மெய்தீண்டும் மைவிழியாள்

by kalamkadir Sun Dec 11, 2011 11:37 pm

மெய்தீண்டு மைவிழியால் மெய்தீண்டி(ய) மைவிழியாள்

பொய்தீண்டும் பேச்சாலே போய்விட்டாள் என்னையும்

விட்டுவிட்டுக் காதலையும் விற்றுவிட்டு; நானும்தான்

விட்டுவிட்டேன் காதல் உணர்வு.

கவலை கரைசேரக் காணா வழிகள்

அவளை மறக்கவே அன்றாடம் பாக்களில்

மூழ்கியேப் பார்த்தும் முடியாமல் என்றுமே

ஆழ்கடல் போலவே ஆச்சு.

நேசமென்னும் மேகம் நெருங்கியதால் நித்தமும்

பாசமென்றே என்மீது பெய்திட்ட முத்தமழை;

நெய்வடியும் ஈறிதழால் நீலியின் பொய்க்கவிதை

மெய்யன்று *மெய்யின்* உணர்வு.

முதற்கா தலும்முதல் முத்தமும் உள்ளே

உதற முடியாமல் உட்கார்ந்து கொண்டு

பதற்றம் தருமென்று பட்டவர் சொல்லும்

விதம்மெய் எனவறிந்தேன் நான்.

குறிப்பு: *மெய்யின்*=உடலின்

(”மெய்யென்று மேனியை யார் சொன்னது?”)

”கவியன்பன்” கலாம், அதிராம்பட்டினம்

by kalamkadir Wed Feb 15, 2012 1:37 am

மெய்தீண்டு மைவிழியால் மெய்தீண்டி(ய) மைவிழியாள்

பொய்தீண்டும் பேச்சாலே போய்விட்டாள் என்னையும்

விட்டுவிட்டுக் காதலையும் விற்றுவிட்டு; நானும்தான்

விட்டுவிட்டேன் காதல் உணர்வு.

கவலை கரைசேரக் காணா வழிகள்

அவளை மறக்கவே அன்றாடம் பாக்களில்

மூழ்கியேப் பார்த்தும் முடியாம லென்றுமே

ஆழ்கடல் போலவே யாச்சு.

நேசமெனும் மேகம் நெருங்கியதால் நித்தமும்

பாசமென்றே என்மீது பெய்திட்ட முத்தமழை;

நெய்வடியும் ஈறிதழால் நீலியின் பொய்க்கவிதை

மெய்யன்று மெய்யி னுணர்வு.

முதற்கா தலும்முதல் முத்தம்

உதற முடியாம லுட்கார்ந்து கொண்டு

பதற்றம் தருமென்று பட்டவர் சொல்லும்

விதம்மெய் எனவறிந்தேன் நான்.

என்மனமின் னுமெதனையும் தாங்குமே

உன்மனம் தானே யுணருமே - பெண்மனம்

என்னும் புயல்தாக்கி இன்னும் கலங்காத

என்னு றுதியே சான்று

உன்மனம் உன்னை உறுத்தவேண்டு மென்றே

என்மனம் பாடுமிதனை வடித்தேன்

நன்றாய் இருப்பதாய் நாளும் எண்ணாதே

என்றேனும் என்மனம் தேடும்