கலாச்சாரத்தை கெடுக்கும் சூப்பர் சிங்கர்!

**T.N.Balasubramanian** · **T.N.Balasubramanian** Sat 16 Aug 2014 - 8:54

கலாச்சாரத்தை கெடுக்கும் சூப்பர் சிங்கர்!

ஐந்து வயது கூட நிரம்பாத குழந்தைகள், குமரிகளுக்கான விரக தாபத்துடன் ஐட்டம் பாடல்களைப் பாடுகிறார்கள். முக்கல் முனகல்களுடன் அபிநயிக்கிறார்கள். நடுவர்களை பார்த்து கண்ணடிக்கிறார்கள். இடுப்பைச் சுழற்றுகிறார்கள். இதனைப் பெற்றோர்கள் பார்த்து ஆர்ப்பரிக்கிறார்கள். நடுவர்கள், “உன் குரல்ல இன்னும் ஃபீல் பத்தல” என்று விமர்சிக்கிறார்கள். பத்து வயதுச் சிறுவன், பாடலை அவனது கேர்ள் பிரெண்டுக்கு அர்ப்பணிக்கிறான்.
•குழந்தைகளின் திறமையை அளக்கும் அளவுகோல் என்பது தற்போது ஆட்டமும், பாட்டமுமே. மகன்கள் தோல்வியடைந்தால் தாய்மார்கள் கண்ணீர் சிந்துகிறார்கள். மகள்கள் வெற்றி பெறவில்லையெனில் தந்தைகள் முனகுகிறார்கள். ஒருசில நிகழ்ச்சிகளில், ”நல்லா பாடலைன்னா அப்பா அடிப்பார்” என்றே கூட குழந்தைகள் வெளிப்படையாகக் கதறி இருக்கின்றன. பெற்றோர்கள் இந்த நிகழ்ச்சியை ஆரோக்கியமான போட்டியாகக் கண்டிப்பாக பார்ப்பதில்லை.
•குழந்தைகள் தோல்வியடைந்தால் அவர்கள் அழாவிட்டாலும் பெற்றோர்கள் அழுகிறார்கள். தோல்வியடைந்த தங்கள் குழந்தைகளைத் தேற்ற வேண்டிய பெற்றோர்களே, தேம்புவதைப் பார்த்து குழந்தைகள் திகைத்துப்போய் மிரண்டு நிற்கின்றன. சில ஆண்டுகளுக்கு முன்பு, இது போன்ற ரியாலிட்டி நிகழ்ச்சியிலிருந்து வெளியேற்றப்பட்டதற்காக மனமுடைந்து கோமா நிலைக்குச் சென்ற ஒரு சிறுமியைப் பற்றி கேள்விப்பட்டிருக்கலாம். இதன் மறுபக்கமாக, வெற்றி பெற்ற குழந்தைகளோ மாபெரும் வீரர்களாக சித்தரிக்கப்படுகின்றனர். வழிபட வேண்டிய பிம்பமாகக் காட்டப்படுகின்றனர். சாதிக்கவே முடியாததை சாதித்துவிட்டதாக இறுமாப்புக் கொள்கின்றனர். சினிமா ஸ்டாருக்கான அந்தஸ்தைப் பெற்றுவிட்டதாக மாயையில் உழலுகின்றனர். ஆனால், தாம் இருப்பது திரிசங்கு சொர்க்கம்தான் என்பதை இறுதிவரை அவர்களால் உணர முடிவதில்லை. ஆயினும் ஒரிரு ஆண்டுகளுக்குப் பிறகு தான் ஒரு சாதாரணன்தான் என்ற உண்மை யதார்த்தம் சுடும் போது குறிப்பிட்ட குழந்தைகளின் ஆளுமை வெகுவாகச் சிதைகிறது.
•விஜய் டிவியும், பெற்றோரும் சேர்ந்து கொண்டு குழந்தைப் பருவத்தை விட்டு துரத்தி இளம் பருவத்தினராக்கி விட விரும்புகிறார்கள். குழந்தைகள், பெரியவர்கள் போல் பேசுகிறார்கள். ஜோக் அடிக்கிறார்கள். ஆனால், குழந்தைகளாக நடிக்கிறார்கள். இந்த நிகழ்ச்சிக்காக அமைக்கப்படும் சுற்றுகளும் வயதுக்கு மீறியதாகவே இருக்கிறது. அதற்கேற்ப அவர்களது நடை, உடை, பாவனைகளும் மாறுகின்றது. குழந்தை உருவத்தில், பெரியவர்களுக்கான பாடல்களை பாடுகின்றனர். அங்க அசைவுகளை வெளிப்படுத்துகிறார்கள். சின்னஞ்சிறு வயதிலேயே வயதுக்கு மீறிய உடல் மொழி, உணர்வுகளை மெல்ல மெல்லக் கற்றுக் கொள்கிறார்கள்.

குழந்தைகளிடம் தாம் இப்படி, தகாத முறையில் பாலியலை அறிமுகப்படுத்தியதைப் பற்றி விஜய் டிவியோ அல்லது பெற்றோர்களோ கிஞ்சித்தும் கவலைப்படுவதில்லை. வெளிப்படையாக வல்லுறவு செய்தால்தான் பாலியல் வன்முறை என்பதில்லை. குழந்தைகளின் உணர்ச்சியை அளவு கடந்து தூண்டிவிடுதலும், குழப்புவதும் கூட பாலியல் வன்முறைதான்.

நன்றி -வினவு.

ரமணியன்

**T.N.Balasubramanian** · **T.N.Balasubramanian** Sat 16 Aug 2014 - 9:02

திறமையை கொண்டுவர வேண்டியது அவசியம்தான் .
ஆனால் இதுதானா முறை ?
போனமுறை இது போல் வெற்றி பெற்ற சிறுவன் ,சிறுமியை வைத்து
ஒரு சினிமாவில்ஒரு பாடலுக்கு பாட வைத்தோ , பாடி நடிக்க வைத்த மாதிரி
கேள்வி பட்டேன் . வருத்தப்பட்டேன் .(அதான் முடிந்தது !)

ரமணியன்

**ayyasamy ram** · **ayyasamy ram** Sat 16 Aug 2014 - 9:23

[You must be registered and logged in to see this image.]
-
கலாச்சாரமா...அப்படின்னா..?!
-

**T.N.Balasubramanian** · **T.N.Balasubramanian** Sun 17 Aug 2014 - 22:47

ayyasamy ram wrote:[You must be registered and logged in to see this image.]
-
கலாச்சாரமா...அப்படின்னா..?!
-

[You must be registered and logged in to see this link.]

அது சரி , அந்த குழந்தை போல் ,தேடித்தான் பார்க்கவேண்டும் போல் உள்ளது .
ரொம்ப தூரத்தில் காணாமல் போய் விட்டதோ ?

ரமணியன்

**அகிலன்** · **அகிலன்** Sun 17 Aug 2014 - 23:06

மதுபானக்கடைகள் திறந்து வைப்பதும் இப்படியான நிகழ்ச்சிகள் நடாத்துவதும் ஒன்றுதான், இரண்டுமே குழந்தைகளை சீரழிக்கும்.

**krishnaamma** · **krishnaamma** Sun 17 Aug 2014 - 23:40

//குழந்தைகளிடம் தாம் இப்படி, தகாத முறையில் பாலியலை அறிமுகப்படுத்தியதைப் பற்றி விஜய் டிவியோ அல்லது பெற்றோர்களோ கிஞ்சித்தும் கவலைப்படுவதில்லை. வெளிப்படையாக வல்லுறவு செய்தால்தான் பாலியல் வன்முறை என்பதில்லை. குழந்தைகளின் உணர்ச்சியை அளவு கடந்து தூண்டிவிடுதலும், குழப்புவதும் கூட பாலியல் வன்முறைதான்.//

ரொம்ப சரி யான வார்த்தைகள் ஐயா சோகம்

வருத்தமாக இருக்கு, எப்படித்தான் பெற்றவர்களே இதை ஆதரிக்கிரர்களோ எனக்கு புரியலை, ஏதோ என்னால் முடிந்தது நான் இது போன்ற நிகழ்ச்சிகளை பார்ப்பது இல்லை சோகம்

ஏதோ நம்மால் ஆனது அவங்க ரேட்டிங் ஏறாமல் இருக்கும் என்னால் புன்னகை

**ayyasamy ram** · **ayyasamy ram** Sun 17 Aug 2014 - 23:57

கலாசார சீர் அழிவு பற்றி ரொம்ப அலட்டிக் கொள்ள
வேண்டியதில்லை என்பதே என் கருத்து...
-
இதெல்லாம் காலத்தின் கட்டாயம்.
விக்டோரியா மகாராணி காலத்தில் பெண்கள் உடை
கலாச்சாரம் பற்றி கூறுவார்கள்...அப்போது பெண்ணின்
கணுக்காலை பார்த்தாலே ஒரு ஆணுக்கு பாலுணர்வு
கிளர்ந்தெழுமாம்...
-
அப்படி கணுக்காலும் தெரியாத அளவுக்கு ஆடை கலாச்சாரம்
இருந்தது..
-
ஆனால் இப்போது..!
-
உணவு கலாச்சார மாற்றத்தால்
சிறுமிகள் 7 ம் வகுப்பு படிக்கும் போதே வயதிற்கு
வந்து விடுகிறார்கள்..
-

[You must be registered and logged in to see this image.]

பாரம்பரியமான குடும்ப பழக்க வழக்கங்களால்
தொன்னூறு சதவீத இளைஞர்கள் சீரழியாமல்
நம் கலாச்சாரத்தைக் காப்பாற்றித்தான் வருகிறார்கள்...
-

**T.N.Balasubramanian** · **T.N.Balasubramanian** Mon 18 Aug 2014 - 0:41

Quote :
கலாசார சீர் அழிவு பற்றி ரொம்ப அலட்டிக் கொள்ள
வேண்டியதில்லை என்பதே என் கருத்து... இதெல்லாம் காலத்தின் கட்டாயம். "Quote

புரியவில்லை ,ராம் .
US இல் பெற்றோருக்கும் குழந்தைகளுக்கும் ஒத்து போவதில்லை . 10 வயதில் இருந்தே , எதிரெதிர் எண்ணங்கள் , விவாதங்கள் , 18 வயதில் வீட்டை விட்டு தனி வாழ்க்கை . குட்டிசுவராகும் வாழ்க்கை . அமெரிக்க கலாச்சாரமாக இருந்து விட்டுப் போனால் பரவாஇல்லை .ஆனால் அதன் பாதிப்பு இங்கு வாழும் இந்திய குடும்பத்திலும் பரவ ஆரம்பித்து உள்ளது . இவைகளின் வழியே இந்தியாவிலும் இதன் தாக்கம் தெரிகிறது .
சமிபத்தில் எடுத்த சர்வே பிரகாரம் , மணம் முடித்த பின் , மற்ற ஆண்களுடன் உறவு வைத்து கொள்வதில் தவறில்லை என்று 38 % பெண்கள் நினைக்கிறார்களாம் . ஆனாலும், கணவனை தவிர ,மனதிற்கு இசைந்த வேறு ஒரு ஆணுடன் மட்டும், வேண்டும் போது மட்டும் உறவு வைத்துக் கொண்டு , கணவருடன் குடும்பம் நடத்துவதே நல்லது என்று அந்த 38 % இல் , பெரும்பாலோர் கருதுகிறார்களாம் .

சமிபத்தில் பயணம் சென்று வந்த பஹாமாசில் , அரசாங்கத்தின் பெரிய தலைவலியே , unwed mothers . கன்னித்தீவு என்ற பெயர் இந்த நாட்டிற்கே மிகவும் பொருந்தும் .

எனக்கு தெரிந்த வினோத சம்பவங்கள் உண்டு .

அதிர்ச்சிதான் மிஞ்சுகிறது .

ரமணியன்

ரமணியன்

**ayyasamy ram** · **ayyasamy ram** Mon 18 Aug 2014 - 2:09

உன் கண்ணில் நீர் வழிந்தால் கண்ணம்மா
என் கண்ணில் உதிரம் கொட்டுதடி -

-
என பாசமுடன் வாழ்ந்த பல தம்பதிகளைப் பார்த்த

தலைமுறை நம்முடன் போய் விடுமோ என்ற அச்சம்

எனக்கும் இருக்கிறது...
-

உன் குழந்தையும் என் குழந்தையும் நம்ம குழந்தைகளுடன்
விளையாடிக்கிட்டிருக்கு' னு கணவன், மனைவியிடம்
கூறுவதாக ஒரு நகைச்சுவை...
-
அந்த கலாச்சாரம் பரவ ஆரம்பித்தால் ஆச்சரியப்படுவதற்கில்லை..

-
குறிப்பு
-

பின்னூட்டத்தில் நாம் என்ன சொல்ல வருகிறோம்
என்பதை பிறர் சரிவர புரிந்து கொள்வார்களோ என்ற
அச்சமும் இருப்பதாலேயே பலர் தங்கள் கருத்தை
சொல்ல நாணுவதாக நினைக்கிறேன்..
-
மேலும் தமிழில் தட்டச்சு செய்ய முடியாததாலும்
இருக்கலாம்...
-

யினியவன் · யினியவன் Mon 18 Aug 2014 - 11:20

மாற்றங்கள் நல்லதுக்கு எனில் வரவேற்கலாம் - நல்லவை என்பதின் அர்த்தமே மாறிவிட்டதே என்ன செய்வது?

Sponsored content · Sponsored content

கலாச்சாரத்தை கெடுக்கும் சூப்பர் சிங்கர்!

கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

Re: கலாச்சாரத்தை கெடுக்கும் சூப்பர் சிங்கர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக