சென்னை விழா - ஏற்புரைக் கவிதை

**Dr.சுந்தரராஜ் தயாளன்** · 03/09/2011

சென்னை விழா – ஏற்புரைக் கவிதை
Dr. சுந்தரராஜ் தயாளன்
அன்புள்ள பெரியோரே, அறிவுசார் நடுவர்களே
என்னருமைக் கவிஞர்களே, ஈகரையின் உறவுகளே
இங்குவந்து உம்மெதிரே இருப்பதின் காரணியே
தங்குதடை இல்லாநம் தகைசால் ஈகரையே.
எங்கெங்கோ வாழ்ந்தாலும், எப்படியோ இருந்தாலும்
சங்குசுட்ட வெண்மைநிறம் தருகின்றோம் ஈகரையில்
வெண்மையென நானிங்கு வெளிப்படையாய்ச் சொல்வது
என்னையும் சேர்த்துத்தான்...என்னுளத்தைத் தான்சொன்னேன்!
சாதிமத பேதமில்லை, சாத்திரச்சண் டைகள்என்னும்
பேதிதரும் விடமில்லை, போரிடுவார் யாருமில்லை
ஆதிமுதல் இன்றுவரை அரவணைத்து அன்புடனே
நீதிநெறி நிலைநிறுத்தி நடாத்துகிறார் ஈகரையை
நீதிநெறி நிலைநிறுத்தி நடாத்துகிறார் சிவாஅவர்கள் மகிழ்ச்சி

மூன்றுமா தங்கள்முன்பு முனைந்த ஓர்நிகழ்வதனை
ஈன்றுநான் உங்கள்முன் இயம்பிட உவகைகொண்டேன்
கருநாடக மாநிலத்தில் கடற்கரை ஓரமாக
உருவான ஊர்களிலே ஒப்பிலா ஓர்நகராம்
உடுப்பியின் கடற்கரையில் உள்ளதோர் சிறுதீவு
அடுக்கி வைத்தார்ப்போல் அழகிய கற்களுண்டு!
படிப்பதற்கும், வகையாய் பார்த்ததனைப் படமாகப்
பிடிப்பதற்கும் போனேன்நான், பின்னிய கால்கள்
தடுக்கிடவே தவறியே விழுந்தேன் தலைகீழாய்
பிடிப்பதற்கு ஏதுமில்லை, பின்புறமாய் விழுந்தாலும்
இடுக்கிபோல் ஓர்குழியில் இருதோளும் தான்பதிய
ஒடிந்தது ஒருகால்த்தான், ஒன்றுமிலை எந்தலைக்கு
அடுத்தவோர் முன்றுமாதம் அடங்கினேன் வீட்டினுள்ளே
படுத்தபடி மடிக்கணினி பார்த்தபடி நானிருந்தேன்
மனைவியின் கைப்பிடித்து மகிழ்ந்தது ஒர்காலம்-இன்றோ
துணைவியே இத்தடிதான்.....துயரத்தில் உள்ளேன்நான்!
இணைவி என்றெல்லாம்.....இல்லாத ஏழைநான்!!
இப்படி இருந்துதான் இயங்கினேன் ஈகரையில்
எப்படியோ நோவுடனே எழுதினேன் கவிதைகளை
தப்படியைத் தராமல்நல்ல தரமானதிரிகள் செய்தேன்
அப்படியே “பொழுதைக்கழிக்க அழகாய்ஓர் வழி”யும்கண்டேன்
இன்றுநான் உங்கள்முன்னோர் ஈகரையின் சிறப்புக்கவி
என்றும்நான் எழுதிடுவேன் எழில்மரபில் எளிமையுடன்
நன்றியுடன் நானிருப்பேன் நற்கவிகள் தான்தருவேன்
நன்றி ...... வணக்கம்.
:வணக்கம்:

**இளமாறன்** · **இளமாறன்** Mon 13 Feb 2012 - 22:57

ஏற்புரை கவிதை அருமை ..

ஈகரை அனைவரையும் வரவேற்றாலும் கவிஞர்களை அதிகம் வளர்க்க தவறியது இல்லை

அருமையான புகை படங்கள் அதுவும் முதல் படங்கள் அழுத்க்தினேன் வி. பொ. ப

இந்த பதிவைத் துவங்கியவர் நன்றி கூறியுள்ளார் இளமாறன்

**ரா.ரா3275** · **ரா.ரா3275** Mon 13 Feb 2012 - 23:11

அய்யா...உங்கள் கவிதை உள்ளத்தைக் காட்டியது...இரண்டு உயர்வானது என்பது தெரிந்தது...
படங்கள் பகிர்விற்கு நன்றி அய்யா...

பாலாஜி · பாலாஜி Mon 13 Feb 2012 - 23:19

அருமையான கவிதை அய்யா ..

புகைப்பட பகிர்வுக்கு மிக்க நன்றி ... மகிழ்ச்சி

கார்த்திக்.எம்.ஆர் · 26/11/2011

அருமை ஐயா

படங்களைப் பகிர்ந்தமைக்கு மிக்க நன்றி ஐயா.. புன்னகை

**சிவா** · **சிவா** Mon 13 Feb 2012 - 23:21

ஏற்புரைக் கவிதைக்கும், புகைப்படங்களுக்கும் நன்றி அண்ணா!

கார்த்திக்.எம்.ஆர் · 26/11/2011

அருமை ஐயா

படங்களைப் பகிர்ந்தமைக்கு மிக்க நன்றி ஐயா.. புன்னகை

**Dr.சுந்தரராஜ் தயாளன்** · 03/09/2011

கார்த்திக்.எம்.ஆர் wrote:அருமை ஐயா
படங்களைப் பகிர்ந்தமைக்கு மிக்க நன்றி ஐயா..

நன்றி கார்த்திக் தம்பி....என் தம்பியிடம் கெமெரா கொடுத்து படம் எடுக்கச் சொன்னது தவறாய் விட்டதே சோகம்

உங்களின் படம், தம்பி இராமன் மற்றும் கோவிந்தராசு, அய்யம் பெருமாள் படங்கள் இல்லையே சோகம்

வருந்துகிறேன் .

**இளமாறன்** · **இளமாறன்** Mon 13 Feb 2012 - 23:54

தற்சமயம் போட்டோ தெரியாதவர்களுக்காக ஈகரை நூலகத்தில் பதிந்து உள்ளேன்

http://eegarai.com/ebooks/?p=1401 பார்க்க

பார்த்துவிட்டு தங்கள் கருத்துக்களை சொல்லுங்கள் அன்பு மலர்

நன்றி

சார்லஸ் mc · சார்லஸ் mc Tue 14 Feb 2012 - 0:01

ஏற்புரைக்கவிதை அருமையாக உள்ளது ஐயா. சென்னை விழா - ஏற்புரைக் கவிதை 677196

அதே சமயம் புகைப்படங்களின் கீழ் யாா் என்பதினை அறிய அவா்களின் பெயரையும் குறிப்பிட்டிருந்தால் சிறப்பாக இருந்திருக்கும். சென்னை விழா - ஏற்புரைக் கவிதை 678642