சனிக்கிழமைகளில் விடுமுறை:வங்கிப் பணியாளர்கள் கோரிக்கை

**krishnaamma** · **krishnaamma** Tue Feb 14, 2012 9:34 pm

விருதுநகர்: வங்கிகளுக்கு சனிக்கிழமைகளில் விடுமுறை அளிக்க வேண்டும் என, அனைத்து வங்கி பணியாளர்கள் சங்கம் கோரிக்கை விடுத்துள்ளது.வங்கிகளுக்கு, தற்போது வாரத்தில் திங்கள் முதல் வெள்ளி வரை ஐந்து நாட்கள் முழு நாளும், சனிக்கிழமை அரை நாள் என வேலை நாட்கள் உள்ளன. இந்நிலையில், வங்கி பணியாளர்கள் சங்கத்தினர்," வாரத்தில் ஐந்து நாட்கள் முழு வேலை, சனிக்கிழமைகளை விடுமுறை தினமாக அறிவிக்க வேண்டும் என, மத்திய அரசுக்கு கோரிக்கை விடுத்துள்ளனர். தற்போது வங்கிகள் காலை 10 முதல் பிற்பகல் 2 வரையிலும், உணவு இடைவேளைக்குப் பின், மாலை 3 முதல் 5 மணி வரையும், சனிக்கிழமைகளில் காலை 10 முதல் பிற்பகல் 2 மணி வரை வேலை நேரமாக உள்ளது. சனிக்கிழமை விடுமுறை தினமாக அறிவிக்கப்பட்டால், அதற்கு பதிலாக , காலை 10 முதல் பிற்பகல் 2 மணி , பின், 3 மணி முதல் 5.30 வரை பணி நேரமாக அதிகரித்து கொள்ளலாம் என கேட்டுக் கொள்ளப்பட்டுள்ளது.வங்கிப் பணியாளர்களின் இந்தக் கோரிக்கையை மத்திய அரசும், இந்திய ரிசர்வ் வங்கியுள் பரிசீலித்து வருகின்றன.