முத்தரப்பு தொடர்: இலங்கையின் புயல் வேக பந்துவீச்சை சமாளிக்க முடியாமல் சிதறியது ஆஸி.

சிட்னி: இலங்கை பந்து வீச்சாளர்களின் அதிரடி பந்து வீச்சை சமாளிக்க முடியாமல் ஆஸ்திரேலிய விக்கெட்கள் தவிடுபொடியாகின. 100 ரன்களை எடுப்பதற்குள் 6 விக்கெட்களைப் பறி கொடுத்து ஆஸ்திரேலியா சிதறிப்போய் விட்டது.

சிட்னியில் இன்று காலை தொடங்கிய இலங்கை, ஆஸ்திரேலியா அணிகளுக்கு இடையிலான இந்த ஒரு நாள் போட்டியில், காலை 11 மணி நிலவரப்படி ஆஸ்திரேலிய அணி 6 விக்கெட் இழப்புக்கு 88 ரன்களை எடுத்திருந்தது.

இந்தியா, ஆஸ்திரேலியா, இலங்கை ஆகிய அணிகள் மோதும் முத்தரப்பு ஒருநாள் கிரிக்கெட் தொடர் ஆஸ்திரேலியாவில் நடைபெற்று வருகின்றது. இதில் 10 புள்ளிகளுடன் இந்தியா முதலிடத்திலும், 9 புள்ளிகளுடன் ஆஸ்திரேலியா 2வது இடத்திலும் உள்ளன. இதுவரை இத்தொடரின் எந்த போட்டியிலும் வெற்றிப் பெறாத இலங்கை, 2 புள்ளிகளை மட்டுமே பெற்றுள்ளது.

இந்த நிலையில் இன்று ஆஸ்திரேலியா, இலங்கை அணிகளுக்கு இடையிலான 2வது போட்டி, சிட்னி மைதானத்தில் நடைபெற்று வருகின்றது. போட்டியின் 'டாஸ்' வென்ற ஆஸ்திரேலியா முதலில் பேட்டிங் செய்து வருகின்றது. ஆஸ்திரேலியாவின் துவக்கம் சரிவுடன் ஆரம்பித்தது.

துவக்க ஆட்டக்காரரான டேவிட் வார்னர் 13 ரன்கள் எடுத்த நிலையில் மலிங்கா பந்தில் கேட்ச் கொடுத்து வெளியேறினார். ஆஸ்திரேலியா கேப்டன் மைக்கேல் கிளார்க்கிற்கு பதிலாக இன்று கேப்டனாக செயல்படும் ரிக்கி பாண்டிங்(2) பொறுப்புடன் ஆடவில்லை. மேத்யூ வாடே 15 ரன்களில் எதிர்பாராதவிதமாக ரன் அவுட்டானார்.

37 ரன்களுக்கு 3 விக்கெட்கள் என்ற தர்மசங்கடமான நிலையில் தவித்த ஆஸ்திரேலிய அணியை மீட்கும் பணியில் பீட்டர் பாரஸ்ட்(10), மைக்கேல் ஹஸ்ஸி ஆகியோர் ஈடுபட்டனர். மேத்யூஸின் பந்தில் சிக்ஸ் அடித்து ரசிகர்களை உற்சாகப்படுத்திய மைக்கேல் ஹஸ்ஸி(13) அடுத்த பந்தில் கேட்ச் கொடுத்து வெளியேறினார்.

முத்தரப்பு தொடரில் இலங்கை விளையாடி உள்ள 4 போட்டிகளில் 2 புள்ளிகளை மட்டுமே பெற்றுள்ளதால், இறுதிப் போட்டிக்கு தகுதி பெறும் வகையில், இன்று தனது முதல் வெற்றியை பதிவு செய்ய கடும் முயற்சியில் ஈடுபட்டு வருகின்றது

தட்ஸ் தமிழ்

88/6 26 ஓவெர்ஸ்

தற்போது மழையால் ஆட்டம் பாதிக்கப்பட்டுள்ளது.

போட்டிக்கு 41 ஓவர்கள் மட்டுமே.

ஆஸ்திரேலியா 158 -10
40.5

SL 134/2 (21.3 Ovs)

இலங்கை அபார வெற்றி.

:suspect: