பிரிந்து வாழும் மனைவிக்கு கணவர் வீட்டில் வசிக்க உரிமை உண்டு

**சிவா** · **சிவா** Mon Feb 13, 2012 12:10 pm

`பிரிந்து வாழும் மனைவிக்கு கணவர் வீட்டில் வசிக்க உரிமை உண்டு' என்று ஒரு வழக்கில் சுப்ரீம் கோர்ட்டு பரபரப்பு தீர்ப்பு வழங்கி உள்ளது.

மாஜிஸ்திரேட்டு கோர்ட்டு உத்தரவு

டெல்லியை சேர்ந்தவர்கள் பனாட்-சவீதா. இவர்கள் கடந்த 1980-ம் வருடம், ஆகஸ்டு மாதம், 23-ந் தேதி திருமணம் செய்துகொண்டு தம்பதியராக வாழ்ந்தனர். அவர்களிடையே கருத்து வேறுபாடு ஏற்பட்டதை அடுத்து 2005-ம் ஆண்டு ஜுலை முதல் பிரிந்து வாழத் தொடங்கினர்.

2006-ம் ஆண்டு, நவம்பர் 29-ந் தேதி உள்ளூர் மாஜிஸ்திரேட்டு கோர்ட்டில் குடும்ப வன்முறை சட்டத்தின்கீழ் சவீதா ஒரு வழக்கு தாக்கல் செய்தார். அதை விசாரித்த மாஜிஸ்திரேட்டு, பிரிந்து போன மனைவி சவீதாவுக்கு கணவர் தனது வீட்டின் முதல் மாடியை ஒதுக்குவதுடன், மாதம் ரூ.6 ஆயிரம் ஜீவனாம்சம் தருமாறு உத்தரவிட்டார். அப்படி தர விரும்பாத பட்சத்தில் சவீதா வேறு வீடு பார்த்து குடியேற ஏற்ற வகையில் வாடகை என்ற பெயரில் ரூ.10 ஆயிரம் வழங்க வேண்டும் என்றும் உத்தரவில் கூறப்பட்டிருந்தது.

செசன்ஸ், ஐகோர்ட்டில் அப்பீல்

இதில் திருப்தி அடையாத சவீதா, செசன்ஸ் கோர்ட்டில் அப்பீல் செய்தார். அங்கு, குடும்ப வன்முறை சட்டம் அமலுக்கு வரும் முன்னரே அவர் தனது கணவரை பிரிந்து விட்டதால், அவரது கோரிக்கை ஏற்கத்தக்கதல்ல என்று கூறி அப்பீல் வழக்கு தள்ளுபடி செய்யப்பட்டது.

அதையடுத்து ஐகோர்ட்டில் மேல்முறையீடு செய்தார். அதை விசாரித்த ஐகோர்ட்டு, குடும்ப வன்முறைச்சட்டம் அமலுக்கு வருவதற்கு முன்பே கூட அவர் பிரிந்திருந்தாலும், அந்தச்சட்டம் இந்த வழக்கில் பொருந்தும் என கூறி தீர்ப்பு வழங்கியது. இதை ஏற்றுக்கொள்ளாத கணவர் பனாட், சுப்ரீம் கோர்ட்டில் அப்பீல் செய்தார்.

கணவர் வீட்டில் வசிக்க உரிமை...

அப்பீல் வழக்கை நீதிபதிகள் அல்டமாஸ் கபீர், ஜே. செலாமேஷ்வர் ஆகியோர் விசாரித்து வழங்கிய தீர்ப்பில் கூறி இருப்பதாவது:-

``குடும்ப வன்முறைச்சட்டம் அமலுக்கு வரும் முன்பாகவே அந்தப்பெண் பிரிந்து வாழ்ந்தாலும்கூட, அந்தச்சட்டத்தின்படி அவர் ஜீவனாம்சம் பெற உரிமை உண்டு. கணவரின் வீட்டில் வசிக்கும் உரிமையும் உண்டு. டெல்லி ஐகோர்ட்டு கூறிய தீர்ப்பு சரியானதுதான்.

இருப்பினும் எதிர்வழக்குதாரர் (சவீதா) தனது வீட்டில் வசிப்பதை வழக்குதாரர் ஏற்க மறுத்தால், அவர் மாற்று ஏற்பாடுகள் செய்துகொள்ள மாதம் ரூ.10 ஆயிரம் வழங்க வேண்டும் என்ற ஐகோர்ட்டு உத்தரவு மாதம் ரூ.4 ஆயிரம் வழங்க வேண்டும் என்ற அளவில் மாற்றி அமைக்கப்படுகிறது. மேலும் ஜீவனாம்சமாக மாதம் ரூ.10 ஆயிரம் வழங்க வேண்டும்.''

இவ்வாறு தீர்ப்பில் கூறப்பட்டுள்ளது.

தினதந்தி

இரா.பகவதி · இரா.பகவதி Mon Feb 13, 2012 12:24 pm

அண்ணா
அப்புறம் அவங்க எங்க போவாங்க பொறந்த வீட்டுக்கு போனாலும் பெற்றோருக்கு பாரம் , ஆனாலும் 25 வருஷம் வல்ந்ததுக்கு அப்புறம் என் இந்த விவாகரத்து எண்ட்ரூ தான் தெரிய வில்லை

பிரிந்து வாழும் மனைவிக்கு கணவர் வீட்டில் வசிக்க உரிமை உண்டு

பிரிந்து வாழும் மனைவிக்கு கணவர் வீட்டில் வசிக்க உரிமை உண்டு

Re: பிரிந்து வாழும் மனைவிக்கு கணவர் வீட்டில் வசிக்க உரிமை உண்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக