ஒரு அணையப்போகும் மெழுகுவர்த்தி

by கவினா Sun Feb 12, 2012 8:59 pm

பூவாக பொறந்திருந்தா
பூமியில எடமிருக்கும்
பொண்ணாக பொறந்ததால
போய் வாடி கன்னுக்குட்டி.

திண்ணையில எடுத்துவச்ச
கள்ளிப்பால குடிச்சுப்புட்டு
சின்ன மூச்சே நின்னுபோடி.
சீக்கிரமா செத்துபோடி.

மூணுமணிநேரமுன்னே
பூமிக்கு வந்தவளே!
மூணுகிலோ எடையிருக்க
மொடமின்றி பொறந்திருக்க.

மொகராசி பரவால்ல
மூக்குநுனியும் பரவால்ல
மகராசி நீ பொறந்த
நேரந்தான் நல்லால்ல

பொட்டக்கோழி பொறந்துச்சுன்னா-கூடை
போட்டு பொத்தி வப்போம்.
பொட்டமாடு பொறந்துச்சுன்னா
பொங்க வச்சு பூச வப்போம்.

வந்ததுமே போறதுக்கு
என்னவரம் வாங்கி வந்த?
பொல்லாத பூமிக்கு
பொம்பளயா ஏண்டி வந்த?

வேறேது கிரத்தில்
பொறந்திருக்க கூடாதா?
நம்ம வீட்டு நாயாக - நீ
இருந்திருக்க கூடாதா?

எறும்பாக புழுவாக
எதுவாக பொறந்தாலும்
நல்லாத்தான் பொளச்சிருப்ப
நாயாக இருந்தாலும்.

அடுத்தமுறை பூமி வந்தா
ஆம்பளயா வந்து சேரு.
அப்படியும் முடியலன்னா
ஆடுமாடா வரப்பாரு..

by **ரா.ரா3275** Sun Feb 12, 2012 9:13 pm

அடடா...அடக்க முடியாதக் கண்ணீரை அழுகை

அத்துணை வார்த்தைகளும் வரவைக்கிறது சுந்தரபாண்டி...
அதிலும் 'ஆடுமாடா வரப்பாரு' சொல்லாட்சி அற்புதம்...அற்புதம்... மகிழ்ச்சி

வாழ்த்துகள் சுந்தரபாண்டி... அன்பு மலர்

by அதி Sun Feb 12, 2012 9:19 pm

by இரா.பகவதி Sun Feb 12, 2012 11:09 pm

அண்ணா அருமையான கவிதை

by கவினா Tue Oct 23, 2012 10:55 pm

ரா.ரா3275 wrote:அடடா...அடக்க முடியாதக் கண்ணீரை அத்துணை வார்த்தைகளும் வரவைக்கிறது சுந்தரபாண்டி...
அதிலும் 'ஆடுமாடா வரப்பாரு' சொல்லாட்சி அற்புதம்...அற்புதம்...

வாழ்த்துகள் சுந்தரபாண்டி...

நன்றி நண்பரே

வாஞ்சையுடன் சுந்தரபாண்டி

by கவினா Tue Oct 23, 2012 11:00 pm

இரா.பகவதி wrote:அண்ணா அருமையான கவிதை

நன்றி நண்பரே

வாஞ்சையுடன் சுந்தரபாண்டி

by சென்னையன் Wed Oct 24, 2012 12:15 am

இன்று முத்ல் உங்கள் ரசிகன் நான்.உங்கள் கவிதையின் பாதிப்பில் நான்.

by கவினா Wed Oct 24, 2012 12:23 am

சென்னையன் wrote:இன்று முத்ல் உங்கள் ரசிகன் நான்.உங்கள் கவிதையின் பாதிப்பில் நான்.

நன்றி நண்பரே

வாஞ்சையுடன் சுந்தரபாண்டி

by sureshyeskay Wed Oct 24, 2012 9:38 am

ஓரினபெருக்கு (asexual propagation ) என்ற ஆதி முறையிலிருந்து ஆண் பெண் என பரிணாமம் பெற்று வந்துள்ளோம். இதனால் இயற்கையில் போராடி ஜெயிக்ககூடிய genotype மற்றும் phenotype களை அடைந்துள்ளோம். இனி reverse gear போட்டு பரமபதம் விளையாடி ஆரம்பித்த இடத்துக்கே போகவேண்டியதுதானே

by கவினா Wed Oct 24, 2012 11:00 am

sureshyeskay wrote:ஓரினபெருக்கு (asexual propagation ) என்ற ஆதி முறையிலிருந்து ஆண் பெண் என பரிணாமம் பெற்று வந்துள்ளோம். இதனால் இயற்கையில் போராடி ஜெயிக்ககூடிய genotype மற்றும் phenotype களை அடைந்துள்ளோம். இனி reverse gear போட்டு பரமபதம் விளையாடி ஆரம்பித்த இடத்துக்கே போகவேண்டியதுதானே

கருத்தைப் பதிவு செய்த நண்பருக்கு நன்றி

வாஞ்சையுடன் சுந்தரபாண்டி