வெட்கத்தை கேட்டால் என்ன தருவாய்?

by **சிவா** Fri 17 Feb 2012 - 11:34

பாடல் ஆசிரியரான தபூசங்கர் முதன் முதலாக கதை, திரைக்கதை, வசனம், பாடல்கள் எழுதி டைரக்டு செய்திருக்கும் படம், `வெட்கத்தை கேட்டால் என்ன தருவாய்?' காதல் தோல்வி எவ்வளவு பெரிய வலி நிறைந்தது? என்பதை சொல்லும் படம் இது.

வண்ண ஓவியங்கள் வரையும் ஓவியன், அசோக். இவன் வரையும் ஓவியங்கள் அனைத்தும் மக்கள் மத்தியில் பேசப்படுகின்றன. அப்படிப்பட்ட அந்த ஓவியனின் மனதில் இடம்பிடித்தாள், ஒரு பெண். அவளின் அன்பை உண்மையான காதல் என்று நினைத்தான், அவன். ஆனால், ``எனக்கு காதலை விட காசுதான் முக்கியம்'' என்று அவனை விட்டு விலகி ஓடினாள், அவள்.

காதல் தோல்வியில் துவண்டு போன அந்த ஓவியனின் வாழ்க்கையில் இன்னொரு பெண் குறுக்கிட்டாள். இந்த காதலாவது ஜெயித்ததா, இல்லையா? என்பதே கதை.

`பிடிச்சிருக்கு' அசோக் கதாநாயகனாக நடிக்க, கிருத்திகா, திரஷனா ஆகிய இருவரும் கதாநாயகிகளாக நடித்துள்ளனர். மற்றும் கஞ்சா கருப்பு, மயில்சாமி, செல்வபாரதி, மனோபாலா ஆகியோரும் நடித்திருக்கிறார்கள்.

கார்த்திக்ராஜா ஒளிப்பதிவில், டி.இமான் இசையில் வளர்ந்த இந்த படத்தை திண்டுக்கல் வி.ராமச்சந்திரன் தயாரித்து இருக்கிறார்.

சென்னை, திண்டுக்கல் மற்றும் மலேசியாவில் படம் வளர்ந்து இருக்கிறது.