அழிவை நோக்கி உப்புநீரை நன்னீராக்கும் திட்டம்

ராமநாதபுரம்:வறட்சி மாவட்டமான ராமநாதபுரம் மாவட்டத்தின் தண்ணீர் பற்றாக்குறையை போக்கும் விதத்தில், ரூ.56 கோடியில் கடல் நீரை நன்னீராக்கும் திட்டம், சாயல்குடி அருகே நரிப்பையூரில் 1996ல் முதல்வர் ஜெயலலிதாவால் அடிக்கல் நாட்டப்பட்டது. இரண்டு ஆண்டுகளில் உற்பத்தி துவக்கப்பட்டது. "தோஷியான்' என்ற நிறுவனம் பராமரிப்பு பணியை ஒப்பந்த அடிப்படையில் செய்து வருகிறது. ஆரம்பத்தில் 296 கிராமங்களுக்கு தண்ணீர் வழங்கப்பட்டது. மீஞ்சூரில் 1600 கோடியில் அமைக்கப்பட உள்ள பிளான்ட்டுக்கு முன்மாதிரி பிளான்ட் இதுதான். காவிரி கூட்டு குடிநீர் திட்டம் செயல்படுத்தப்பட்டபோதே, இத்திட்டம் நலிவடைய தொடங்கியது.
104 கிராமங்களுக்கு மட்டுமே தண்ணீர் சப்ளை செய்யப்படுகிறது. ஊராட்சிகளுக்கு அமைக்கப்பட்ட குழாய்களை குடிநீர் வாரியம் சீரமைக்கவில்லை. காவிரி நீர் வந்ததால், இந்த நீரை பயன்படுத்துவோர் குறைவு. இதனால் ஊராட்சிகளும் வரி கட்ட மறுக்கின்றனர், என்று தண்ணீர் பெறும் ஊராட்சிகளை குறைத்துக் கொண்டே வருகிறது, நரிப்பையூர் முன்னாள் ஊராட்சித்தலைவர் சேர்மக்கனி: இரண்டு "பிளான்டில், ஒன்று மட்டுமே செயல்படுகிறது. குழாய்களை சீரமைப்பதில்லை. இதனாலேயே ஊராட்சிகள் தண்ணீரை வேண்டாம் என்று எழுதி கொடுத்து வருகின்றன. முன்பு காவிரி கூட்டுக்குடிநீர் தினமும் வந்து கொண்டிருந்தது.
தற்போது மூன்று நாட்களுக்கு ஒரு முறை வந்தாலும், குறைந்த அளவே வருகிறது. கடல் நீரை குடிநீராக்கும் திட்டத்தை முறையாக செயல்படுத்த அரசு நடவடிக்கை எடுக்க வேண்டும், என்றார். கடல்நீரை குடிநீராக்கும் திட்ட உதவி செயற்பொறியாளர் கணேசன் : காவிரி தண்ணீரும், இந்த தண்ணீரும் சேர்ந்து வருவதால் பலர் வேண்டாம் என்று எழுதி கொடுத்து விட்டனர். 31.3.2012 வரை மட்டுமே இதன் வேலைக்கான ஒப்பந்தம் உள்ளது. அதன்பிறகு பிளான்ட்டை இயக்குவதா? நிறுத்துவதா? என்பதை அரசுதான் முடிவு செய்ய வேண்டும், என்றார்.

தினமலர்

ஜெ . அவர்களின் அடாவடி போக்கால் நாடு எங்கேயோ போயிட்டிருக்கு.. ஆனா பாருங்க இன்னைக்கு தமிழகம் தான் தொழில் துறைக்கு உகந்த மாநிலம்ன்னு ஜப்பான் காரன் கிட்டா டக்கால்டி விட்டுக்கிட்டு இருக்காங்க

அசுரன் wrote:ஜெ . அவர்களின் அடாவடி போக்கால் நாடு எங்கேயோ போயிட்டிருக்கு.. ஆனா பாருங்க இன்னைக்கு தமிழகம் தான் தொழில் துறைக்கு உகந்த மாநிலம்ன்னு ஜப்பான் காரன் கிட்டா டக்கால்டி விட்டுக்கிட்டு இருக்காங்க

பின்னால ஏதாவது காரணம் இருக்கும் நண்பா

அசுரன் wrote:ஜெ . அவர்களின் அடாவடி போக்கால் நாடு எங்கேயோ போயிட்டிருக்கு..

எல்லா அரசியல்வாதிகளும் ஒரே குட்டையில் ஊறிய மட்டைகள் தான் . இவரை மட்டும் குறை சொல்லி என்ன பயன் .

பிரியாணிக்கும் பணத்திற்கும் ஆசைப்பட்டு ஓட்டு போடும் ஆட்டு மந்தைகள் இதையும் அனுபவித்து தான் ஆகவேண்டும்.