சென்னை விழா - ஏற்புரைக் கவிதை

First topic message reminder :

சென்னை விழா – ஏற்புரைக் கவிதை
Dr. சுந்தரராஜ் தயாளன்
அன்புள்ள பெரியோரே, அறிவுசார் நடுவர்களே
என்னருமைக் கவிஞர்களே, ஈகரையின் உறவுகளே
இங்குவந்து உம்மெதிரே இருப்பதின் காரணியே
தங்குதடை இல்லாநம் தகைசால் ஈகரையே.
எங்கெங்கோ வாழ்ந்தாலும், எப்படியோ இருந்தாலும்
சங்குசுட்ட வெண்மைநிறம் தருகின்றோம் ஈகரையில்
வெண்மையென நானிங்கு வெளிப்படையாய்ச் சொல்வது
என்னையும் சேர்த்துத்தான்...என்னுளத்தைத் தான்சொன்னேன்!
சாதிமத பேதமில்லை, சாத்திரச்சண் டைகள்என்னும்
பேதிதரும் விடமில்லை, போரிடுவார் யாருமில்லை
ஆதிமுதல் இன்றுவரை அரவணைத்து அன்புடனே
நீதிநெறி நிலைநிறுத்தி நடாத்துகிறார் ஈகரையை
நீதிநெறி நிலைநிறுத்தி நடாத்துகிறார் சிவாஅவர்கள்
மூன்றுமா தங்கள்முன்பு முனைந்த ஓர்நிகழ்வதனை
ஈன்றுநான் உங்கள்முன் இயம்பிட உவகைகொண்டேன்
கருநாடக மாநிலத்தில் கடற்கரை ஓரமாக
உருவான ஊர்களிலே ஒப்பிலா ஓர்நகராம்
உடுப்பியின் கடற்கரையில் உள்ளதோர் சிறுதீவு
அடுக்கி வைத்தார்ப்போல் அழகிய கற்களுண்டு!
படிப்பதற்கும், வகையாய் பார்த்ததனைப் படமாகப்
பிடிப்பதற்கும் போனேன்நான், பின்னிய கால்கள்
தடுக்கிடவே தவறியே விழுந்தேன் தலைகீழாய்
பிடிப்பதற்கு ஏதுமில்லை, பின்புறமாய் விழுந்தாலும்
இடுக்கிபோல் ஓர்குழியில் இருதோளும் தான்பதிய
ஒடிந்தது ஒருகால்த்தான், ஒன்றுமிலை எந்தலைக்கு
அடுத்தவோர் முன்றுமாதம் அடங்கினேன் வீட்டினுள்ளே
படுத்தபடி மடிக்கணினி பார்த்தபடி நானிருந்தேன்
மனைவியின் கைப்பிடித்து மகிழ்ந்தது ஒர்காலம்-இன்றோ
துணைவியே இத்தடிதான்.....துயரத்தில் உள்ளேன்நான்!
இணைவி என்றெல்லாம்.....இல்லாத ஏழைநான்!!
இப்படி இருந்துதான் இயங்கினேன் ஈகரையில்
எப்படியோ நோவுடனே எழுதினேன் கவிதைகளை
தப்படியைத் தராமல்நல்ல தரமானதிரிகள் செய்தேன்
அப்படியே “பொழுதைக்கழிக்க அழகாய்ஓர் வழி”யும்கண்டேன்
இன்றுநான் உங்கள்முன்னோர் ஈகரையின் சிறப்புக்கவி
என்றும்நான் எழுதிடுவேன் எழில்மரபில் எளிமையுடன்
நன்றியுடன் நானிருப்பேன் நற்கவிகள் தான்தருவேன்
நன்றி ...... வணக்கம்.

பிஜிராமன் wrote:மிக மிக அருமையான கவிதை ஐயா.........

உங்கள் உரையில் கேட்கும் பொழுது, உங்கள் குரலில் சிறப்பாக இருந்தது.......எழுத்தில் நிறுத்தி நிறுத்தி விரும்பி விரும்பி ருசித்து படிக்கலாம்.
மிக்க நன்றிகள் ஐயா......

மிகவும் நன்றி தம்பி இராமன். ஈகரை நூலகத்தில் உங்கள் போடோ பார்த்தேன். அருமை.

ஜாஹீதாபானு wrote:சூப்பர் சூப்பர் அண்ணா

நன்றி பானு அவர்களே

ஏற்புரை கவிதை அனைவரின் மனதையும் கவர்ந்து விட்டது அய்யா..!

சதாசிவம் wrote:அருமையான கவிதை அய்யா, உங்கள் உடல் நலம் வலம் பெற வாழ்த்துகள்

நற்றமிழ் நறுந்தேன் நவிலும் நாயகன்
பெற்ற ஈகரை பெற்றது பேறு

கற்றறிந் தறிவு கலந்தும் கவிதை
கற்றவர் கடலே காணுவார் காண்

நன்/றி சொல்/லியே நா/னுமை வாழ்த்/துவேன்
இன்/று முதல்/நாம் இணைந்/தே எழு/துவோம்!

நன்/று மர/பினில் நல/மாய் எழு/துதல்
என்/றும் இனி/மை என்/பதை அறி/வோம்!!