ஜனாதிபதி மகனிடம் ரூ.ஒரு கோடி பறிமுதல்

by **கேசவன்** Wed Feb 15, 2012 10:53 am

மும்பை : மும்பை மாநகராட்சி தேர்தல் நாளை நடைபெற உள்ள நிலையில் காங்கிரஸ் கட்சியினரிடம் இருந்து ரூ.ஒரு கோடியை போலீசார் பறிமுதல் செய்துள்ளது பெரும் பரபரப்பை ஏற்படுத்தி உள்ளது. ஜனாதிபதி பிரதீபா பாட்டீலின் மகன் மற்றும் எம்.எல்.ஏ., ரயோசாகிப் ஷெகாவத் ஆகியோர் வாக்காளர்களுக்கு கொடுப்பதற்காக வைத்திருந்ததாக இப்பணம் பறிமுதல் செய்யப்பட்டுள்ளது. ஆனால் பொருளாதார நிலையில் பின்தங்கி உள்ள காங்கிரஸ் வேட்பாளர்களுக்கு கட்சி சார்பில் வழங்குவதற்காகவே இப்பணத்தை எடுத்துச் சென்றதாக ஜனாதிபதியின் மகன் தெரிவித்துள்ளார். இருப்பினும் பா.ஜ., இதனை மறுத்துள்ளது. வாக்காளர்களுக்கு அளிப்பதற்காகவே அவர்கள் பணம் எடுத்துச் சென்றதாகவும் புகார் அளித்துள்ளது. இந்த புகார் தொடர்பாக நாக்பூரைச் சேர்ந்த 2 பேரை போலீசார் கைது செய்துள்ளனர். நள்ளிரவில் போலீசார் நடத்திய அதிரடி சோதனையில் காரில் வைக்கப்பட்டிருந்த பணம் பறிமுதல் செய்யப்பட்டுள்ளது. மகாராஷ்டிர முதல்வர் பிரித்விராஜ் சவான் மற்றும் காங்கிரசார் வாக்காளர்களுக்கு பணம் அளிப்பதாக பாஜ., புகார் அளித்துள்ளது.

http://www.dinamalar.com/News_Detail.asp?Id=406765