அன்புள்ள தமிழுக்கு ஆதிரா எழுதுவது !

by **ayyamperumal** Thu Feb 09, 2012 9:46 pm

அன்புள்ள தமிழுக்கு ஆதிரா எழுதுவது !

சந்தங்களையே சந்தனமாய் பூசி - எந்தன்
சிந்தை கமழ்கின்ற செந்தமிழே !.

பிரபஞ்ச பேரெல்லைகளில் எல்லாம்
இலக்கியத்தை நிரப்புகின்ற செழுந்தமிழே !

வணக்கம் !

ஞானபீடம் , சாகித்திய அகதெமி ,
ராஜராஜசோழன் என
ஆயிரம் ஆயிரம் விழாக்கள் உண்டிங்கு .ஆனால்
உனக்கு அழைப்பு உண்டா ? போகட்டும் விடு ..

ஆதவன் கரங்களை போல்
ஆளுமை செலுத்துகிற
ஈகரை தமிழ் களஞ்சியத்தின்
இலக்கிய திருவிழாவிற்கு வா !

தமிழர் திருநாட்கள் கூட திரையரங்கிலும் , தொலை காட்சியிலும் சிறை பட்டு கறை பட்டு போன இந்த காலத்தில் ஈகரை தமிழ் களஞ்சியம் நடத்திகிற இலக்கிய திருவிழாவிற்கு வா ! இது வெறும் பரிசளிப்பையோ , பதிவாளர் சந்திப்பையோ உள்ளடக்கிய விழா அல்ல . இதனுடைய நோக்கம் வேறு.

தமிழ் மொழி வரலாற்றில் சங்க காலம் பேசப்படுவதை போல ..

புதுக்கவிதையின் வளர்ச்சியில் ., எழுத்து , கிராம ஊழியன் ,
சரஸ்வதி , கலாமோகினி , மணிக்கொடி ,தீபம் , தாமரை , கசட தபற போன்ற இதழ்கள் பேசப்படுவதை போல ..

தனி தமிழ் இயக்கத்தில் மறைமலை அடிகளும் , பரிதிமாற் கலைஞரும்
பேசப்படுவதை போல .....
இணைய தமிழ் வளர்ச்சியில் , ஈகரையை பற்றி நாளைய சமுதாயம் பேச வேண்டும். அதற்கான பயணத்தை தொடங்கிவைக்க...... உன்னை அழைத்து இந்த மடலை எழுதுகிறேன்.

ஆகவே வரும் ஞாயிறு அன்று உன் தேசத்தின் தலைநகருக்கு விரைந்து வா தமிழே ! !
நன்றி வணக்கம் !

by **ரா.ரா3275** Thu Feb 09, 2012 9:51 pm

அருமையான கடிதம்,அய்யம்பெருமாள் எழுதியது...
அதுவும் ஆதிரா எழுதுவதுபோல...
அன்னைத் தமிழை அழைத்திடுவோம் சென்னைக்கு...
நானும் இதில் இணைகிறேன்...

by **பிஜிராமன்** Thu Feb 09, 2012 10:02 pm

அருமையான கட்டுரை அண்ணா........

இணைய தமிழ் வளர்ச்சியில் , ஈகரையை பற்றி நாளைய சமுதாயம் பேச வேண்டும். அதற்கான பயணத்தை தொடங்கிவைக்க...... உன்னை அழைத்து இந்த மடலை எழுதுகிறேன்.

இந்த வரிகள் கூடிய விரைவில் உலகறிய உண்மை ஆகும்.

நாம்(ஈகரை) தமிழை வளர்ப்போம் உயர்த்துவோம் என்று கூறிக்கொள்வதில்லை. காரணம்
அவற்றை நாம்(ஈகரை) உண்மையில் செய்து கொண்டிருக்கிறோம்.

நன்றிகள் அண்ணா மகிழ்ச்சி

நன்றிகள் அண்ணா.

அய்யம் பெருமாளின் ஆனந்த மாமழைப்பில்
மெய்மறந்து மெய்சிலிர்த்தேன் நான்
மகிழ்ச்சி

மிகவும் அருமை ரா.ரா. / தம்பி இராமன் மகிழ்ச்சி

by **ayyamperumal** Thu Feb 09, 2012 10:11 pm

RaRa3275 wrote:அருமையான கடிதம்,அய்யம்பெருமாள் எழுதியது...
அதுவும் ஆதிரா எழுதுவதுபோல...
அன்னைத் தமிழை அழைத்திடுவோம் சென்னைக்கு...
நானும் இதில் இணைகிறேன்...

நன்றி ர ர ! அக்கா என்ன சொல்ல போகுதோ ? ( போறாங்களோ )

by **பிஜிராமன்** Thu Feb 09, 2012 10:13 pm

Dr.சுந்தரராஜ் தயாளன் wrote:அய்யம் பெருமாளின் ஆனந்த மாமழைப்பில்
மெய்மறந்து மெய்சிலிர்த்தேன் நான்

இனிய குறள் ஐயா......அண்ணாவிற்கு இன்பம் தரும் குறள் மகிழ்ச்சி

by **ரா.ரா3275** Thu Feb 09, 2012 10:16 pm

அய்யம் பெருமாள் .நா wrote:
RaRa3275 wrote:அருமையான கடிதம்,அய்யம்பெருமாள் எழுதியது...
அதுவும் ஆதிரா எழுதுவதுபோல...
அன்னைத் தமிழை அழைத்திடுவோம் சென்னைக்கு...
நானும் இதில் இணைகிறேன்...

நன்றி ர ர ! அக்கா என்ன சொல்ல போகுதோ ? ( போறாங்களோ )

நல்ல தமிழை யாரும் மறுதலிக்கவோ மறுமுகம் காட்டவோ மாட்டார்கள்...