செல்போன் பயனாளிகள் ஒவ்வொருவரும் கண்காணிக்கப்படுவர்: மத்திய தகவல் தொடர்பு துறை தகவல்

புதுடெல்லி,பிப்.16-

செல்போன் ஆப்பரேட்டர்களுக்கான உரிமம் மே 31-ந்தேதியிலிருந்து வழங்கப்படுகிறது. இந்த உரிமம் வழங்கும் திட்டத்தில் சில திருத்தங்கள் செய்யப்பட்டுள்ளது. அதன்படி, ஒவ்வொரு ஆப்பரேட்டர்களும் தங்களது வாடிக்கையாளர்கள் இருப்பிடங்கள் அடங்கிய தகவல்களை மத்திய தகவல் தொடர்பு துறைக்கு சமர்ப்பிக்க வேண்டும்.

செல்போன் பயன்படுத்துபவர்கள் ஒவ்வொருவரையும் கண்காணிக்க மத்திய அரசு முடிவெடுத்துள்ளது. இதனால் பல குற்றச்செயல்கள் நடைபெறாமல் தடுக்க முடியும். இதற்காக, மையப்படுத்தப்பட்ட கண்காணிப்பு முறை அறிமுகம் செய்யப்பட்டு அதன்மூலம் செல்போன் உபயோகிப்பவர்களை கண்காணிக்க நடவடிக்கை எடுக்கப்பட உள்ளது.

அதன்படி, அடுத்த ஆண்டுக்குள் மாநகரங்களில் உள்ள செல்போன் டவரிலிருந்து 100 மீட்டருக்கும் அதிகமான இடைவெளியில் இருந்து செய்யப்படும் 60 சதவீத அழைப்புகள் துல்லியமாக கண்காணிக்கப்படும். 2014-ம் ஆண்டில் இந்த துல்லியமான கண்காணிப்பு முறை, மாநகரங்களில் 75 சதவீதமாகவும், கிராமப்புறங்களில் 50 சதவீதமாகவும் உயரும்.

அடுத்த இரண்டு ஆண்டுகளின் முடிவில் செல்போன் டவரிலிருந்து 300 மீட்டருக்கும் அதிகமான இடைவெளியில் மாநகரங்களில் இருந்து செய்யப்படும் 95 சதவீத அழைப்புகளையும், கிராமப்புறங்களில் இருந்து செய்யப்படும் 60 சதவீத அழைப்புகளையும் துல்லியமாக கண்காணிக்கப்படும்.

மேலும், உரிமங்கள் பெற்ற காலக்கட்டத்தில் தங்கள் நெட்வர்க்குகளின் பாதுகாப்புக்கு சேவைதாரர்களே முழு பொறுப்பாளர்களாவர். அதனை மீறினால் ரூ.50 கோடி அபராதம் விதிக்கப்படும். இது தொடர்பாக மத்திய அரசால் குற்றவியல் நடவடிக்கைகளும் எடுக்கப்படும். மேலும், தற்போது செயல்பாட்டில் உள்ள திட்டத்தின்படி, பலரின் தலையீடு காரணமாக கண்காணிக்கப்படும் ரகசியங்கள் எளிமையாக மறைக்கப்படவும் அழிக்கப்படவும் வாய்ப்புள்ளது.

ஆனால் மையப்படுத்தப்பட்ட கண்காணிப்பு முறை பாதுகாப்பான மின்னணு இணைப்புகள் மூலம் செயல்படுத்தப்படுவதால் ரகசியங்கள் பாதுகாக்கப்படும் என தகவல் தொழில்நுட்பத்துறை இணை அமைச்சர் சச்சின் பைலட் கூறியுள்ளார்.

மாலைமலர்

சாிதான்...

முன்னேறும் உலகில் எதுவுமே மறைவாக இனி இருக்காது போல ...

எல்லாம் வெளிப்படைதான்...

அடடா ரகசிய பேச்செல்லாம் இனி மொபைல்ல பேச கூடாது...

அடடா ... முக்கியமான ஒரு சீக்ரெட்... அதை மகாவிடம் பகிா்ந்து கொள்ளலாம் என இருந்தேன்... போச்சே...

சார்லஸ் mc wrote:அடடா ... முக்கியமான ஒரு சீக்ரெட்... அதை மகாவிடம் பகிா்ந்து கொள்ளலாம் என இருந்தேன்... போச்சே...

பகிர்விக்கு நன்றி

போங்கையா போக்கத்தவங்களா .... நாட்டிலே மின்சாரத்தை அதிக அளவில் உற்பத்தி பண்ணி கொடுக்கிறதை பத்தி யோசிக்கமே ... செல் ஃபோன் கண்காணிக்க போறங்கலாம் ... அவனவன் இருபது சிம் முப்பது சிம்னு வைச்சுக்கிட்டு பேசிக்கிட்டு இருக்கான் ....