா அன்பு மலர்

**சாமி** · **சாமி** Sat Apr 21, 2012 8:04 am

ஆரூரன் wrote:உவன் என்ற வார்த்தையைக் கேள்விப்பட்டதேயில்லை. இலக்கியங்களில் எங்காவது பயன்படுத்தி உள்ளார்களா ?

பயன்படுத்தி உள்ளார்கள்
சான்று:
உது எம்மூரே (எனது ஊர் அதுவாகும்) = குறுந்தொகை பாடல் 179
உதுக்காண் (அங்கே பார், அதோ பார்) = குறுந்தொகை பாடல் 81, 191, 358
நற்றிணை = 88, புறநானூறு = 210, 307

பத்மநாபன் · பத்மநாபன் Sat May 05, 2012 5:28 pm

பழைய வார்த்தைகள் எல்லாம் நமக்கு புது வார்த்தைகள் போல் தோன்றுகிறது பயன்பாட்டில் இல்லாத காரணத்தினால்.

Sponsored content · Sponsored content

அவன், இவன், உவன்

அவன், இவன், உவன்

Re: அவன், இவன், உவன்

Re: அவன், இவன், உவன்

Re: அவன், இவன், உவன்

Re: அவன், இவன், உவன்

Re: அவன், இவன், உவன்

Re: அவன், இவன், உவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக