மௌனக் கூச்சல்

**ரா.ரா3275** · **ரா.ரா3275** Wed Feb 15, 2012 3:46 pm

First topic message reminder :

உனக்கும் தெரியும்
எனக்கும் தெரியும்
இருவருக்குள்ளும்
ஒரே இசைக் கேட்கிறதென்பது

தூரத்தில் இருந்தபடியே
உறவுக் கூட்டங்களில்
ஒளிந்தும் ஒளியாமலும்
உருவிக் கொள்ளும்
காட்சிக் கத்திகள் மட்டுமே

உருப்படியாய் எண்ணினால்
ஓரிரு சொற்கள் கூட இராது
பேசிக்கொண்டதென்பது

ஆகவே,உன்னோடு பேச
ஒவ்வோர் உத்தியாய்த் தேடினேன்

நம் நலம் மட்டுமே விரும்பும்
நண்பர்களிடத்தில்

காதல் களங்களில்
களமாடும் நாவல் நாடுகளில்

எல்லோரும் வியந்தேத்தும்
இலக்கிய ஊடுருவல்களில்

நான் நிரம்ப நேசிக்கும்
செலுலாய்டு படிமங்களில்

நண்பர்களின் நடப்புக்
காதல்களில்

ஒவ்வோர் உத்தியாய்
உருட்டிப் புரட்டி
வார்த்தைகளைப் படைத் திரட்டி
வந்தபோது

அந்த ஆற்றோரக் கூடுதுறை மண்டபத்தில்
நீயும் ஊமை நானும் ஊமை
குரல்வளைகளிலிருந்து
உருவிக்கொண்டது பேச்சு

இருந்தும்
நம் மௌனக் கூச்சலில்
காதல் கேட்கிறது

**ரா.ரா3275** · **ரா.ரா3275** Wed Feb 15, 2012 10:20 pm

இளமாறன் wrote:கவிதை அழகாய் இருக்கிறது ...

மௌனமாய் உணர்வுகளை பகிர்ந்து கொண்டாலும் எதிர்ப்பார்ப்புகளின் ஏக்கங்களிலும் இன்னும் துடித்துக்கொண்டிருக்கிறது எழுதப்படாத காதல் இதயங்கள்

நன்றி இளமாறன் அவர்களே...

**ரா.ரா3275** · **ரா.ரா3275** Thu Feb 16, 2012 10:21 am

காட்சிப்படுத்தி எழுதும் நோக்கில்தான் எழுதப்பட்டது இது கா.ந.க.அய்யா அவர்களே...

**ஹிஷாலீ** · **ஹிஷாலீ** Thu Feb 16, 2012 10:25 am

**பிஜிராமன்** · **பிஜிராமன்** Thu Feb 16, 2012 10:27 am

மௌனமொழி மொழிசொல்லிடுமே ஆயிரம் அர்த்தத்தை

அருமையான கவிதை சாரல் ரா ரா........

களமாடும் நாவல் நாடுகள்
இலக்கிய ஊடுருவல்கள்
செல்லுலாய்ட் படிமங்கள்

எங்க இருந்து இப்டி எல்லாம் வார்த்தைகளை பிடிக்கிறீங்க.......மிக அருமை, நன்றிகள் ரா ரா மகிழ்ச்சி

**ரா.ரா3275** · **ரா.ரா3275** Thu Feb 16, 2012 10:57 am

பிஜிராமன் wrote:மௌனமொழி மொழிசொல்லிடுமே ஆயிரம் அர்த்தத்தை

அருமையான கவிதை சாரல் ரா ரா........

களமாடும் நாவல் நாடுகள்
இலக்கிய ஊடுருவல்கள்
செல்லுலாய்ட் படிமங்கள்

எங்க இருந்து இப்டி எல்லாம் வார்த்தைகளை பிடிக்கிறீங்க.......மிக அருமை, நன்றிகள் ரா ரா