கவிதை போட்டி 5 இல் பரிசு பெற்ற கவிதைகள்

by **இளமாறன்** Sat Feb 11, 2012 7:10 pm

First topic message reminder :

முதல் பரிசு பி.ஜி .ராமன்

அசையாதா அரசியல் தேர்

பயனர் பெயர்: பிஜிராமன்

சாக்கடை என்பவர் சத்தியவான் ஆகிடார்
மாக்கடைச் செய்பவரும் மந்தையு மாகிடார்
பூக்கடை என்றுபல புத்தியற் சொல்லிட
வேக்கைதனைக் கொள்வர் பலர்

தர்மமதைக் காத்த தலைவர் பலரிருக்(க)
கர்மமதைக் கைவிடாது கையினிற் கொண்டிடுந்
துர்மணம் வீசுந் துரோகிகள் ஆண்டிடப்
புர்கூட மாய்ந் திடும்

இசையினை யொத்து இனிக்கும் மசோதா
இசைந்திடா தென்றும் இறங்காச் சபாவில்
அசையும் பணத்தின் அமைவிடம், என்றும்
அசையா தரசியல் தேர்

எக்காளங் கொள்பவர் எப்பொழுது மெண்ணிட
முக்கிய மாயிருந்து மூச்சில் வெறியுடன்
இக்கால வாலிபர்கள் ஆண்டிடவே நாட்டினை
நிக்கா தரசியல் தேர்

பன்னாட்டு வர்த்தகம் பாங்காக சென்றிடவே
என்நாட்டு மக்களிங்கு ஏமாந்து நின்றிடுவர்
தன்னரசின் உய்விற்கு தீயுதவி நல்கிடவே
துன்பமொன் றேத்தேரே ரும்

by **இளமாறன்** Sat Feb 11, 2012 7:49 pm

9.திரு.க அருண்குமார் -

நிலமகள் நோதல் இன்றி.

அது விவசாய நிலம் தின்று
வளர்ந்த நகரம்..
அன்று இருபத்திமூன்றாம்
நூற்றாண்டின் கடைசித் திங்கள்..

நிலங்களில் நடைப்பயலும்
செடிகளை,
'பிளாஸ்டிக்' கழிவுகள்
தலைதின்றன..

பள்ளிக்குச் செல்லும்
குழந்தைகளின் புத்தகப்பையுடன்
பிராணவாயு சீலின்டர்கள்
இணைத்திருந்தன..

பூமிக்கடியிலிருந்து தோண்டியெடுத்த
சிட்டுக் குருவிக்கூடுகளை
ஆச்சிரியத்துடன் பார்க்கும்
தொல்பொருள் ஆராய்ச்சியாளர்..

தண்ணீரில்லாமல் கணிணி
மூலம் விவசாயம்
முயன்று தோற்கும்
மென்பொறியாளன்....

பூக்களையும்,பட்டாம்பூச்சிகளும்,
காதலிக்கு உவமையாக கூட
கவிஞர்கள் எழுவதில்லை.
மனிதன் அதனுடன் தொடர்பற்று
இரண்டு தலைமுறையாகின...

வீட்டில் பொருத்தப்பட்ட,
சிறுநீரில் குடிநீராக்கும்
நவீன இயந்திரத்தில்
குடிநீர்ப் பருகும் சிறுமி..

இருபத்திமூன்றாம் நூற்றாண்டின்
கல்யாணத்தில் அட்சதை அரிசியும்,
வாழைமரங்களும்
பிளாஸ்டிக்கில் இருந்தன..
காலை விருந்துக்கு
வைட்டமின் மாத்திரையும்,
மதிய விருந்துக்கு
ப்ரோட்டீன் மாத்திரையும்,
பரிமாறப்பட்டது...
ஐந்துக்கிலோ அரிசியும்,
ஒரு கிலோ பருப்பும்
சீதனமாக கைமாறின...

'நிலா..நிலா ஓடிவா"
பாடிய குழந்தைகளை
ஓசோன் ஓட்டை
வழிவந்த கதிர்கள்
உருக்குலைத்தன...

நிகழ்காலத் தலைமுறையினர்
நிலமகள் நோதல் இன்றி வாழ்ந்தால்,
எதிர்காலம் என்னும் கருவறைகள்
கல்லறையாகாமல் தப்பிக்கும்!!!!!!!!!!!

by **இளமாறன்** Sat Feb 11, 2012 7:53 pm

10.செல்வி .ஹீஷாலி -

ஈழம் பாடாத இதயம்

ஈழத்தின் குருதி நனைத்து எழுது கோல்
அழுகிறது என்தேச குறும்படங்களை கண்டு

தமிழ்வண்ணப் பூக்களுக்கும் மரணதண்டனை
நடுரோட்டில் நாறும் பிணங்கள்

பெருக்க ஆளில்லாமல் பதுக்கிய பிணங்கள்
பொட்டலங்கலாய் ஒரே தீ பந்தத்தில் சமர்பணம்

மார் மறைத்து பால்குடித்த குழந்தை
மரணக்குழியில் மண்ணோடு மாண்ணானமாயம்

மழையாய் சிந்திய கண்ணீரில் மக்கிய
விதையாய் முளைக்காத ஈழப் பிணங்கள்

விதியை எதிர் நோக்கி வாழ்ந்த ஈழம்
வீழ்ந்தது சதியின் மதிகெட்டு சடலங்கலாய்

என்றோ தானமிட்ட குருதிகள் இன்று
சுட்ட மணலில் விதைக்கிறது இராணுவத்தால்

எண்ணறிவில்லா பிணக்கணக்கை
எண்ணப்பழகிய பள்ளி சிறார்கள் பிணப்பள்ளியில்

சிறகில்லா பறவைபோல் சிதைந்த உடலை காக்க
வேடந்தாங்கலாய் திரியும் ஈழம்

ஆகாய உணவை எதிர்நோக்கி அசையாத விழிகள்
மௌன விரதத்தில் இரை தேவனை தேடியபடி

ஈசல் வாழ்க்கை போல் இறுதிச் சடங்கு நடத்தும் ஈழத்துயிர்கள்