எடுத்து வந்தேன்-கொடுக்கவில்லை

**ரா.ரா3275** · **ரா.ரா3275** Mon 13 Feb 2012 - 12:27

First topic message reminder :

பிறைநிலாப் பள்ளியில்
குறையிலாக் கூட்டம்
குறையுமா நாட்டம்?

நான் வாழ்வது வங்கக்கரை
வந்திருப்பது ஈகரை
வணக்கம்.

அண்டபகிரண்டமே
ரெண்டாகத் துண்டாக உடைந்தாலும்
கொண்டாட வேண்டும் தமிழை

மொட்டாக-துளிர்ப்
பட்டாக-ஒரு
சிட்டாக-எனைப்
பறக்க விட்டா(க்)க

வான் தொட்டாலும்
மெட்டாலும்
'துட்'டாலும்
சிகரம் தொட்டாலும்

என் இரண்டு காலும்
தரையிலே
சத்தியம்-நேர்மை இரண்டும்
இருக்கும் என் உரையிலே

கைகளிரண்டு-கால்களிரண்டு
கண்களிரண்டு-செவிகளிரண்டு
நாசித் துளைகளிரண்டு -நான்
பேசும் மொழிகளிரண்டு

இப்படி எப்போதும்
இரண்டிரண்டாய் இருப்பதால்
எவருக்கும்
அரண்டு மிரண்டு இருக்க
அவசியமில்லை

ஆகவே உலகத் தமிழினமே
உனக்கும் சேர்த்து ஒரு செய்தி:

பார்வதி தெய்வம்
பெற்றப் பிள்ளைப்
பதுங்கி இருக்கிறான்
பாய்வான்-அவன்
பறக்க விடுவான்
தமிழ்க்கொடியை
பாதுகாத்திடுவான்-எம்
தமிழ்க்குடியை

கனவுகளுக்கு
றெக்கை முளைக்கும்
காலம் வரட்டும்-எங்கள்
கவிதைகளிலிருந்தும்
தோட்டாக்கள் பறக்கட்டும்
துப்பாக்கிகள் மலரட்டும்
துரோகங்கள் தெறிக்கட்டும்

சுயமரியாதைக்கே
சோறு போடுபவர்கள் நாங்கள்
எனவே
முள்ளிவாய்க்கால்-முல்லைப் பெரியாறு
இரண்டாலும்
முடங்கிவிடாது எங்கள் வரலாறு
எனவே
வேண்டாம் தகராறு

இதுதான் உன் களம்
இனிதான் உன் காலம்
தமிழா... நீ விளையாடு
தடைகளை உடைத்துக் களமாடு!

(என்றெல்லாம் எழுத்திதான் எடுத்து வந்திருந்தேன் நேற்று.
என்னமோ தெரியவில்லை மனநிலையில் சிறிது மாற்றம்-
மௌனமாகவே திரும்பிவிட்டேன்.
எனவேதான் இங்கு பதிவிட்டேன்.
இதில் வரும் 'நான்' எல்லாம் நானல்ல ...
நீ-நான்-நாம்)

**ரா.ரா3275** · **ரா.ரா3275** Mon 13 Feb 2012 - 21:52

Kaa Na Kalyanasundaram wrote:நண்பர் ரா.ரா அவர்களின் எழுச்சிமிகு கவிதை சிறப்பு. அவர் இதை வாசித்திருக்கலாம். விழா துவங்கியது காலம் தாமதம் தான். வெளியூர் உறவுகள் நேரத்தோடு செல்லவேண்டும் என்று ஆதிரா அவர்களும் விழாவை மாலை ஏழு மணிக்கு முன் முடித்துக்கொண்டார். ரா.ரா வின் கவிதை விழா மேடையில் பகிர முடியாமல் போனது வருத்தமாக உள்ளது. நானும் குறைந்தது முப்பது நிமிடமாவது பேச வேண்டும் என்றிருந்தேன். நேரம் கருதி சீக்கிரம் முடித்துக் கொண்டேன்.

விழா முடித்து உறவுகள் ரா.ரா, பி.ஜி.ராமன், தஞ்சை வாசன், உமா, ஜாகீதா பானு, இவர்களுடன் உரையாடியது மனதை விட்டாகலாது. உமா அவர்கள் அனைவரிடமும் நன்றாக பேசி பகிர்ந்தார் அவரது கருத்துக்களை.

அடுத்த விழா அல்லது ஈகரை பதிவர்கள் கவியரங்கம், கலந்துரையாடல் என எப்போது நடக்கும்? ஒவ்வொரு உள்ளமும் கேட்கும் கேள்விகள்! இதில் ரா.ரா முதலில் கவிதை படிக்க அழைப்பு விடுங்கள். நன்றி.

அய்யா...உங்களுக்கும் உங்கள் அன்பிற்கும் ஆயிரம் வணக்கங்கள்-நன்றிகள்...
இயல்பிலேயே எனக்குக் கொஞ்சம் சபை நடுக்கம்.
அதனால் எப்போதும் கொஞ்சம் தள்ளி நின்று ரசிப்பதில்தான் விருப்பம்.
எனவேதான்,ஏதோ ஒரு சிந்தனையில் வாசிக்காமல் வந்துவிட்டேன்...
திருமதி.ஆதிரா அவர்களும் என்னிடம் இரண்டு மூன்று முறைக் கேட்டார்.நான்தான் கூச்சத்தில் மறுதலித்தேன்.வேறு காரணங்கள் இல்லை.

அனைத்து ஈகரை உறவுகளின் சந்திப்பும் அப்படியே அடி மனசில் அப்பிக் கிடக்கிறது.கிடக்கும்.

நன்றி.

**ரா.ரா3275** · **ரா.ரா3275** Mon 13 Feb 2012 - 21:55

அருண் wrote:
நான் வாழ்வது வங்கக்கரை
வந்திருப்பது ஈகரை
வணக்கம்.

முறையான வணக்கத்துடன் எழுதி கவிஞ்சர் என்று நிலை நிறுத்தி விட்டீர்கள் மிகவும் அற்புதம் அண்ணா..!

நன்றி தம்பி...'கவிஞ்சர்' என்று நீங்களும் என்னைப் பஞ்சராக்க வேண்டாம்...ஹாஹா...

**ரா.ரா3275** · **ரா.ரா3275** Mon 13 Feb 2012 - 21:58

ஜாஹீதாபானு wrote:ஹேய் ......உங்க பெயர் மாறிவிட்டது

பெயர் மாறவில்லை ...விரிந்திருக்கிறது...

dhilipdsp · dhilipdsp Sun 19 Feb 2012 - 20:21

**ரா.ரா3275** · **ரா.ரா3275** Sun 19 Feb 2012 - 23:47

நன்றி திலீப்...

Sponsored content · Sponsored content

எடுத்து வந்தேன்-கொடுக்கவில்லை

எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

Re: எடுத்து வந்தேன்-கொடுக்கவில்லை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக