மின்வெட்டு - தொடரும் பாதிப்பு! 250 கோடி நஷ்டம்!

முஹைதீன் · முஹைதீன் Sun Feb 12, 2012 6:45 pm

சேலம் தொடரும் பல மணி நேர
மின்வெட்டால் சேலம், நாமக்கல், தர்மபுரி, கிருஷ்ணகிரி மாவட்டங்களில்
தினமும் ரூ.250 கோடி அளவுக்கு உற்பத்தி பாதிக்கப்படுவதாக சிறு மற்றும் குறு
தொழிற்சாலைகள் சங்கங்கங்கள் தெரிவித்துள்ளது. தமிழகத்தில் அறிவிக்கப்படாத
தொடர் மின்வெட்டு காரணமாக தினமும் 8 மணி நேரத்துக்கும் மேல் மின்சப்ளை
பாதிக்கப்படுகிறது. இதனால் விவசாயிகள், தொழிலதிபர்கள், வணிக நிறுவனங்கள்,
நெசவு தொழில் என அனைத்து தரப்பினரும் பாதிப்படைந்துள்ளனர். தொடர்
மின்வெட்டை கண்டித்து மாநிலம் முழுவதும் பல இடங்களில் போராட்டம் வலுத்து
வருகிறது. கோவைக்கு அடுத்தபடியாக அதிகளவில் தொழிற்சாலைகள் உள்ள நகரமாக
கிருஷ்ணகிரி மாவட்டத்தில் உள்ள ஒசூர் நகரம் விளங்குகிறது. இங்கு பல முன்னணி
நிறுவனங்கள் உள்ளன. தொடர் மின்வெட்டால் தொழில் நிறுவனங்கள் பெரும் இழப்பை
சந்தித்து வருகின்றன.

இது குறித்து கிருஷ்ணகிரி மாவட்ட சிறு மற்றும் குறு தொழிற்சாலைகள்
சங்க தலைவர் ஏகம்பவாணன் கூறுகையில், கிருஷ்ணகிரி மாவட்டத்தில் 1200க்கும்
மேற்பட்ட சிறு மற்றும் குறு தொழிற்சாலைகள் இயங்கி வருகின்றன. பெரும்பாலான
தொழிற்சாலைகள் ஆர்டரின் பேரில் இயந்திர தளவாட உதிரி பாகங்கள் உற்பத்தி
செய்து சப்ளை செய்கின்றன. தற்போது அறிவிக்கப்படாத மின்வெட்டால்
தொழிற்சாலைகளை தொடர்ச்சியாக இயக்க முடியவில்லை. மின்வெட்டால் கிருஷ்ணகிரி
மாவட்டத்தில் மட்டும் தினமும் ரூ.200 கோடி மதிப்பிலான உற்பத்தி
பாதிக்கப்படுகிறதுÕ என்றார்.

சேலம் மாவட்டத்தில் தொடர் மின்வெட்டால் ஒரு லட்சம் விசைத்தறி, 50
ஆயிரத்துக்கும் மேற்பட்ட வெள்ளி நகை உற்பத்தி செய்யும் குறு தொழிற்சாலை, 2
ஆயிரத்திற்கும் மேற்பட்ட வெல்டிங் வொர்க் ஷாப், 750க்கும் மேற்பட்ட சிறு
தொழில் நிறுவனங்கள், 400 சேகோ ஆலைகள், மேட்டூர், 5 ரோடு, கருப்பூர்,
அரியானூர், உடையாப்பட்டி ஆகிய இடங்களில் உள்ள சிட்கோ தொழிற்பேட்டைகள், 1500
கயிறு திரிக்கும் தொழிற்சாலைகள் ஆகியவை முடங்கியுள்ளன. சேலம் மாவட்டத்தில்
மட்டும் தினசரி ரூ.25 கோடி மதிப்பில் உற்பத்தி பாதிக்கப்பட்டுள்ளது என்று
சேலம் மாவட்ட சிறு மற்றும் குறு தொழிற்சாலைகள் சங்க தலைவர் மாரியப்பன்
தெரிவித்தார். சேலம், கிருஷ்ணகிரி, தர்மபுரி, நாமக்கல் மாவட்டங்களில்
மின்வெட்டால் நாளொன்றுக்கு ரூ.250 கோடி மதிப்பிலான உற்பத்தி
பாதிக்கப்படுகிறது என சிறு மற்றும் குறு தொழிற்சாலைகள் சங்கம்
தெரிவித்துள்ளது.

--- Dinakaran ---

**சிவா** · **சிவா** Sun Feb 12, 2012 7:23 pm

தமிழக மக்கள் தாமே முன்வந்து கூடங்குளம் அணு உலையைத் திறக்கச் சொல்லும் வரை இந்த மின்வெட்டுத் தொடரும். இதற்கு தமிழக அரசும் மத்திய அரசுக்குத் துணை நிற்கிறது.

தமிழகத்தில் உற்பத்தியாகும் மின்சாரத்தை வெளி மாநிலங்களுக்குக் கொடுக்காமல் தமிழகத்தில் மட்டும் பயன்படுத்தினால் மின்வெட்டே இருக்காது. இதனை தமிழக அரசுக்குப் புரிய வைக்க மக்கள் ஒன்றிணைந்து போராட வேண்டும்.

சார்லஸ் mc · சார்லஸ் mc Sun Feb 12, 2012 7:57 pm

சிவா wrote:தமிழக மக்கள் தாமே முன்வந்து கூடங்குளம் அணு உலையைத் திறக்கச் சொல்லும் வரை இந்த மின்வெட்டுத் தொடரும். இதற்கு தமிழக அரசும் மத்திய அரசுக்குத் துணை நிற்கிறது.

தமிழகத்தில் உற்பத்தியாகும் மின்சாரத்தை வெளி மாநிலங்களுக்குக் கொடுக்காமல் தமிழகத்தில் மட்டும் பயன்படுத்தினால் மின்வெட்டே இருக்காது. இதனை தமிழக அரசுக்குப் புரிய வைக்க மக்கள் ஒன்றிணைந்து போராட வேண்டும்.

மிகச் சாியாக சொன்னீா்கள்.

குடங்குளம் பிரச்சினையை களைய வழி தொியாத தமிழக அரசு, ஒட்டுமொத்த தமிழ கத்தை இப்படி தண்டிப்பது எந்த விதத்தில் நியாயம்?

நிா்வாக திறமையற்ற ஆட்சி...

எதிா்க்கட்சிகளை அடக்க முயற்சிக்க நினைக்கிற அரசு, கூடங் குள எதிா்ப்புகளை அடக்க இயலாதது கையாலாகத்த னத்தையே காட்டுகிறது.
கடந்த கால த்தில் எதிா்க்கட்சியாக இருந்த தற்போதைய ஆளுங்கட்சி, அப்போதைய மின்துறை அமைச்சரை ஆற்காடு வீராசாமியை துக்களக் பத்திாிக்கையில் கேள்வி மேல் கேள்வி கேட்டு துளைத்தெடுத்தது.

ஆட் சிக்கு இப்போது வந்ததும், இன்றைய ஆளுங்கட்சி, முந்தைய ஆட்சியினரைவிட மிக மோசமாக மின்சார தடையை ஏற்படுத்தி தரகிறது. கேட்டால் முந்தைய அரசு செய்த அவல நிலை என்று பழி போடுகிறது.

ஆனால், ஒன்று. கடந்த ஆட்சியாளரை ரொம்ப நல்லவராக்கிய பெருமை தற்போதைய முதல்வருக்கு பெரும் பங்குண்டு.

இதே நிலை தொடா்ந்தால் நிச்சயம் நீங்கள் கூறுகிற நிலை என்றாவத ஒரு நாள் நிச்சயம் வந்தே தீரும் என்பதில் சந்தேகமில்லை.

Sponsored content · Sponsored content

மின்வெட்டு - தொடரும் பாதிப்பு! 250 கோடி நஷ்டம்!

மின்வெட்டு - தொடரும் பாதிப்பு! 250 கோடி நஷ்டம்!

Re: மின்வெட்டு - தொடரும் பாதிப்பு! 250 கோடி நஷ்டம்!

Re: மின்வெட்டு - தொடரும் பாதிப்பு! 250 கோடி நஷ்டம்!

Re: மின்வெட்டு - தொடரும் பாதிப்பு! 250 கோடி நஷ்டம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக