வண்ணங்களும் பெண்களும்

by ஆளுங்க Sun Feb 12, 2012 6:32 pm

"எனக்கு மயிலிறகு பச்சை கலரில் தான் சுடிதார் வேண்டும்"

"உனக்கு கொஞ்சம் கூட கலர் சென்ஸே இல்லை. இது Baby Pink.. இது Onion pink. எப்படி ரெண்டுக்கும் மேட்ச் ஆகும்?"

"நல்லா தான் இருக்கு.. ஆனா, இதுவே கொஞ்சம் Magenta வா இருந்தா நல்லா இருந்திருக்கும்"

என்னங்க? உங்க வீட்டிலும் இப்படி கலர் தொடர்பான போராட்டங்கள் நடக்குதா?

வண்ணங்களும் பெண்களும் 10859872-blue-shades-of-crayons-ob-black-background

வண்ணங்கள் தொடர்புடைய துறைகளில் (ஜவுளி, ஓவியம்) வேலை செய்யும் ஆண்களைத்
தவிர பெரும்பாலான ஆண்களுக்கு வண்ணங்களின் பட்டியல் மிக குறைவு தான்.
இதனாலேயே, பலர் தங்கள் வீட்டுப் பெண்களுக்குத் துணி எடுக்கும் போது
அல்லல்படுகிறார்கள்!

வண்ணங்களைப்
பற்றிய ஆய்வு செய்த நிபுணர்கள் வண்ணங்களை ஆண்களும், பெண்கலும் எப்படி
பார்க்கிறார்கள் என்று ஒரு படத்தை வெளியிட்டு இருக்கிறார்கள்.. படம் இதோ:

சிவப்பு,
பச்சை, நீலம் ஆகிய மூன்று நிறங்களை மட்டுமே மனித கண்களால் காண முடிகிறது.
அவற்றின் கலவையே பிற நிறங்களாக மனிதர்களுக்குத் தெரிகிறன. அனைத்து
நிறங்களும் சேர்ந்த நிறம் வெள்ளையாகும், எதுவும் இல்லாதது கருப்பாகவும்
இருக்கும்.

ஆனால், நிறங்களைப் பிரித்தறிவதில் பெண்களுக்கு மட்டும் எப்படி இத்தனை திறன் இருக்கிறது?

மனிதர்களைப்
பாலின் அடிப்படியில் வேறுபடுத்திக் காட்டுவது நமது செல்களில் உள்ள
மரபுத்திரிகள் (chromosome). பெண்களுக்கு இரண்டு X வகை மரபுத்திரிகளும்,
ஆண்களுக்கு 1 யும், 1 Y வகை மரபுத்திரியும் இருக்கும்.

வண்ணங்களும் பெண்களும் Human-sex-chromosomes

நிறங்களைப் பிரித்தறிய உதவும் மரபணு X வகை மரபுத்திரியில் இருக்கிறது.
பெண்களுக்கு இரண்டு X மரபுத்திரிகள் இருப்பதால் தான், அவர்களால் மிகவும் நுணுக்கமாக நிறங்களைப் பிரித்தறிய முடிகிறது.

கொசுறுத் தகவல்:

நிறக்குருடு
நோய் பெண்களிடம் காணப்படாத்தற்குக் காரணமும் இதே தான். பாதிக்கப்பட்ட X
மரபுத்திரியினை உடைய ஆண், நிறக்குருடிற்கு ஆட்படுகிறான். பாதிக்கப்பட்ட X
மரபுத்திரியினை உடைய பெண்களோ, மற்றொரு X மரபுத்திரியினைக் கொண்டு
சமாளித்துக் கொள்கிறார்கள். (இரண்டு X மரபுத்திரிகளும் பாதிக்கப்படுவதற்கான
சாத்தியங்கள் மிகவும் குறைவு அல்லவா?)

எனது வலைப்பூவில் இருந்து மறுபதிப்பு செய்யப்பட்டது!

by மகா பிரபு Sun Feb 12, 2012 7:21 pm

தகவலுக்கு நன்றி அருண்.

ஒரு சிறிய சந்தேகம்

அதாவது அனைத்து வண்ணங்களும் சேர்ந்த கலவை தானே கருப்பு நிறம்?

by சார்லஸ் mc Sun Feb 12, 2012 7:39 pm

வாங்க ஆளுங்க. நலமாக இருக்கிறீா்களா?

எங்கு வெகு நாட்களாக உங்களைக் காணவில்லையே...

by இரா.பகவதி Sun Feb 12, 2012 11:15 pm

நன்றி

by **இளமாறன்** Sun Feb 12, 2012 11:30 pm

பெண்களிடம் பல சிறப்புகள் இருக்கின்றன நன்றி பகிர்வுக்கு அன்பு மலர்

by ரட்சகா Mon Feb 13, 2012 1:12 am

நல்ல பகிர்வு ...
இங்கே பதித்தமைக்கு நன்றி....

by ஆளுங்க Mon Feb 20, 2012 10:48 pm

மகா பிரபு wrote:
ஒரு சிறிய சந்தேகம்

அதாவது அனைத்து வண்ணங்களும் சேர்ந்த கலவை தானே கருப்பு நிறம்?

இல்லை... அனைத்தும் சேர்ந்தது வெள்ளை.
அதனால் தான் வெள்ளை ஒளியை ஒரு முப்படகத்தில் பிரிக்கும் போது பல வண்ணங்கள் வெளிப்படுகிறன!

ஒன்றும் இல்லாதது கருப்பு!

by ஆளுங்க Mon Feb 20, 2012 10:49 pm

பதிவைப் படித்து கருத்துரையிட்ட அனைவருக்கும் நன்றி!

by **சிவா** Tue Feb 21, 2012 11:50 am

பெண்கள் வர்ணங்களைப் பற்றிப் பேசும் பொழுது ஆச்சரியப்படுவேன், இவர்களுக்குத் தெரிந்தது நமக்குத் தெரியவில்லையே என்று வருத்தப்பட்டிருக்கிறேன், ஆனால் அனைத்து ஆண்களுமே இப்படித்தான் என்று அறிந்ததில் மகிழ்ச்சி. சிரி சிரி