ஊழல் குற்றச்சாட்டு : ஜெர்மன் அதிபர் பதவி விலகல்

by **பிரசன்னா** Sat Feb 18, 2012 12:57 pm

பெர்லின் : ஜெர்மனியில், சட்டத்திற்கு புறம்பாக நிதி ஒதுக்கியது அதற்கு பிரதிபலனாக சலுகைகள் பெற்றது தொடர்பாக தன் மீது எழுந்த ஊழல் குற்றச்சாட்டினால், அதிபர் பதவியை ராஜினாமா செய்துள்ளார் கிறிஸ்டியன் உல்ப். ஏஞ்சலா மெர்கெல் தலைமையிலான கன்சர்வேடிவ் கிறிஸ்டியன் டொமாகிரடிக் யூனியன் கட்சியின் துணை தலைவராக இருந்த கிறிஸ்டியன் உல்ப், 2010ம் ஆண்டில் ஜெர்மன் அதிபராக பதவியேற்றார். இவர். இதற்கு முன்னர் சக்சோனி மாநில கவர்னராக இருந்தார். அப்போது, அவர் தனது நண்பர்களுக்கு சாதகமாக நிதியுதவி செய்ததாகவும், அதற்கு பிரதிபலனாக, பல சலுகைகள் அனுபவித்ததாக அவர் மீது எதிர்க்கட்சிகள் குற்றம் சுமத்தியது. இதனையடுத்து, உல்ப் அதிபர் பதவியை ராஜினாமா செய்துள்ளார். அதிபர் பதவி விலகல் எதிரொலியாக, சேஞ்சலர் ஏஞ்சலா மெர்கெல், தனது ரோம் சுற்றுப் பயணத்தை ரத்து செய்துள்ளார். புதிய அதிபர் விரைவில் கட்சியினரால் தேர்வு செய்யப்படுவார் என்று அவர் தெரிவித்துள்ளார்.

தினமலர்

by இரா.பகவதி Sat Feb 18, 2012 1:12 pm

பெர்லின் : வீட்டுக் கடன் ஊழல் புகாரில் சிக்கிய ஜெர்மனி அதிபர் கிறிஸ்டியன் உல்ப் நேற்று பதவி விலகினார். கடந்த 2010ம் ஆண்டு ஜூன் மாதம் 30ம் தேதி ஜெர்மனியின் புதிய அதிபராக கிறிஸ்டியன் டெமாக்ரடிக் யூனியன் கட்சியைச் சேர்ந்த உல்ப் பதவியேற்றார். இவர் 2003 முதல் 2010 வரை லோயர் சக்சோனி மாநிலத்தின் பிரதம அமைச்சராக இருந்தார்.

இந்நிலையில், அவர் கடந்த 2008ல் அதிகாரத்தைப் பயன்படுத்தி சலுகை வட்டியில் ரூ.3.24 கோடி வீட்டுக் கடன் பெற்றதாக கடந்த ஆண்டு டிசம்பரில் ஒரு பத்திரிகையில் செய்தி வெளியானது. இந்த பிரச்னை இப்போது விஸ்வரூபம் எடுத்துள்ளதையடுத்து, உல்ப் நேற்று தமது பதவியை ராஜினாமா செய்தார். இதுதொடர்பாக, மூன்றரை நிமிடம் தொலைக்காட்சியில் நேற்று உரையாற்றினார்.

''நாட்டின் பெரும்பான்மையான மக்களின் நம்பிக்கையைப் பெற்ற ஒருவர்தான் இந்த பதவியில் நீடிக்க வேண்டும். ஆனால் அந்த நம்பிக்கையை நான் இழந்து விட்டேன். எனவே, இன்று அதிபர் பதவியிலிருந்து விலகுகிறேன். நான் தவறு செய்துவிட்டேன். ஆனால் எப்போதும் நான் நேர்மையா னவன்'' என உல்ப் தெரிவித்தார்.
தினகரன்

by சார்லஸ் mc Sat Feb 18, 2012 1:28 pm

நம் நாட்டு அரசியல்வாதிகள் இப்படி தங்கள் தவறை உணா்ந்து பதவி விலகி, நொ்மையாளா்களுக்கு இடங் கொடுத்தால் எப்படி இருக்கும்?!

ஊழல் குற்றச்சாட்டு : ஜெர்மன் அதிபர் பதவி விலகல் 745155