3 நாடுகள் கிரிக்கெட்: இலங்கைக்கு எதிரான நாளைய போட்டியில் இந்தியா 'ஹாட்ரிக்' வெற்றி பெறுமா?

First topic message reminder :

அடிலெய்டு, பிப். 13-
இந்தியா, ஆஸ்திரேலியா, இலங்கை ஆகிய 3 நாடுகள் இடையேயான கிரிக்கெட் போட்டி ஆஸ்திரேலியாவில் நடைபெற்று வருகிறது. இதில் ஒவ்வொரு அணியும், மற்ற அணிகளுடன் தலா 4 முறை மோத வேண்டும். புள்ளிகள் அடிப்படையில் முதல் இரண்டு இடங்களை பிடிக்கும் அணிகள் இறுதிப் போட்டிக்கு தகுதி பெறும்.

நேற்றுடன் 4 'லீக்' ஆட்டங்கள் முடிந்து விட்டன. ஆஸ்திரேலியாவும், இந்தியாவும் 3 ஆட்டத்தில் விளையாடி 2 வெற்றி, ஒரு தோல்வியுடன் உள்ளன. போனஸ் புள்ளி மூலம் ஆஸ்திரேலியா 9 புள்ளியுடன் முன்னிலையில் உள்ளது. இந்தியா 8 புள்ளியுடன் 2-வது இடத்தில் உள்ளது. இலங்கை தான் மோதிய 2 ஆட்டத்திலும் தோற்று புள்ளி எதையும் பெறவில்லை.

3 நாடுகள் போட்டியின் 5-வது 'லீக்' ஆட்டம் அடிலெய்டில் நாளை நடக்கிறது. இதில் இந்தியா - இலங்கை அணிகள் மோதுகின்றன.

இந்தப் போட்டித் தொடரில் இந்தியா முதல் ஆட்டத்தில் ஆஸ்திரேலியாவிடம் 65 ரன்னில் தோற்றது. பின்னர் இலங்கையை 4 விக்கெட்டில் வென்றது. நேற்றைய ஆட்டத்தில் ஆஸ்திரேலியாவை 4 விக்கெட்டில் வென்றது. இதனால் இந்தியா 'ஹாட்ரிக்' வெற்றி பெறுமா? என்று அனைவராலும் ஆவலுடன் எதிர்பார்க்கப்படுகிறது.

நேற்றைய ஆட்டத்தில் இந்தியாவின் பேட்டிங் சிறப்பாக இருந்தது. கேப்டன் டோனி, காம்பீர், ரெய்னா, ரோகித் சர்மா ஆகியோர் நன்றாக விளையாடினார்கள். இதே மாதிரியான ஆட்டம் நீடிக்க வேண்டும்.

சுழற்சி என்ற அடிப்படையில் நாளைய ஆட்டத்தில் ஷேவாக்குக்கு ஓய்வு கொடுக்கப்படும் என்று தெரிகிறது. அவருக்குப் பதிலாக தெண்டுல்கர் களம் இறங்குவார். பந்து வீச்சை பொறுத்தவரை மாறுதல் இருக்காது என்றே தெரிகிறது.

பிரவீண் குமாரை விட உமேஷ் யாதவும், வினய் குமாரும் நன்றாகவே பந்து வீசுகிறார்கள். இலங்கை அணி தொடர்ந்து 2 ஆட்டங்களில் தோற்றதால் தோல்விக்கு முற்றுப்புள்ளி வைக்க போராடும். அதோடு இந்தியாவுக்கும் பதிலடி கொடுக்க காத்திருக்கிறது.

அந்த அணியின் கேப்டன் ஜெயவர்த்தனே, முன்னாள் கேப்டன்கள் சங்ககரா, தில்சான் மற்றும் சண்டிமால் போன்ற சிறந்த பேட்ஸ்மேன்களும், மலிங்கா, குலசேகரா போன்ற சிறந்த பவுலர்களும் உள்ளனர்.

இந்திய நேரப்படி காலை 8.50 மணிக்கு போட்டி தொடங்குகிறது. தூர்தர்சன், ஸ்டார் கிரிக்கெட் சேனல்களில் இப்போட்டி நேரடியாக ஒளிபரப்பு செய்யப்படுகிறது.

மாலைமலர்

உமா wrote:

மகா பிரபு wrote:Going back to the 30th over, it was scored as a five-ball over. Did the umpires miss out that one ball? It still is a mystery.

அதாவது 30 வது ஓவர்ல 5 பால் மட்டும் தான் போட்டு இருக்காங்க

அப்படியா....இப்போ என்ன நிலவரம்.

அவ்வளவுதான் .

இது போல ஏற்கனவே நடந்து இருக்கு . 2007 உலக கோப்பை போட்டியில் இது போல தான் இங்கிலாந்து அணிக்கு எதிராக 5 பந்து மட்டுமே வீசப்பட்டது. அந்த போட்டியில் 1 ரன் வித்தியாசத்தில் இங்கிலாந்து தோல்வி அடைந்தது.

அந்த போட்டியில் பந்து வீசிய அணி இதே இலங்கை தான். பந்து வீசியவர் ஜெயசூர்யா.

மொள்ளமாரி பசங்க.