என் வீட்டு சுலபமான மைதா கஜூரா (*பானு*)

by **ஜாஹீதாபானு** Sat Feb 18, 2012 3:51 pm

தேவையான பொருட்கள்
மைதா **************** 300 கிராம்
டால்டா****************100 கிராம்
சர்க்கரை***************100 கிராம்
உப்பு **************** கால் டீஸ்பூன்

செய்முறை
மைதா மாவை நன்றாக சலித்து கொள்ளவும். சர்க்கரையை மிக்ஸியில் மாவு போல் அரைத்து வைத்துக் கொள்ளவும்.

டால்டாவை உருக்கி வைத்துக் கொள்ளவும்.

மைதாவில் சர்க்கரை உப்பு சேர்த்து கிளறி அதன்பின் டால்டா சேர்த்து நன்றாக கிளறி அதில் தண்ணீர் ஊற்றி சப்பாத்தி மாவு பதத்தில் பிசைந்து கொள்ளவும்.

அரைமணி நேரம் கழித்து சப்பாத்திக் கட்டையில் வைத்து விரல் தடிமனுக்கு பரத்தி கத்தியால் சிறு சிறு டைமன் துண்டுகளாக வெட்டி வைத்துக் கொள்ளவும்.

பின் கடாயில் எண்ணெய் ஊற்றி நன்றாக காய்ந்ததும் கஜூரா துண்டுகளை போட்டு பொன்னிறமானதும் எடுத்து தட்டில் போட்டு ஆறவிடவும்.

பொன்னிறமானதும் கஜூராவை எடுக்கும் போது கையால் தொட்டால் அமுங்கும் . அதை ஆறவிட்டால் தான் மொறமொறப்பாக இருக்கும் ....

சாப்பிட சுவையாக இருக்கும்

ஜொள்ளு

by அதி Sat Feb 18, 2012 3:55 pm

செய்முறை மட்டும்தானா ப்யூட்டி? நீங்களே செஞ்சு தர மாட்டீங்களா? சோகம்

by **ஜாஹீதாபானு** Sat Feb 18, 2012 4:06 pm

அதிபொண்ணு wrote:செய்முறை மட்டும்தானா ப்யூட்டி? நீங்களே செஞ்சு தர மாட்டீங்களா?

வீட்டுக்கு வா செய்து வச்சிருக்கேன் தரேன்

ரொம்ப நாளா ஆளயே காணோம் நலமா நன்றி

by அதி Sat Feb 18, 2012 4:09 pm

நான் அருமையா இருக்கேன்..நீங்க இன்னும் அப்படியே தான் இருக்கீங்களா அப்பாவியா? சிரி

நான் வந்துகிட்டு தான் இருக்கேன்....நீங்க பகலில் வரீங்க......நான் மாலைக்கு மேல் வருவேன்.

by உதயசுதா Sat Feb 18, 2012 4:11 pm

இது எனக்கு எங்கம்மா சின்ன வயசுல செய்து தருவாங்க பானு.
நீங்க இந்த குறிப்பை போட்டதும் எனக்கு சின்ன வயசு நினைவு வந்துட்டது போங்க. அழுகை

by **ராஜா** Sat Feb 18, 2012 4:14 pm

சென்னையில் பேச்சுலர் வாழ்க்கையில் பல ஞாயிற்று கிழமைகளில் காலை உணவே இந்த கஜுராவும் டீயும் தான் , பகிர்வுக்கு நன்றி ஜாகீதா 4

by **ஜாஹீதாபானு** Sat Feb 18, 2012 4:14 pm

அதிபொண்ணு wrote:நான் அருமையா இருக்கேன்..நீங்க இன்னும் அப்படியே தான் இருக்கீங்களா அப்பாவியா?
நான் வந்துகிட்டு தான் இருக்கேன்....நீங்க பகலில் வரீங்க......நான் மாலைக்கு மேல் வருவேன்.

ஏன் இப்படி சொல்கிறாய் ஒன்னும் புரியல