இந்தோனேசியாவில் கடும் நிலநடுக்கம்: 1000 பேர் பலி?

மீனு · மீனு Thu Oct 01, 2009 12:23 pm

ஜகார்த்தா, செப்.30: இந்தோனேசியாவை ஒட்டிய பசிபிக் கடலின் அடிப்பகுதியில் புதன்கிழமை மாலை கடும் நிலநடுக்கம் ஏற்பட்டது. இதனால் அந்நாட்டின் படாங் நகரில் 1000-த்துக்கும் அதிகமானோர் இறந்திருப்பார்கள் என அஞ்சப்படுகிறது.
பல்வேறு இடிபாடுகளில் சிக்கி உயிரிழந்த 75-க்கும் அதிகமானோரின் உடல்கள் புதன்கிழமை இரவு கண்டெடுக்கப்பட்டுள்ளன.
முன்னதாக, பசிபிக் கடலின் தென்பகுதியில் செவ்வாய்க்கிழமை அதிகாலை கடும் நிலநடுக்கம் ஏற்பட்டது.
இதன் தொடர்ச்சியாக இந்தோனேசியாவின் சுமத்ரா தீவை ஒட்டிய பசிபிக் கடல் பகுதியில் நிகழ்ந்த நிலநடுக்கத்தால் (ரிக்டர் அளவுகோலில் 7.6) படாங் நகரில் ஏராளமான கட்டடங்கள் இடிந்தன. உயரமான கட்டடங்கள், அடுக்குமாடி குடியிருப்புகள், ஹோட்டல்கள், மருத்துமனைகள் உள்ளிட்ட ஏராளமான கட்டடங்கள் இடிந்து விழுந்தன.
இச் சம்பவங்களில் 75-க்கும் அதிகமானோர் உயிரிழந்ததாக இதுவரை கண்டறியப்பட்டுள்ளது. ஆயிரத்துக்கும் அதிகமானோர் இடிபாடுகளில் சிக்கி இறந்திருக்கலாம் என அதிகாரிகள் அச்சம் தெரிவித்துள்ளனர்.
நகரின் பல இடங்களில் மின் தடை, தொலைபேசி தடை ஏற்பட்டுள்ளதால் பாதிக்கப்பட்டோர், உயிரிழந்தோர் குறித்த மேலும் பல தகவல்களை பெறுவதில் தொடர்ந்து சிக்கல் நிலவுகிறது.
மலேசியாவில் எதிரொலி: இந்த நிலநடுக்கத்தின் அதிர்வை அதே நேரத்தில் மலேசியாவிலும் உணரப்பட்டதாக அங்கிருந்து வரும் தகவல்கள் தெரிவிக்கின்றன. தலைநகர் கோலாலம்பூரில் உயரமான கட்டடங்களில் இருந்து பொதுமக்கள் அவசரஅவசரமாக வெளியேறினார்.

ரூபன் · ரூபன் Thu Oct 01, 2009 12:27 pm

என்ன இந்தோனேசியா பாவப்பட்ட நாடா தொடர்ந்து ஒரே இயற்கை அனர்த்தமாக இருக்கே இந்தோனேசியாவில் கடும் நிலநடுக்கம்: 1000 பேர் பலி? 56667

இந்தோனேசியாவில் கடும் நிலநடுக்கம்: 1000 பேர் பலி?

இந்தோனேசியாவில் கடும் நிலநடுக்கம்: 1000 பேர் பலி?

Re: இந்தோனேசியாவில் கடும் நிலநடுக்கம்: 1000 பேர் பலி?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக