"வின்னர்' தோனி: குவிகிறது பாராட்டு

by மகா பிரபு Thu Feb 16, 2012 7:39 am

First topic message reminder :

ஒருநாள் போட்டிகளில் பின் வரிசையில் களமிறங்கி, போட்டியை வென்று தரும் "மேட்ச் வின்னராக' உள்ளார் இந்தியாவின் தோனி. இதை இலங்கை, ஆஸ்திரேலிய அணி கேப்டன்கள் ஏற்றுக்கொண்டுள்ளனர்.

ஒருநாள் கிரிக்கெட்டில் வெற்றி நாயகனாக இருப்பது அவ்வளவு எளிதல்ல. "ரன்ரேட்' அதிகமாக தேவைப்படும். பின்வரிசையில் வரும் போது, சீரான ஆட்டத்தை வெளிப்படுத்த முடியாது. எப்போதும் ஒரு நெருக்கடி இருந்து கொண்டே இருக்கும். இவை அனைத்தையும் மீறி இந்திய அணி கேப்டன் தோனி, சிறப்பாக செயல்படுகிறார் என்றால், முதல் காரணம் இவரது "கூல்' பாணி தான். தற்போதைய முத்தரப்பு தொடரில், கடைசி நேரத்தில் ஆஸ்திரேலியாவுக்கு எதிராக "சிக்சர்' அடித்து வெற்றியை உறுதி செய்தார். இதே போல இலங்கைக்கு எதிராக 3 ரன்கள் எடுத்து போட்டி "டை' ஆக காரணமாக இருந்தார்.

"சேஸ்' மன்னன்: தோனியை பொறுத்தவரை இரண்டாவதாக "பேட்' செய்யும் போது அசத்துகிறார். "சேஸ்' செய்த போது 49 இன்னிங்சில் இவரது அபார ஆட்டம் வெற்றிக்கு கைகொடுத்தது. இதில் 2 சதம், 14 அரைசதம் உட்பட 1993 ரன்கள் எடுத்துள்ளார். இதன் சராசரி 104.89 ரன்கள். இந்த 49 இன்னிங்சில் தோனி 30 முறை ஆட்டமிழக்காமல் இருந்துள்ளார். 200 ஒருநாள் போட்டிகளில் பங்கேற்றுள்ள இவர், "சேஸ்' செய்த போது 50 முறை அவுட்டாகாமல் இருந்துள்ளார். மொத்தம் இவர் எடுத்த 7 சதம், 44 அரைசதத்தில் பெரும்பாலானவை "சேஸ்' செய்த போது எடுத்தது தான்.

கடின பணி: கேப்டன், விக்கெட் கீப்பர், பேட்ஸ்மேன் என்ற பணிகளுடன், போட்டியை வெற்றிகரமாக முடித்து தருவதிலும் தோனி கெட்டிக்காரராக உள்ளார். இதுகுறித்து இலங்கை அணி கேப்டன் ஜெயர்வர்தனா கூறுகையில்,"" அடிலெய்டு போட்டியில் ஒரு "இன்ச்' அளவில் போட்டியை எங்களிடம் இருந்து தோனி தட்டிப்பறித்தார். அமைதி மற்றும் நிதானமாக செயல்படும் குணம், இவரை வலிமையானவராக மாற்றியுள்ளது,'' என்றார்.

கிளார்க் பாராட்டு: ஆஸ்திரேலிய அணி கேப்டன் மைக்கேல் கிளார்க் கூறுகையில்,"" தோனி அசத்தலான வீரர். புள்ளிவிவரங்களை பார்த்தால் இதைத் தெரிந்து கொள்ளலாம். மெக்கேயின் கடைசி ஓவரில் சிக்சர் அடித்தது மறக்க முடியாதது,'' என்றார்.

செய்வது சரியா: இந்திய அணி "சேஸ்' செய்யும் போது, தோனி முதலில் மந்தமான ஆட்டத்தை வெளிப்படுத்துவது சரியல்ல. இதனால் எதிர்முனையில் இருக்கும் சகவீரர்களும் "டென்ஷன்' ஆகி, விக்கெட்டை இழந்து விடுகின்றனர். இலங்கைக்கு எதிரான முத்தரப்பு போட்டியில் கூட, துவக்கத்தில் தோனி ரன் சேர்க்க திணறினார். இறுதியில் போட்டியை, பதட்டத்துடன் "டை' செய்ய வேண்டியிருந்தது. வரும் போட்டிகளில் இந்த பாணியை இவர் மாற்றிக் கொள்ள வேண்டும்.

தினமலர்

by **Manik** Thu Feb 16, 2012 2:45 pm

ஆமாம் அண்ணா ஊர்லதான் இருக்கேன்....... அதுக்கு ஏன் இந்த சோகம் அண்ணா.......

நீங்கதான் போன் பன்றதே இல்லை எனக்கு ரொம்ப பிசி ஆயிட்டீங்களோ

by **ரா.ரமேஷ்குமார்** Thu Feb 16, 2012 6:04 pm

ஆட்டத்தின் போக்கையே மாற்ற கூடிய வீரர் தோனி.. சிரி

எளிதில் வெற்றி பெறலாம் என்ற நிலையில் இருக்கும் போட்டியை கடினமாக மாற்றவும் சில சமயங்களில் வெற்றி பெற கடிமையாக இருக்கும் ஆட்டத்தை சுலபமாக மாற்றி விடுவார்...

by மகா பிரபு Thu Feb 16, 2012 6:08 pm

ரா.ரமேஷ்குமார் wrote:ஆட்டத்தின் போக்கையே மாற்ற கூடிய வீரர் தோனி..
எளிதில் வெற்றி பெறலாம் என்ற நிலையில் இருக்கும் போட்டியை கடினமாக மாற்றவும் சில சமயங்களில் வெற்றி பெற கடிமையாக இருக்கும் ஆட்டத்தை சுலபமாக மாற்றி விடுவார்...

இதுக்கு பெயர் தான் ஆட்டத்தின் போக்கை மாற்றுவதா? என்ன கொடுமை சார் இது

by **ரா.ரமேஷ்குமார்** Thu Feb 16, 2012 6:14 pm

மகா பிரபு wrote:இதுக்கு பெயர் தான் ஆட்டத்தின் போக்கை மாற்றுவதா?

ஆட்டத்தின் போக்கை மாற்றும் வீரர் என்று தான் சொல்லி இருக்கிறோம் எப்படி மாற்றுவோம் என்று நாங்க சொல்லலையே.. ஜாலி

by மகா பிரபு Thu Feb 16, 2012 6:17 pm

ரா.ரமேஷ்குமார் wrote:
மகா பிரபு wrote:இதுக்கு பெயர் தான் ஆட்டத்தின் போக்கை மாற்றுவதா?
ஆட்டத்தின் போக்கை மாற்றும் வீரர் என்று தான் சொல்லி இருக்கிறோம் எப்படி மாற்றுவோம் என்று நாங்க சொல்லலையே..

ஆனா இது மாதிரி உலக கோப்பை இறுதி போட்டியில் விளையாடி இருந்தால் வீட்டையே கொளுத்தி இருப்பாங்கே!! சிரி சிரி