தமிழ் தாழ்ந்தது – நக்கீரர் கோபம்

**சாமி** · **சாமி** Mon Feb 13, 2012 6:12 pm

ஒருமுறை நக்கீரர் மதுரையில் பட்டி மண்டபத்தில் புலவர்களுடன் வீற்றிருந்த போது அந்த அவையில் குயக்கொண்டான் என்பான் ஒருவன் இருந்தான். அவன் எழுந்து ‘வடமொழியே உயர்ந்தது என்றும் தமிழ் தாழ்ந்தது என்றும் கூறினான். உடனே கோபம் வந்து விட்டது நக்கீரருக்கு. தமிழ் மொழியைத் தம் உயிரினும் மேலாகக் கருதியவர் அவர். தமிழின் தெய்வத்தன்மையும் அதன் பெருமைகளையும் அவரைப்போல அறிந்தவர் யார்?. சினம் தாளாமல்,

“முரணில் பொதியின் முதற்புத்தேள் வாழி
பரண கபிலரும் வாழி – அரணிய
ஆநந்த வேட்கையான் வேட்கோ குயக்கொண்டான்
ஆநந்தம் சேர்க சிவா ”

என்று பாடினார். உடனே அந்தக் குயக்கொண்டான் வீழ்ந்து இறந்து போனான். அவையே அதிர்ந்து போயிற்று.

அவை நிதானம் அடைவதற்குச் சற்று நேரம் ஆயிற்று. பின்னர் அவையில் உள்ள ஆன்றோர்கள் நக்கீரரைச் சமாதானப்படுத்தினார்கள். “அவன் தமிழை அறிந்தது அவ்வளவுதான். ஏதோ அவனது அறிவின்மையால் உளறிவிட்டான். அதற்காக அவன் இறக்கும்படி பாடியது எங்கள் மனத்தை எல்லாம் பிசைகிறது. எனவே இறக்கும்படி பாடிய நீங்களே அவனை எழுப்பும்படி பாடியருள வேண்டும்.” என்று வேண்டினார்கள்.

அமைதியடைந்த நக்கீரர் உடனே

“ ஆரியம் நன்று தமிழ்தீ தெனவுரைத்த
காரியத்தால் காலக்கோள் பட்டானை – சீரிய
அந்தண் பொதியின் அகத்தியனார் ஆணையினால்
செந்தமிழே தீர்க சிவா “

என்று பாடினார். தூங்கியவன் விழித்தெழுந்ததுபோல அவன் எழுந்து கொண்டான்.

எனவே நக்கீரர் ஒருவனைச் சாவவும் வாழவும் வைக்க வல்ல மந்திரத்தமிழில் ஆற்றல் பெற்றவர் என்பது தெரிகிறது.
(நன்றி : திருமுருகாற்றுப்படை – சகுந்தலை நிலையம் வெளியீடு)

இரா.பகவதி · இரா.பகவதி Mon Feb 13, 2012 6:20 pm

அண்ணா தமிழின் பெருமையை பகிர்ந்தமைக்கு நன்றி

**ராஜா** · **ராஜா** Mon Feb 13, 2012 6:26 pm

நன்றி சாமி

சதாசிவம் · சதாசிவம் Mon Feb 13, 2012 6:28 pm

அறிய, புதிய தகவல்
நன்றி சூப்பருங்க

சார்லஸ் mc · சார்லஸ் mc Mon Feb 13, 2012 6:42 pm

“மந்திரத் தமிழ்” - புதிய சொல்லாக இருக்கிறதே?!!

விபரமறிந்தவா்கள் விளக்கமளித்தால் நாம் தெளிவாக அறிந்து கொள்ளலாமே...

பாடல் பாடி கொல்லவும், எழுப்பவும் முடியுமா?!!!

**Dr.சுந்தரராஜ் தயாளன்** · 03/09/2011

புதிய செய்தியாக உள்ளது. பதிவுக்கு நன்றி சாமி. விரும்பினேன் உங்கள் பதிவை.

கபாலி · கபாலி Mon Feb 13, 2012 8:04 pm

தமிழால் வெல்லவும் முடியும் கொல்லவும் முடியும்..

பகிர்வுக்கு நன்றி சாமி.

**ரா.ரா3275** · **ரா.ரா3275** Mon Feb 13, 2012 8:57 pm

அடடே...அற்புதம்-அதிசயம் சாமீ...
நல்ல பதிவு-பகிர்வு...நன்றி...

**சாமி** · **சாமி** Mon Feb 13, 2012 11:47 pm

நண்பரே
மந்திரத் தமிழ் - புதிய பதிவைப் பார்க்கவும்

சாமி

சார்லஸ் mc wrote:“மந்திரத் தமிழ்” - புதிய சொல்லாக இருக்கிறதே?!!

விபரமறிந்தவா்கள் விளக்கமளித்தால் நாம் தெளிவாக அறிந்து கொள்ளலாமே...

பாடல் பாடி கொல்லவும், எழுப்பவும் முடியுமா?!!!

**இளமாறன்** · **இளமாறன்** Tue Feb 14, 2012 12:03 am

நக்கீரர் ஒருவனைச் சாவவும் வாழவும் வைக்க வல்ல மந்திரத்தமிழில் ஆற்றல் பெற்றவர் என்பது தெரிகிறது

புதிய செய்தி நன்றி பகிர்வுக்கு மகிழ்ச்சி

Sponsored content · Sponsored content

தமிழ் தாழ்ந்தது – நக்கீரர் கோபம்

தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

Re: தமிழ் தாழ்ந்தது – நக்கீரர் கோபம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக