மௌனக் கூச்சல்

by **ரா.ரா3275** Wed Feb 15, 2012 3:46 pm

First topic message reminder :

உனக்கும் தெரியும்
எனக்கும் தெரியும்
இருவருக்குள்ளும்
ஒரே இசைக் கேட்கிறதென்பது

தூரத்தில் இருந்தபடியே
உறவுக் கூட்டங்களில்
ஒளிந்தும் ஒளியாமலும்
உருவிக் கொள்ளும்
காட்சிக் கத்திகள் மட்டுமே

உருப்படியாய் எண்ணினால்
ஓரிரு சொற்கள் கூட இராது
பேசிக்கொண்டதென்பது

ஆகவே,உன்னோடு பேச
ஒவ்வோர் உத்தியாய்த் தேடினேன்

நம் நலம் மட்டுமே விரும்பும்
நண்பர்களிடத்தில்

காதல் களங்களில்
களமாடும் நாவல் நாடுகளில்

எல்லோரும் வியந்தேத்தும்
இலக்கிய ஊடுருவல்களில்

நான் நிரம்ப நேசிக்கும்
செலுலாய்டு படிமங்களில்

நண்பர்களின் நடப்புக்
காதல்களில்

ஒவ்வோர் உத்தியாய்
உருட்டிப் புரட்டி
வார்த்தைகளைப் படைத் திரட்டி
வந்தபோது

அந்த ஆற்றோரக் கூடுதுறை மண்டபத்தில்
நீயும் ஊமை நானும் ஊமை
குரல்வளைகளிலிருந்து
உருவிக்கொண்டது பேச்சு

இருந்தும்
நம் மௌனக் கூச்சலில்
காதல் கேட்கிறது

by **உமா** Wed Feb 15, 2012 4:55 pm

படிக்கவே இதமாக உள்ளது இந்த மௌனக்காதலின் வரிகள். சூப்பருங்க

by ரட்சகா Wed Feb 15, 2012 5:05 pm

அருமை நண்பரே.... சூப்பருங்க

by **பார்த்திபன்** Wed Feb 15, 2012 6:21 pm

உங்கள் கவிதை வாசம் சுமந்து வந்து வருடிச் செல்கிறது இதயத்தை.
கண்களால்தான் வாசித்தேன்.
ஆனால் இதயம் இனிக்கிறது!

மகிழ்ச்சி

by அல்கெனா ரிஷி Wed Feb 15, 2012 6:28 pm

அழகான வரிகள் அண்ணா சூப்பருங்க

by **ரா.ரா3275** Wed Feb 15, 2012 10:05 pm

pooven wrote:நண்பர்கள் நடுவே நன்றி வேண்டாமே ?

சரி...சரி...

by **ரா.ரா3275** Wed Feb 15, 2012 10:06 pm

கா.ந.கல்யாணசுந்தரம் wrote:ஒவ்வோர் உத்தியாய்
உருட்டிப் புரட்டி
வார்த்தைகளைப் படைத் திரட்டி
வந்தபோது

அந்த ஆற்றோரக் கூடுதுறை மண்டபத்தில்
நீயும் ஊமை நானும் ஊமை
குரல்வளைகலிருந்து
உருவிக்கொண்டது பேச்சு

இருந்தும்
நம் மௌனக் கூச்சலில்
காதல் கேட்கிறது

....................................நல்ல காட்சியமைப்போடு கூடிய கவிதை. வாழ்த்துக்கள் .

நன்றி அய்யா...

by **ரா.ரா3275** Wed Feb 15, 2012 10:07 pm

உமா wrote:படிக்கவே இதமாக உள்ளது இந்த மௌனக்காதலின் வரிகள்.

நன்றி உமா அவர்களே...

by **ரா.ரா3275** Wed Feb 15, 2012 10:08 pm

நன்றி ரட்சகா ...

by **ரா.ரா3275** Wed Feb 15, 2012 10:09 pm

பார்த்திபன் wrote:உங்கள் கவிதை வாசம் சுமந்து வந்து வருடிச் செல்கிறது இதயத்தை.
கண்களால்தான் வாசித்தேன்.
ஆனால் இதயம் இனிக்கிறது!

நன்றி நன்றி நண்பரே...

by **இளமாறன்** Wed Feb 15, 2012 10:18 pm

கவிதை அழகாய் இருக்கிறது ...

மௌனமாய் உணர்வுகளை பகிர்ந்து கொண்டாலும் எதிர்ப்பார்ப்புகளின் ஏக்கங்களிலும் இன்னும் துடித்துக்கொண்டிருக்கிறது எழுதப்படாத காதல் இதயங்கள் மகிழ்ச்சி