ஹேக் செய்யப்பட்ட மைக்ரோசாப்ட் தளம்

by **ராஜ்அருண்** Fri Feb 17, 2012 1:23 pm

மைக்ரோசாப்ட் இந்தியாவின் இணையதளம் சீன ஹேக்கர் குழுவினால் நேற்று ஹேக் செய்யப்பட்டது. மேலும் அந்த தளத்தில் உள்ள பயனாளர்களின் பட்டியல் கடவுச்சொற்களுடன் வெளியிடப்பட்டது.

சீனாவில் இருந்து செயல்படும் ஹேக்கர் குழுமங்களில் ஒன்று Evil Shadow. இந்த குழு மைக்ரோசாப்ட் இந்தியாவின் இணைய வர்த்தக தளமான Microsoft Store தளத்தை நேற்று ஹேக் செய்தது. மேலும் அந்த தளத்தில் உள்ள பயனாளர்களின் விவரங்களையும், அவர்களின் கடவுச்சொற்களையும் வெளியிட்டது.

மேலும் அந்த தகவல்களை மைக்ரோசாப்ட் தளம் பாதுகாப்பற்ற (Unencrypted) முறையில் வைத்திருந்ததாகவும் அந்த ஹேக்கர் குழுமம் தெரிவித்துள்ளது. தற்போது அந்த தளத்தை மைக்ரோசாப்ட் தளம் திரும்பப்பெற்றுவிட்டது. ஆனால் தற்காலிகமாக சேவையை நிறுத்தியுள்ளது.

ஹேக் செய்யப்பட்ட மைக்ரோசாப்ட் தளம் Bloggernanban

ஹேக் செய்யப்பட்ட மைக்ரோசாப்ட் தளம் Bloggernanban

மேலும் கடவுச்சொற்களை மாற்றுவது குறித்தும், பாதுகாப்பு குறித்தும் பயனாளர்களுக்கு செய்தி அனுப்பப்படும் எனவும் தெரிவித்துள்ளது.

மைக்ரோசாப்ட் இந்தியா தளம் Quasar Media என்னும் இந்திய நிறுவனத்தால் இயக்கப்படுகிறது. இந்த நிறுவனத்தால் இயக்கப்படும் மற்ற தளங்களில் முக்கியமான தளங்கள்:

ஹேக் செய்யப்பட்ட மைக்ரோசாப்ட் தளம் Bloggernanban

by **கேசவன்** Fri Feb 17, 2012 6:02 pm

VISA , SBI CARD போன்றவை பணபரிமாற்றம்செய்பவை ,ஒருவேளை இவைகளும் ஹேக் செய்யபட்டால் அவ்வளவுதான்

by வேலவன் Fri Feb 17, 2012 6:09 pm

அப்படின்னா மைக்ரோசாப்ட் ல பாதுகாப்பு இல்லயா?

by சாந்தன் Fri Feb 17, 2012 7:08 pm

வல்லவனுக்கும் வல்லவன் வையகத்தில் உண்டு என்று நிரூபித்து விட்டார்கள் .....

by **சிவா** Fri Feb 17, 2012 10:33 pm

ஆந்திர மாநில பட்ஜெட் இணைய தளத்தில் அத்துமீறி நுழைந்து விஷமத்தனம்
இன்று தாக்கல் ஆகும் பட்ஜெட் தகவல்கள் பத்திரமாக இருப்பதாக அரசு அறிவிப்பு

ஆந்திர மாநில பட்ஜெட் இணைய தளத்தில் அத்துமீறி நுழைந்த சில மர்ம நபர்கள் விஷமத்தனத்தில் ஈடுபட்டு இருக்கிறார்கள். இந்த நிலையில் இன்று தாக்கல் ஆகும் பட்ஜெட் தகவல்கள் பத்திரமாக இருப்பதாக அரசு அறிவித்து இருக்கிறது.

ஆந்திர பட்ஜெட்

ஆந்திர மாநில சட்டசபை கூட்டம் நடைபெற்று வருகிறது. சட்டசபையில் இந்த ஆண்டுக்கான(2012-13) பட்ஜெட் இன்று தாக்கல் செய்யப்படுகிறது. இந்த பட்ஜெட்டை நிதி மந்திரி ஆனாம் ராம் நாராயண் ரெட்டி தாக்கல் செய்கிறார்.

ஆந்திர அரசின் இலாகாக்கள் சார்பில் 21 இணைய தளங்கள் செயல்பட்டு வருகின்றன. இவற்றில் அரசின் அறிவிப்புகள், அரசாங்கத்தின் உத்தரவுகள், விற்பனை வரி, வளர்ச்சி திட்டங்கள் பற்றிய விவரங்கள் போன்ற பல்வேறு தகவல்கள் இடம் பெற்று இருக்கும்.

விஷமத்தனம்

இந்த நிலையில் ஆந்திர நிதித்துறையின் இணைய தளத்தில் ஆந்திர பட்ஜெட் பற்றிய தகவல்கள் வெளியிடப்பட்டு இருந்தன. இந்த இணைய தளத்துக்குள் சில மர்ம நபர்கள் புகுந்து விஷமத்தனத்தில் ஈடுபட்டு இருக்கிறார்கள்.

இணைய தளத்தில் ஏற்கனவே இருந்த தகவல்களை அழித்தும், சில தகவல்களை திருத்தியும், சில தகவல்களுக்கு தங்களின் சொந்த கருத்தையும், கற்பனை தகவல்களையும் பக்கம் பக்கமாக சேர்த்து இருக்கிறார்கள். இதனால் இணைய தளத்தின் சர்வரும் பாதிக்கப்பட்டு இருக்கிறது.

21 இணைய தளங்கள்

அரசின் சில துறைகளின் இணைய தளங்களை கிளிக் செய்தால், அதில் உருது எழுத்துக்களும், காதல் சின்னமும் வெளிப்படுகிறது.

நிதித்துறை இணையதளம் தவிர, அரசின் மேலும் 20 துறைகளின் இணைய தளங்களும் சேதப்படுத்தப்பட்டு உள்ளன. இந்த இணைய தளங்களில் ஏற்கனவே இருந்த உண்மை தகவல்கள் மாற்றப்பட்டு உள்ளன. அனுமதி இன்றி தவறான தகவல்களை அரசு இணைய தளங்களில் சேர்ப்பதோ, அதனுள் சென்று அதை சேதப்படுத்துவதோ இணைய தள குற்றம் ஆகும்.

எனவே அரசு துறைகளின் இணைய தளங்களில் அத்துமீறி புகுந்து, குற்றம் புரிந்தது யார்? என்பது பற்றி ஆந்திர சைபர் கிரைம் போலீசார் தீவிர விசாரணை மேற்கொண்டு இருக்கிறார்கள்.

பத்திரமாக இருக்கிறது

இந்த நிலையில் பட்ஜெட் பற்றிய தகவல்கள் பத்திரமாக இருப்பதாகவும், அவற்றை யாரும் `திருட'வில்லை என்றும், அந்திர அரசு அறிவித்து இருக்கிறது. "நாங்கள் எங்கள் இணைய தளத்தில் பட்ஜெட் பற்றிய எந்த ரகசியத்தையும் குறிப்பிடவில்லை. எனவே பட்ஜெட் ரகசியங்கள் திருட்டு போய் விட்டது என்று கூறுவது தவறு'' என்றும் மூத்த அரசு அதிகாரி ஒருவர் கூறினார்.